Денот на дрвото

Македонија пошумена со седум милиони дрвца

Рој од луѓе кои неработниот ден го искористиле да ја поддржат шестата по ред акција. Годинава садеа заедно и млади стари. 20 милиони дрвца кои го добија своето место на македонско тло веќе ги зацврстиле своите корени.

Вака изгледа Македонија по пет изминати денови на дрвото.

Екипата на Сител беше и во скопско Ржаничино, и таму иста глетка. Полни автобуси со ученици, работници и пензионери, сите со желба да остават свој белег на традицијата.

Во Ржаничино го сретнавме и Миле Јанакиески. Не работниот ден го искористиле со сопругата за да дадат придонес кон акцијата.

Денес можеа и да прошетаа по скопскиот терен. Заедно засадија и зимзелени и листопадни дрвја. Помогнавме и ние.

Сопругата на Јанакиески немаше проблем да го искачи стрмниот терен. Се покажа како добра поддршка иако во наредните месеци очекуваат принова во семејството.

Дрвца садеа сите министри, пратеници, градоначалници. Едни во источна други во западна Македонија.

Ако во изминатите пет акции Македонија доби нови 20 милиони садници, само денес во државата свое место добија уште седум милиони дрвца.

Акцијата Ден дрвото продолжува.

Во Струмичко утре ќе бидат пошумени 25 хектари со 110.000 садници

Во годинашнава пролетна еколошка акција што ја организира здружението „Ден на дрвото - засади ја својата иднина“, утре на четири локации во Струмичкиот регион ќе бидат засадени околу 25 хектари со 110 илјади садници од чемпрес, багрем, бел и црн бор.

Во општина Струмица вкупно ќе бидат пошумени 13 хектари со 52 илјади садници, и тоа: на локалитетот „Цареви кули“ на три хектари ќе се засадат 12.000 млади фиданки од багрем, чемпрес и црн бор, а во месноста „Коџа Баир“ на Беласица е предвидено да бидат засадени десет хектари со 40 илјади дрвца од бел бор.

- На локалитетот Иловичка брана во општина Босилово на два хектара ќе се засадат осум илјади багреми, а во месноста Репетитор во општина Василево на 10 хектари ќе бидат засадени 40 илјади садници црн бор, чемпрес и багрем, изјави за Гончо Атанасовски, технички директор на ПШС „Беласица“ од Струмица.

Во акцијата за пошумување врз доброволен принцип ќе учествуваат граѓани и средношколци, младинци и пензионери од трите општини, а до сите предвидени локации ќе биде обезбеден бесплатен автобуски превоз. Во општина Василево во акцијата „Ден на дрвото“ ќе учествуваат и граѓани од општина Струмјани, Република Бугарија.

Околу три милиони дрвца денеска беа засадени   на површина од 755 хектари, на 70 локации во 30 општини низ Македонија, во рамки на седмата акција „Ден на дрвото - пролет 2011“ што се реализира под мотото „Ајде на садење, батали политика бар денес“.

Иницијаторот, маестро Борис Трајанов, акцијата ја оцени како добра, а причина за тоа смета дека се добрите временски услови.

- Акцијата стана дел од социјалната култура на граѓаните. Со многу мали напори успеваме да го реализираме зацртаното, рече Трајанов.

Тој посочи дека екипи на јавното претпријатие Македонски шуми деновиве ќе работи на засадување на преостанатите садници.

- Со оглед на тоа што некои граѓани не се стручни за садење, од Македонски шуми ќе ги проверат садниците и во наредните три до пет дена ќе извршат контрола за тоа како се засадени дрвцата. Ако има оставени садници ќе ги засадат дополнително, вели Трајанов.

Традицонално во акцијата се вклучи  државниот врв,  членови на Владата, државната администрација, АРМ...