Црвена експлозија за елиминација на пролетниот замор

Додека природата се буди и нè повикува да излеземе од зимскиот сон, нашиот организам не е подготвен да одговори на сончевите зраци и големата енергија која се шири низ воздухот. Имено, дури половина од луѓето патат од пролетен замор кој настанува заради нерамнотежата во телото и ослабениот имунитет. Загубата на апетитот, несоницата, малаксаноста и лошото расположение најбрзо се лечи со балансирана исхрана, збогатена со енергетски бомби.

Ви претставуваме рецепт за црвена доза на енергија која ќе ве разбуди побрзо и од ладен туш!

Потребни состојки:

• 3 репки (со тежина околу 300 грама)
• 2 моркови
• 2 стебла целер
• 4 китки магдонос
• 1 чили пиперче
• 4 ротквици
• 4 домати

Подготовка:

Излупете ги репките и морковите, а останатиот зеленчук добро измијте го и исечкајте го. Ставете сè во блендер и добро измиксајте, а добиениот пијалак се препорачува да се консумира после првиот утрински оброк.

Покрај многуте витамини и минерали, репката изобилува и со јаглехидрати, кои се гориво за поспаното тело. Заради содржината на растителни влакна, репката ја подобрува дигестијата и ја спречува подуеноста, со што телото се ослободува од честите одземувачи на енергија, кои го исцрпуваат организмот. 

Целерот содржи активни состојки кои ги опуштаат мускулите и артериите и на тој начин го регулираат крвниот притисок кој е најчесто низок и ни пречи во извршувањето на секојдневните функции во овој период од годината. Б-комплексот од целерот ја поттикнува размената на јаглехидрати во телото, ги зајакнува нервите и мозокот и нè буди од пролетниот замор.

Доматите се еден од најбогатите извори на витамин Ц, како и магдоносот, и се неопходни за зајакнување на имунитетот. Покрај тоа, доматите содржат и калиум и магнезиум, кои ги спречуваат грчевите во мускулите.

Чили пиперката ја стимулира циркулацијата на крвта, го намалува крвниот притисок и нивото на холестерол.

Високата содржаност на калиум, фосфор и железо, ги ублажува симптомите на стрес, замор и слабост во мускулите, кои всушност се најчестите тегоби во организмот, кои ни се случуваат во ова пролетно време.

Рецепти за ишијас, болки во крстот, реума

Имате проблеми со исчашени зглобови, болки во крстот, реума, ишијас...? Следете ги нашите совети и испробајте ги рецептите за природни лекови кои се наоѓаат во продолжение.

ПРОТИВ ИШИЈАС

Кај појавата на јаки болки долж нервот ишијатикус, пред сè под крстот, на надворешната страна на бутовите и на надворешната страна на нозете, во народната медицина одамнина се подготвуваат разни растителни облоги. 

- Кашеста облога од зелка: Листовите од зелка се натопуваат во стопена свинска маст во која е додаен мелен црн пипер. Со ова се мачка заболеното место и се покрива со ленена крпа. 

- Масло од јоргован: 300 гр. цветови и листови се ставаат да отстојат 4 недели во литар маслиново масло, на сонце, а потоа се цеди и се мачкаат болните места. 

- Болните места може и да се удираат со голема свежа коприва, а потоа да се намачкаат со малку бело вино и оцет. 

БОЛКИ ВО КРСТОТ

Надворешна терапија:

- Кашести облоги од попарени, изгмечени листови од зелка;

- Кашести облоги од свежа мајчина душица, загреани на шпорет;

- Кашести облоги од попарени свежи листови од вербента, на што се додава една белка или се варат со чаша оцет, па содржината се става меѓу две ленени крпи, што е можно потопли. 

Внатрешна терапија:

- Чај од змиска липа: 30 гр. од лушпата се вари на тивко 15 минути во литар вода, се изладува малку, се процедува и се пие во рок од два дена.

ПРОБЛЕМИ СО ЗГЛОБОВИ

- Кај исчашување на зглоб: Лажиче арника се прелева со 2, 5 дцл топла вода и се остава да отстои најмалку половина час, а потоа од таа смеса се прави облога за исчашениот зглоб.

- Исчашеното место нежно се трие со масло од кантарион, кое што се прави на следниот начин: 200 гр. мали врвови во цвет три часа се варат во маслиново масло, а потоа се лади и се процедува. Се чува во добро затворено шише на темно место.

- Кашеста облога од рендан свеж корен од коњско опавче: се посипува со маслиново масло.

- На исчашен зглоб се става компрес натопен во тинктура од рузмарин и жалфија: по 50 гр. од исушените растенија се оставаат да отстојат две недели во половина литар алкохол.

- Се гмечат свежи листови од маргаритка или подбел и компресите се натопуваат со нивниот сок. 

Воспалени зглобови

- Се прави мешавина од три лажички листови од бреза, малку тегавец, цветови од арника и листови од жалфија. Десет грама од мешавината се прелева со 2 дцл жешка вода, се остава да отстои половина час, а потоа се процедува и се пие.

- 30 грама корен од артичока се потопува во 1 литар вода. Се загрева водата до точка на вриење, а потоа се вари на истата температура 1 час. Напитокот во оваа количина е доволен за 2 недели. Се пие по неколку лажици пред јадење, 2- 3 пати дневно. Напитокот е одлично средство против воспаление на зглобовите. 

ЗА ПОЦВРСТИ КОСКИ

Еден дцл лимонов сок, 50 гр. прав од коњско опавче и 30 гр. мелена лушпа од јајце, добро се меша и се остава да отстои 48 часа. Се консумира по три лажици дневно, заедно со оброкот. 

БОЛКИ ВО КОСКИТЕ

Се прави мешавина од по две лажички мајчина душица, листови од дива јагода, кора од липа, цветови од портокал и малку цветни ливчиња од роза. Мешавината се става да проврие во 3, 5 дцл вода, се изладува малку, се цеди и се пие по еден филџан дневно.

РЕУМА

Доколку патите од реума, следните неколку рецепти ќе ви помогнат да се изборите со непријатните болки.

Чај против реума

Во 1 литар вода се варат 40 гр. свежи листови од целер. Чајот се остава покриен се додека не се олади. Се цеди и пие млак повеќе пати дневно и тоа неколку недели. Истото дејство го има и сокот од коренот на целер, кој се консумира еден час пред јадење, по една супена лажица. 

Маст против реума

Во дрвен или порцелански аван се гмечат 20 бобинки од ловор (мора да се зрели). Се варат 15 минути во еден литар зовриена вода. Добиениот сок се цеди преку платнена крпа. Кога ќе се излади со лажица се собира маслото од површината и се меша со лажица свинска (несолена) маст. Се меша добро и се чува во стаклен или пластичен сад. Оваа маст е идеална за намалување на реуматичните тегоби, болки во мускулите и зглобовите. 

Против реума и болки во коските

Се меша 30 гр. исушен корен од ова растение и 10 гр. корен од глуварче. Се сипува во литар бело вино, се остава да отстои 5 дена и се процедува. Се пие 10 дена по 2 чаши после појадок и пред спиење. 

Масло од камилица

Една тегла од литар наполнете ја со свежи цветови од камилица и прелејте со ладно цедено маслиново масло, така што нивото на маслото да биде над нивото на камилицата. Теглата се остава на сонце 15-20 дена со секојдневно протресување, а потоа се втрива во ревматичните зглобови.

Пијалак против реума

Секое утро нагладно пијте чист сок од кадрава мента во вино. Овде мора да се употреби токму таа мента сродна на лутото нане и никоја друга. Од тој сок земете половина лажичка и измешајте со половина филџан квалитетно вино. Со ова може да се ублажи реумата. Секогаш кога повторно ќе се појави, земајте неколку дена пред јадење по една голтка од виното додека не се чувствувате подобро. Тогаш направете пауза се додека трае успехот на лекувањето.

УБЛАЖУВАЊЕ НА БОЛКИТЕ ВО НОЗЕТЕ

Прво кренете ги ноѕете под агол од 45 степени и олабавете се неколку минути. Потоа 15-тина минути држете ги во леген со топла вода во која сте додале 1-2 лажици морска сол. Потоа исплакнете ги со топла вода и подгответе купка за нозе со топла вода во која сте ставиле 6 капки масло од еукалиптус, 6 капки масло од рози и 1 лажица сок од лук. Во легенот држете ги нозете 5 минути и потоа исплакнете ги со студена вода. Болните нозе ќе бидат само далечно минато!