Духовден или задушница?

izvoren напиша:    На празникот Духовден треба да го прославуваме Светиот Дух!    Зошто православните на овој ден одат на гробишта и со разни јадења им оддаваат почит на умрените?

Јас колку што знам задушница е во Сабота, а во недела е Духовден, односно слегувањето на Светиот Дух.
Православните Христијани одат во Сабота на гробишта за да се помолат за покој на душите на умрените.

macedon_alex напиша: Православните Христијани одат во Сабота на гробишта за да се помолат за покој на душите на умрените.

EvAngelos напиша: macedon_alex напиша: Православните Христијани одат во Сабота на гробишта за да се помолат за покој на душите на умрените.   И патем да ги наранат... душите.

Не знам кој ги храни умрените, јас знам дека се дава храна на живите, не на умрените.

Традицијата и верските обичаи налагаат едно а народот прави друго. Јасно е кажано што се носи на гробишта, како се однесува на гробишта, Еден многу убав напис за потсетување на оние кои забегуваат е даден во Дневник

Задушница не е гробна гозба

На празникот треба најважна да биде молитвата за спокој на душата на починатиот, а не гозба со која му се угодува на стомакот, вели свештеникот Стојан Пајковски, од црквата „Свети Димитрија“

Парите потрошени за храна што се остава на гробовите, подобро да се донираат во народни кујни или во детски домови

На покојните им се потребни помени со свеќи, цвеќе, пченица, лепче и малку вино, а не со храна, пијалаци и вистински гозби, им порачуваат свештениците од Македонската православна црква на верниците, спроти претстојниот верски празник Духовден. Тие реагираат и против ноќните бдеења на гробиштата, бидејќи тоа не е својствено за православната христијанска традиција.

Свештениците на МПЦ ги повикуваат граѓаните да престанат со таквото одржување, бидејќи тоа претставува непотребно расипништво. Задушница или Духовден се верски празници со кои двапати годишно им се одава почит на починатите. Но, почитта не треба да се изразува преку раздавање храна на гробовите на покојните.

- Тоа што луѓето го прават на Задушница не е во духот на празникот. Таму најважна треба да биде молитвата со која ќе го молиме Господ да и' даде спокој на душата на починатиот. Но, не ретко се случува да се прават гробни гозби со кои најмногу му се угодува на стомакот. На тој празник најважно е луѓето да дојдат со смирено срце, да запалат свеќа која ќе им го осветли патот на душите на покојниците - вели еден од најстарите скопски свештеници, Стојан Пајковски, од црквата „Свети Димитрија“.

Митрополитот европски Пимен, во колумна во „Дневник“ ги повика верниците, наместо непотребно да трошат пари за храна што ја оставаат на гробовите, тие средства да ги подарат на народни кујни или на детски домови.

- Настанува и натпревар кој повеќе ќе донесе на гробот за раздавање, со мисла дека храната и пијалакот оставени на гробот ќе ги изеде и испие починатиот. Молитви и давање милостина се полезен начин да се направи нешто во име на починатиот. Порано, се правеле заеднички ручеци за сиромашни и за бездомници, а храната на гробовите се оставала за оние што ќе поминат, ако се гладни, да се послужат како спомен за покојникот, но не и со верување дека тој ќе стане да јаде - наведува митрополитот Пимен.

Скопјанката Светлана Деспотовска наведува дека многу често била сведок како празникот Задушница се претвора во веселба.

- Гледав како на гробишта се носат и касетофони, па откако во текот на ноќта ќе се испијат повеќе чашки ракија, се пушта и гласна музика, па некој што е поднапиен почнува да пее. Тоа сигурно не е во ред - вели таа.Од градските гробишта „Бутел“ наведуваат дека одбележувањето на Задушница секоја година им создава големи комунални проблеми. Директорот Илија Филиповски смета дека е крајно време да се влијае врз граѓаните да ја сменат традицијата со носење храна и пијалаци.

- Ни се случувало по секој празник да ангажираме и по седумдесетина камиони за да го соберат сето она што е оставено на гробиштата во тие денови. Последниве години тоа количество е намалено, но проблем и натаму постои. Ние не можеме да им забраниме на луѓето да раздаваат храна на други луѓе или да ја оставаат на гробовите. Апелирам, бидејќи тоа се пагански обичаи, тие помени да се прават на поинаков начин, со цвеќе, свеќи и пченица - вели Филиповски.

Зголемен број автобуси до Бутел

За верскиот празник Духовден, редовниот градски автобуски превоз кон гробиштата Бутел ќе биде засилен со дополнителен број автобуси на Јавното сообраќајно претпријатие „Скопје“.

Автобусите в петок ќе сообраќаат според неделниот возен ред, а засилување ќе има во терминот меѓу 10 и 16 часот, со вклучување на дополнителен број автобуси на линијата број 59. Во истиот ден, линијата 51а/1 ќе тргне во 7.05 часот од селото Студеничани, а линијата со број 11/1 ќе тргне во 5.50 часот од селото Рашче. Линиите 55/6, 74/1, 74/2, 47а/1, 56/2, 56а/1 и 81/1 ќе работат според делничен возен ред. В сабота автобусите ќе сообраќаат според неделниот возен ред, а во периодот меѓу 7 и 16.30 часот ќе има дополнителен број автобуси, кои ќе бидат вклучувани во зависност од потребите на граѓаните. Граѓаните за возниот ред на автобусите на ЈСП може да се информираат на телефонскиот број 3 173 224.

Бранко Ѓорѓевски

А ШТО ИМАШ ТИ ПРОТИВ НОЌТА НА ВЕШТЕРКИТЕ???? 

EvAngelos напиша: блу, ако ти прва отидеш јас ке те ранам, ако јас прв отидам ти мене, диал? мацедониан, многу луѓе оставаат храна на гробовите и ја оставаат таму... се знае за кого не мудрувај непотребно а зошто пак ти даваш на живите?

Никој не вели дека не оставаат храна на гробовите, но тоа не е за умрените, зар умрените ќе станат и ќе ја земат?!
Храната се остава, за потоа некој да дојде и да ја земе, ако е гладен.
Јас искрено, не давам ниту на живите, ниту на умрените, затоа што многу ретко одам на гробишта, а истотака не одам навечер пред Духовден, како што практикуваат некои.
А на живите се дава, поради тоа што се сака да се направи добрина, во име на умрениот, како еден вид молитва за покој на неговата душа. Најправилно е да се даде на сиромашни.

Паганска работа тоа со јадењето на гробишта, ИЛИ НЕ Е?
Има длабока симболика секако, а знае некој што се споменува во Библијата конкретно за Слегувањето на Светиот Дух и вистинската симболика?