По 12.000денари за учење во средно???

Со поддршка на Светската банка од 25 милиони долари, во земјава ќе започне нов проект - условени парични социјални трансфери кој е наменет за помош на сиромашните семејства и корисниците на социјална помош. Станува збор за за тригодишен проект што ќе стартува во септември, годинава. Со него е предвидено на 18.000 сиромашни семејства да добиваат по 12.000 денари годишно за да можат да ги испраќаат своите деца да завршат средно образование. Во втората фаза на проектот ќе се обезбедат пари за поддршка на преднаталната и постнаталната грижа за децата во, според првичните проекции, 5.000 сиромашни семејства.

Според вицепремиерот Зоран Ставрески, проектот е особено значаен бидејќи во услови на тешка економска криза им се помага на децата од сиромашните семејства редовно да одат на училиште и да завршат барем средно образование.
- На долг рок им помагаме на семејствата корисници на социјална помош да го подобрат за своите деца образованието и здравството - изјави Ставрески.

За директорката на Светска банка за Македонија, Џејн Армитаџ, проектот е значаен и од аспект на привлекување инвестиции во Македонија.
- Кога странските ивеститири разгледуваат дали одредено место е привлечно за инвестирање, тие ги анализираат и деловите на образование, образовните вештини и доброто здравје во средината, рече Армитаџ.

Бордот директори на Светска банка треба да го одобри проектот за условени парични трансфери во април, годинава. Дел од парите од проектот треба да бидат наменети и за институционална поддршка. Македонија и Светската банка моментно имаат 12 активни проекти, поддржани со вкупно 250 милиони долари.

Значи според проценките на владата 1000 денари се доволни месечно за издржување на еден средношколец.

Се прашувам,живееме ли во иста држава со луѓево од власта?

Мислите ли дека 1000денари се сосем доволни