Обичните саксии за цвеќиња можат да изгледаат здодевно и обично имаат високи цени. Ако сакате нешто интересно, а сепак не сакате да давате многу пари, овие идеи се совршени за вас.

Погледнете како од неискористените предмети во вашата куќа можете да направите оригинални саксии за вашиот дом.

1. Цвеќе во стакло

Погледнете ја сликата и ќе забележите дека саксиите се всушност мали стаклени тегли за детска храна. Сигурно не сте размислувале да ги искористите на овој начин, но според сликите можеме сите да се согласиме дека навистина се неодоливи. Дополнителна корист е тоа што можат да се користат како вазни и свеќници. Можат лесно да се вклопат во домашната атмосфера или да бидат интересен украс на вашата градина.

Што ви е потребно?

Стаклени тегли, даска, метална кружна стега, електрична дупчалка, завртки, кука и тенко јаже.

Прво исчистете ја даската ако е потребно. Направете план каде ќе ги сместите вашите саксии. Доближете ја стегата до даската, направете дупка со дупчалката и прицврстете ја со завртка. Повторете ја постапката со останатите стеги.

Ставете ги стаклените тегли во стегите и добро прицврстете, за да не паднат. На даската прицврстете една или две куки кои ќе послужат за закачување, или пак издупчете дупки низ кои ќе го провлечете јажето и ќе ја закачите даската на ѕид.

Преостанува да ги наполните саксиите со земја и да засадите цвеќиња.

2. Конзервирани цвеќиња

Нареден пат коа ќе отворите некоја конзерва наместо да ја фрлате, зачувајте и употребете ја како саксија за цвеќиња.

Што ви е потребно?

Чисти конзерви (отстранете ја амбалажата) супер лепило, јаже и дупчалка. Потребни ви се и работи за украсување.

Делот со украсувањето го препуштаме целосно на вас. Техничкиот дел е доста едноставен започнува со дупчење на дупки во конзервата, протнување на јажето низ тие дупки и закачување некаде по своја желба.

3. Цвеќе во метална кутија

Многу едноставна и креативна идеја. Земете стара метална кутија која нема некоја посебна корист во вашиот дом, и искористете ја како саксија. Се што треба да направите е да ја наполните со земја и да насадите цвеќиња.

4. Цвеќе во плакар

Зарем не сте воодушевени од оваа идеја? Можеби не е најпрактична, но дефинитивно е креативна и уникатна.

Прв чекор што треба да го направите, откако ќе најдете плакар или фиокар кој не го употребувате повеќе, е да го заштитите со средство за заштита од вода и влага. Откако ќе се исуши добро, поделете ги фиоките на два дела, предните делови наполнете ги со земја а, во задните делови ставите каменчиња или некоја друга цврста материја која ќе спречи да се превртат.

Цигли можете да поставете под целиот плакар за да може водата слободно да паѓа како и под последната фиока. Извадете ги дршките и залепете им парче дрво и повторно вратете ги на плакарот.

Финалниот резултат е навистина креативна мини градина.

Свеќите ја будат топлината и романтичната атмосфера, па не би било лошо оваа есен да уживате во домашно изработена миризлива креација. Можете да ја стилизирате по ваш вкус и да ја подарите на некоја драга личност или едноставно да ја украсите вашата полица во домот.

Потребен ви е само еден керамички огноотпорен сад, восок, цели зрна кафе, фитиљ и ванила арома.

Подготовка:

Растопете го восокот на висока температура и додека е уште топол додадете ја ванила аромата и зрната кафе.

Погрижете се добро да ги наместите фитиљите во садот и да го дополните со смесата од восок и зрна кафе.

Украсете го садот по желба и уживајте во миризливата декорација секое утро кога ви е неопходна силна доза кофеин!

Канадскиот уметник Кристи Малакоф изработува уникатни скулптури од вистински пари.

Тој ги трансформира банкнотите од целиот свет во прекрасно уметничко дело.

Ние сме воодушевени, сигурни сме дека и вам ќе ви се допаднат. Погледнете:

Ако ви се скрши некоја чаша, или пак некој предмет кој ви е навистина драг, не очајувајте затоа што тоа не значи крај на неговата употреба. Обидете се да бидете малку креативни и вредни. Пронајдете му нова намена во вашиот дом или двор и решете се од стравот дека ќе мора да се збогувате со тој предмет.

Ова се неколку наши идеи како да им дадете "втора шанса" на скршените предмети.

1. Можеби не сте сентиментално врзани за корите од јајцата, но тие може да ви завршат голема работа. Наполнете ги со восок и направете мини свеќи.

2. Од скршената трамбулина направете го еластичниот кревет кој одамна го посакувавте. Закачете ја на еден издржлив синџир или неколку јажиња, пуштете едно платно кое ќе создаде поинтимна атмосфера и додадете неколку пернички кои ќе ви го зголемат уживањето.

3. Од една скршена маса направете две. Прицврстете ги за ѕидот и искористете ги како мини работна масичка или маса за разубавување со огледало и козметика.

4. Скршените чаши за мартини и вино искористете ги како држач за свеќа која ќе ја забодете во средината на некое цвеќе. Идеално решение ако сакате да создадете романтична атмосфера во вашиот двор.

5. Искршениот накит претворете го во магнет. На приврзоците кои мислите дека никогаш повеќе нема да можете да ги носите залепете им мал магнет и користете ги како домашна декорација.

6. На искршените рамки за слики секогаш можете да им пронајдете одлична намена. На пример, закачете неколку жици и изложете го накитот исто како во големите продавници за аксесоари.

7. Скршената скала е одлична замена за полиците. Има доволно широки скалила за книгите да стојат сигурно, исто како и некои мали сувенири. Одлична декорација за собите во кои сакате да додадете малку старински шмек.

8. Старата искршена столица искористете ја како нишалка. Зацврснете ја со коноп и закачете ја за некоја гранка во дворот. Подобра намена никогаш нема да и најдете.

Уредувањето на домот не секогаш мора да биде скапо и напорно, посебно ако во изработката ги вклучите сопствените прсти. Деталите како завесите, сликите, огледалата и ламбите за момент ќе го освежат и наједноставниот простор.

Еве како од само една неискористена жица и вешти прсти може да создадете креативно осветлување за било која соба во домот.

Потребен материјал:

• Сијалица со кабел за приклучување
• Изолирана жица (тенка)
• Клешта за обликување
• Инка
  
  

Постапка

Жицата започнете да ја мотате околу инката со клештата за обликување, па потоа со раце. Мотајте ја позбиено сè додека не добиете спирала со посакуваната должина. Колку спиралата е подолга, толку сенката ќе биде поголема.

Тргнете ја инката од долниот дел и протнете ја сијалицата закачена за кабелот. Прицврстете го горниот дел од жицата за делот каде што сијалицата се спојува со кабелот за да може да стои кога ќе го закачите.

Дополнителни совети:

- Постојат различни бои на приклучоци за сијалица, па затоа одберете го во зависност од бојата на жицата.

- Жицата исто така доаѓа во било која боја и да посакате, па затоа секогаш одбирајте некоја која потполно се совпаѓа во вашиот простор.

- Ако сакате да постигнете омбре ефект купете жици во иста боја, но различни нијанси и мотајте така што ќе ги спојувате една со друга со помош на клештите.

- Ако веќе правите шаренило во домот, додадете и сијалица во боја како што е жицата. Ќе добиете интересно, придушено, а весело светло.

Сакате да го понесете морето со себе? Школките сами по себе имаат карактер на детали и додаваат елеганција и нежност во домот.

Сигурно собравте или купивте по некоја школка, па еве неколку идеи како да ги искористите за да го разубавите домот и да се сеќавате на летото во текот на целата година.

Може да комбинирате со чипки, каменчиња, да додадете и песок, корали и останато по ваш избор.

Ова се неколку предлог декорации:

1. Сошијте ги за старите украсни перничиња

2. Декорирајте ги обичните свеќи

3. Обичното, едноставно огледало, делува сосема поинаку кога ќе се декорира на ваков начин

4. За поспретните, малечката масичка во дневна е добар предизвик за украсување

5. Саксиите на цвеќињата

6. Внесете морска свежина и во вазните

7. Едноставни, декоративни детали

Само ако и дозволите на вашата имагинација да ве води, ќе забележите дека и од најобичните работи, стари, употребени, навидум бескорисни, можете да  создадете нешто ново, интересно и корисно.

Добро е да знаете да искористите сè што е околу вас, да му дадете нов лик, нова намена и да ги изненадите оние околу вас кој се препуштаат на досадното секојдневие.

Еве неколку идеи кои можете да ги изведете од старите картонски кутии, со малку вештина и поголема имагинација.