Црно грозје за појако срце

Црното грозје би требало почесто да се најде на трпезата, пред се поради изобилството на калиум, витамините Ц, Б1 и Б6 и минералот манган. Покрај тоа, содржи и флавоноиди кои го забавуваат згрутчувањето на крвта, го намалуваат лошиот холестерол и на тој начин го намалуваат ризикот од срцеви болести. Неодамнешното истражување покажа дека црното грозје го зголемува нивото на хормонот мелатонин, неопходен за добар сон, а високата концентрација на резерватол во неговата лушпа позитивно влијае врз моторните и менталните функции на мозокот, го намалува ризикот од мозочен удар и помага за флексибилност и за здравје на срцевиот мускул.
Некои истражувања покажаа дека резерватолот има важна улога во спречување на малигните болести и оти може да го забрза уништувањето на веќе постојните клетки на ракот.

***

Освежете го лицето со грозје

Искористете ја сезоната на грозје и подгответе едноставна маска за освежување на лицето. Исцедете една лажица сок од свежо грозје, додадете малку мед, брашно и маслиново масло и мешајте го сето тоа додека не добиете компактна смеса (каша). Маската нанесете ја на лицето и одморете се 15 минути. Потоа, измијте ја со млака вода.

Со риба против срцеви заболувања

Во подолгата листа на корисност од конзумирањето риба може да се запише уште една - намалување на ризикот од срцева аритмија, соопштија истражувачите. На скара или во рерна, но не и пржена во масло, рибата помага во намалување на ризикот од фибрилација на срцевите комори - соопшти д-р Драјфус Мозафаријан од Медицинскиот факултет на Универзитетот Харвард во Бостон. Резултатите покажуваат дека редовното земање на туна или на други видови печени риби може да биде едноставна, но и важна брана на запушување на срцевиот мускул и на крвните садови кај постарите жени и мажи. Заслугите за таквата ситуација д-р Мозафаријан ја припишува на масната киселина омега-3 која може да се најде во многу видови риба, но и во оревите, лененото семе и во зеленолисниот зеленчук. Се верува оти омега-3 го намалува ризикот од широкиот спектар на срцеви заболувања, но и дека е исклучително важна за развој и за функционирање на мозокот.

Болести што можете да ги излекувате со храна

Некои болести со кои често се среќаваме нема потреба да ги лекуваме со лекови, едноставно е потребно само малку знаење во комбинирањето на храната и болеста за кратко време ќе исчезне. Еве за што станува збор.

Висока температура – овошен јогурт

Покачена темперетура – Вашиот организам се подготвува за борба против инфекција. Помогнете му, правилно! Одлично решение за ова е овошниот јогурт кој го забрзува метаболизмот, ја обновува енергијата и ја намалува температурата. Секогаш кога ќе забележите покачена температура, помогнете му на Вашето тело со вкусен овошен јогурт.

Габична инфекција – јогурт

Ова е делумно лек, делумно превентива. Луѓето кои редовно користат јогурт имаат за 75 % помал ризик од габични инфекции. Доколку веќе патите од некоја габична инфекција, користете редовно јогурт. Тој со своите “добри” бактерии секогаш ќе ви биде од корист.

Инфекција на мочен меур – сок од брусница

Само две чаши дневно сок од брусница ќе го спречат размножувањето на бактериите во мочниот меур, особено на бактеријата ешерихија коли која е најчест причинител на инфекција на мочниот меур.

ПМС – сирење

Сирењето е продукт кој изобилува со калциум. Според истражувањата кои ги направиле истражувачите, храната богата со калциум е одличен ублажувач на симптомите на пред-менструалниот циклус.

Настинка – супа

Да, ова е многу познат лек кој едноставно делува. Одлична е за белодробни воспаленија, рехидрација при темперетура, ринитис и сите симптоми на настинка.

Купете ги уште денес и поминете ја зимата без болести