МУЗИЧКИ ВЕСТИ

 

Мадона и Гај Ричи се договорија и за старателството

Поп дивата Мадона и британскиот режисер Гај Ричи се договорија и за старателството врз трите деца, откако претходно постигнаа договор за поделба на имотот.

Мадона го добила старателството врз Лурд, нејзината 12-годишна ќерка од претходната врска со тренерот по фитнес, осумгодишниот биолошки син на двојката Роко и врз нивниот тригодишен посвоен син Дејвид, пишува „Меил он Сандеј“.

Весникот тврди дека Мадона ќе ги земе децата со неа во Америка, но Гај Ричи, кој планира да купи куќа во Њујорк, ќе има целосен пристап до нив.

Пред тоа, 40-годишниот британски режисер беше договорено да добие најмалку 25 милиони евра во готово, а и некои недвижнини од својата десет години постара поранешна сопруга. Гај го задржува имотот во Вилтшајр, како и својот паб „Punch bowl“.

Мадона ќе ги задржи куќите во Њујорк и Лос Анџелес.

Преговорите биле релативно безболни. Гај знаеше што сака да и земе, а таа беше сигурна што сака да задржи.

Брзо се договорија, изјави добро информиран извор за таблоидот „Сан“.

Ричи со разводот ќе добие околу 77 милиони евра.

 

 

 

Ноне со Бојана во “Селект”, па соло во Кочани!

По настапот  “под инјекции и инфузија” на годинешниов “Макфест”,  првиот ексклузивец на Премиер продукција Ноне Неделковска мораше да замине на лекарски третман. Здравствените проблеми со грлото младата поп ѕвезда ја принудија на двонеделното мирување и за миг ја одалечија од  ноќните настапи по клубовите и дискотеките низ Македонија. Откако ги надмина здравствените проблеми, а лекарите и дадоа зелено светло, Ноне повторно им се враќа на настапите. Така претстојниот викенд на 24.10.2008 год. во петок, македонската џепна венера заедно со својата колешка од Премиер продукција, Бојана Атанасовска ќе имаат заедничко шоу во прочуениот струмички клуб “Селект”.  Ноне и Бојана струмичката публика ќе ја забавуваат со своите најпознати хитови, воедно промовирајќи ги и новите песни: Ноне макфестовскиот дует со Бојан Маровиќ, а Бојана нумерите од тукушто излезениот албум “Во дилема”.  Журката ќе ја  збогатат со сопствена изведба на познати екс - ЈУ и светски хитови,  и секако вообичаените караоке минути наменети за публиката.  Следниот ден пак , во сабота на 25.10.2008 год.  Ноне ќе има свое соло шоу во клубот “Коки бар” во најпознатото кочанското место Оризари. Се’ на се настапи кои како и секогаш ветуваат добро расположение, опуштена атмосвера и одлична журка на која се предвидува да има уште некое изненадување. Во меѓувреме се подготвува пакувањето и дизајнот на новиот албум на Ноне насловен како “Три во едно” кој всушност ќе биде Тхе Бест Офф. Тој  ќе ги содржи нејзините најголеми хитови од  двата албума, плус бонус од  пет неиздадени песни кои Ноне ги отпеа на фестивалите во последниве две години: “Не, не, не” (Макфест 2007),  “Бело лице љубам јас” (Етнофест 2007), “Врати се” (Евросонг 2008), “Болна вистина” (Охрид фест 2008) и “Без тебе нема утре” (Макфест 2008).

 

Влијателниот економски магазин Форбс, најпознат по објавување на листи на најбогати луѓе на светот, овојпат се позанимава со жените во музичката индустрија и притоа се покажа дека тие нималку не заостануваат зад мажите по заработката. Форбс се ограничи на оставерени приходи во периодот помеѓу јуни 2006 и 2007 година и магазинот изнесе податок дека 20 финансиски најбогатите на листата насловена „Музички карилици на кешот„ се побогати за 420 милиони долари. На првото место се најде поп-кралицата Мадона која на својата сметка кешираше 72 милиони долари. Структурата на нејзиниот приход се темели на профитот од последниот студиски албум и промотивната Конфесионс турнеја, од разните спонзорски договори, како и продажбата на права за директни ТВ преноси на нејзините концерти и модната линија, плод на нејзината соработка со куќата НМ. Дека годините не се проблем покажа и 60-годишната Барбра Стрејсенд која инкасираше 60 милиони долари од распродадената турнеја. Цената на влезници за нејзиниот настап изнесуваше 300 долари. На третото место се најде Селин Дион со 45 милиони долари по серијата концерти во Лас Вегас каде постојано настапува од 2003 година. Со успешна турнеја може да се пофали и четвртопалсираната Шакира која е побогата за 38 милиони долари. Иако во овој период Бритни Спирс не издаде албум ниту настапуваше, таа сепак успеа да заработи цели 8 милиони, од продажбата на старите хитови, додека за посебна финансиска инјекција заслужна е одличната продажба на нејзиниот парфем. Од спонзорски договори солидно заработија и некои други пејачки. Меѓу нив води Бијонси која соработува со фирми како ЛОреал, Американ Експрес и Самсунг. Таа е сега побогата за 27 милиони долари, а ја следи, со еден милион помалку, Гвен Стефани, благодарејќи на присуството на пазарот на облека и парфеми, што е добитна формула и за латино пејачката и глумица Џенифер Лопез која на листата се најде на дното, со заработени шест милиони. А за толку долари се побогати и Ферги и Шерил Кроу, а последна на листата е Нора Џонс со „само„ пет милиони долари.