Состојки
За 4 тегли
по потреба урда (окулу 2 кг)
по потреба свежи пиперки (окулу 1-2 кг)
по вкус сол

Супер освежителна зимница. Ја правиме веќе трета година. Прво си правиме урда, после си правиме и урда со пиперки.

Рецептот за домашна урда веќе го поставив.

Во тегла се става урда колку да се покрие дното, се ставаат пиперки сецкани на парчиња по желба. Бидејки пиперките треба малку да крцкаат при јадење, пожелно е парчињата да не се преситни. Доволно би било да се широки окулу 1см.
Се реди урда, пиперки, удра пиперки се додека не се наполни теглата. По секој ред убаво се притиска смесата за да не остане воздух во теглата. Може да се стави малку масло на врвот, колку да го затвори врвот како капак.
Се стегаат убаво капаците и се редат во тенџере кое на дното има неколку листа хартија. Се долева вода во тенџерето. Колку повисоко има вода, толку подобро.
Кога водата ќе почне да врие, се остава 10ина мин да врие и потоа се гаси ринглата, а тенџерето се остава полека да се олади. Ќе знаете дека е добро вакумирано кога капачињата ќе се повлечат кон внатре, при притискање нема да има место каде да мрднат. Во случај да не се повлекло некое капаче, сменете го капачето или таа тегла искористете ја побрзо.

Смесата од урда со пиперки можете да ја правите и во голем сад, убаво да промешате, посолите по вкус и да ја редите во тегли, ама нам некако позгодно ни беше вака ред по ред. Не ни успеваше убаво да ја притиснеме смесата за да нема воздух во теглата, па ред по ред, поубаво притискавме.
Некои ја прават и брзата варијанта на ова, но не е ни слична, тоа е само обид на урда со пиперки. Пиперки од туршија помешани со урда и ставени во сад. Убаво е, ама не е пиперки со урда!
Да не се нервирам сега =))
Вуала. Уште еден постар рецепт за зиминица. Да не биде дека само благи работи сакам да правам =)

Подобро од ајвар и малиџано: Ловечка салата во тегли, број еден меѓу зимницата

Сезоната за зимниците е на прагот и сите ние сакаме да си приготвиме вкусни јадења или додатоци кои ќе ни бидат од корист во студените зимски денови. Доматите можат да се искористат во повеќе рецепти за зимница, а овие рецепти се брзи и едноставни така што ќе имате повеќе време да посветите на останатите работи, како на пример ајварот.

Рецепт со печени домати и пиперки

Потребни состојки

-Домати – 2 кг
-Пиперки – 1 кг
-Магдонос – 1 грст
-Целер – лисја
-Сол

Исчистете ги пиперките од семето и рачките и исечете ги на парчиња. Доматите се чистат од зеленото околу рачката и исто се сечат на парчиња. Производите се мелат во мелница за месо, по можност во голема решетка. Додајте ситно сецкан магдонос и целер во мешавината. Додадете сол и промешајте. Добиената смеса се распределува по тегли кои се затвораат цврсто и се стерилизираат околу 25 – 30 минути.

Сос од домати брз рецепт

-Црвени домати, добро зрели
-Сол
Добро измиените домати се сечат на парчиња и се мелат во машина за мелење. Се солат по вкус. Се ставаат во шишиња или тегли се затвораат херметички и се стерилизираат 20-25 минути од завривањето на водата.

Кечап лесен рецепт

-10 кг домати
-1 кг кромид
-500 гр јаболка
-20 лажици Шеќер
-3 лажици Сол
-1 лажиче. Бибер
-1 лажиче. Ким
-1 лажиче. Цимет
-1 лажиче. морско оревче
-1 чаша Оцет

НАЧИН НА ПОДГОТОВКА

Доматите се мелат. Кромидот и јаболката се варат во доматен сос и се пасираат додека не станат кашести. Сето ова се вари на тивок оган додека не стане густо како нектар. Се додаваат сите зачини и така се вари уште 10-15 минути. Потоа се става во шишиња и се стерилизира 5-7 минути.

Доколку сте обожаватели на лесно киселиот и лесно лутиот вкус, тогаш оваа туршија е совршената за вас! Ако никогаш досега не сте конзервирале зелени домати, време е да се обидете- резултатот со сигурност нема да ве разочара!

Туршија од зелени домати

Потребни состојки

(за 3 тегли од 1.5 литри)

• 5 кг зелени домати
• Корен или лист од рен
• 50 гр свеж копар
• 50 гр магдонос
• 1 главица лук
• 1 лута пиперка

За маринадата

• 5 л вода
• 150 мл оцет (9%)
• 2 супени лажици сол
• 4 супени лажици шеќер

Теглите се стерилизираат 15 минути.

Начин на подготовка

Изрендајте го лукот. Извадете ги семињата од лутата пиперка, исечете ја истата на половина, а потоа сомелете ја.

Исечете ги на ситни парчиња зелените домати. Во одделен сад, додадете ги исечените зелени зачини, сомелената лута пиперка и лукот. Добро измешајте ги состојките. Добената смеса ќе биде филот за доматите.

Следно, пресечете ги доматите на половина, без да ги сечете до крај, а потоа наполнете ги со претходно добиената смеса.

Стерилизирајте ги теглите во рерна на температура од 150°C , во времетраење од 10-15 минути. Потоа, полејте со врела вода до самиот врв, покријте со капаци и оставете да отстои 10 минути.

Прецедете ја водата.

Следно, пригответе ја маринадата. Во прецедената вода, додадете сол и шеќер, добро измешајте ги состојките и варете околу 3-4 минути, додека истите не се растворат целосно. Потоа додадете го и оцетот и оставете ја смесата да врие уште неколку минути.

Полејте ги зелените домати со готовата топла маринада и покријте ги теглите со капаци, а потоа стерилизирајте ги на следниот начин:

На дното од тенџерето поставете крпа, наредете ги теглите и наполнете го тенџерето со топла вода. Откако водата ќе зоврие, стерилизирајте 15 минути. Добро затворете ги капаците и свртете ги теглите, така што дното ќе се најде одозгора.

Покријте со ќебе и оставете ги теглите да се изладат.

Денес ви откриваме како најлесно да приготвите зелка во тегла и притоа истата да остане свежа и крцкава дури до летото, благодарение на овој практичен бабин метод, со кој едноставно нема да погрешите. Еве за што станува збор!

 Испечати рецепт

Зелка во тегла

Денес ви откриваме како најлесно да приготвите зелка во тегла и притоа истата да остане свежа и крцкава дури до летото, благодарение на овој практичен бабин метод, со кој едноставно нема да погрешите. Еве за што станува збор!

Оброк: Прилог

Кујна: Балканска

Клучни зборови: кисела зелка, зелка во тегла

Порции: 4

Состојки

• 24 кг свежа зелка
• 4 кг моркови

За маринадата (за 1 литар вода)

• 1 супена лажица шеќер
• 2 супени лажици сол

Начин на подготовка

• Исечете ја секоја зелка на 4 парчиња, а потоа темелно исчистете и отстранете ги тврдите делови од истите. Исечете ја зелката на тенки парчиња или изрендајте ја.
• Во длабоко тенџере, со рака добро измешајте ги зелката и морковите (претходно изрендани). Најдобро е да ја додадете зелката на двапати, притоа со дрвен чук, добро да ја истолчите истата во тенџерето, за да омекне. Повторете ја постапката и за целото количество зелка.
  
• Следно, пригответе ја маринадата. Додадете го потребното количество на сол и шеќер во длабоко тенџере, а потоа додадете го и соодветното количество на вода и добро измешајте ги сите состојки заедно, додека да се растворат солта и шеќерот.
• Готовата маринадата додадете ја при зелката, така што на секои 2 кг зелка, додадете 1 литар маринада.
• Со цел целката да биде целосно потопена во маринадата поставете тежина врз истата, односно поставете прво дрвена даска, а потоа врз истата поставете соодветен тежок предмет, како на пример, камен.
  
• Затворете го тенџерето со капак и оставете така смесата да отстои 3 дена. На 3-от ден ќе забележите по површината ќе забележите меуричиња од водата, а тоа е знак дека зелката започнала да се маринира правилно.
• Сега извадете ја зелката и складирајте ја во неколку садови, притоа оставете ја да отстои неколку часа (по можност, цела ноќ). Следно утро добро складирајте ја во тегли и затворете ги теглите со капаци. Поставете ги теглите на ладно место, а може едноставно тоа да биде и на балкон.