Олимписки игри-Пекинг 2008

Пекинг порачува: "Еден свет, еден сон"

Долгочекуваната Олимпијада во Пекинг, конечно, се отвора денеска, со најавеното спектакуларно Свечено отворање и палење на олимпискиот оган, иако Олимпијадата неформално почна со натпреварите во фудбал.

Контроверзите ја следат Кина откако комунистичката нација беше избрана од Интернационалниот олимписки комитет (ИОЦ) да биде домаќин на Игрите пред седум години. Политичките притисоци, слободата на медиумите и загадувањето ги следеа Игрите во месеците пред 8 август. Но, Кина се надева дека критиките ќе останат во сенка на возбудата и спектаклот на најголемото светско натпреварување на светот.

Темата е "Еден свет, еден сон" кој повикува на светот да се обедини во олимпискиот дух. Дури и американската фудбалска ветеранка Кејти Маркграф признава дека спортистите се фокусирани на тоа.

"Ако има нешто што не смее да падне во сенка, тоа е олимпискиот дух. Големите приказни доаѓаат на Олимпијадата", вели Маркграф.

Околу 10.500 спортисти ќе се натпреваруваат во 302 дисциплини во 28 спорта, само една дисциплина повеќе од тоа што беше на програмата пред четири години во Атина. Мажите ќе настапат во 165 дисциплини, жените имаат 127 дисциплини, а 10 се мешани.

Кина освои 32 злата во 2004 година, само четири помалку од Американците. За да се поминат САД на првото место, државните училишта во Кина целеа на помалку популарните спортови како стрелаштвото, кревањето товар, веслањето, боксот и велосипедизмот.

Маскотите во Пекинг се петте Фува, или кукли за добра среќа. Рибата, големата панда, оганот, тибетанската антилопа и птицата се споредуваат со петте елементи на кинеската филозофија и во исто време ги носат боите на петте олимписки кругови.

Олимпијадата ќе се одржува на 37 објекти, од кои 12 се сосема нови, 11 се реновирани, а 8 се привремени објекти. Околу 25.000 новинари од целиот свет ќе ги покриваат Игрите.

Олимпијадата официјално ќе стартува во 8:08 часот навечер (по локално време) на 8 август (8) 2008, со што Кинезите сакаат да ја "искористат" својата среќна бројка 8.

Буш пристигна во Пекинг, Кинезите лути

Американскиот претседател Џорџ Буш го чека стартот на Олимпијадата, со што ќе влезе во историјата како првиот претседател на САД кој гледал ОИ во друга земја. Но, неговото пристигнување во Пекинг во четвртокот навечер беше пречекано во атмосфера на тензија со кинеските лидери, по неговиот говор на посетата во Тајланд во кој посочи дека најнаселената земја на светот мора да даде повеќе слободи на своите жители.

Буш заедно со сопругата Лора и ќерката Барбара беше пречекан од кинескиот министер за надворешни работи, Јанг Џеичи. Буш е познат како спортски фан и изјави дека сака да ужива во натпреварувањата, иако додаде дека ќе разговара со претседателот на Кина, Ху Џинтао, за човековите права. Од Кина веднаш одговорија.

"Кинеската влада ги става луѓето на прво место, и е посветена на еднаквите основни права и слободи на секој граѓанин. Кинеските граѓани имаат право на религија, и нашиот поглед секогаш бил тој на заедничко разбирање и почитување. Не треба да има мешање во нашите внатрешни работи, користејќи ги човековите права како изговор", вели портпаролот на Министерството за надворешни работи, Кин Ганг.

Пацифичките нации со несигурна олимписка иднина

За неколкуте спортисти од јужниот Пацифик ова е можеби последна шанса да се натпреваруваат на Олимпијадата бидејќи поради растот на нивото на водите во светот нивните мали островски земји се пред уништување.

Тувалу праќа 3 спортисти во Пекинг, првата Олимпијада откако беа примени во ИОЦ во 2007. Тувалу е држава составена од девет полинезиски острови со површина од само 25.9 квадратни метри. Поради ова нивните атлетичари Асенате Маноа и Окинили Тинилау и кревачот на товар Логона Есау мораа да тренираат на поголемите острови Фиџи или Нова Каледонија.

Експертите за климатски промени предупредуваат дека Тувалу може да исчезне во следните 50 години, а зголемувањето на нивото на морето веќе предизвикува проблеми во островот и емиграцијата е зголемена.

Тувалу не е единствена држава од Пацификот со слична иднина. Кирибати, кои ќе пратат три спортисти на нивната втора Олимпијада, се под закана. Вкупно 70 спортисти од 15 нации ќе се натпреваруваат во Пекинг.

Науру, еднаш богата земја поради рудниците за фосфати, ќе прати еден спортист, Папуа Нова Гвинеја ќе го има најголемиот контингент од 7 спортисти, по што ќе следуваат Фиџи и Самоа со по шест. Маршалските Острови, кои дебитираат на ИОЦ, ќе пратат пет спортисти, како и Тонга, последното кралство во Полинезија.

Квалитетот на воздухот е подобрен!

Претседателот на Интернационалниот олимписки комитет (ИОЦ), Жак Рог, ги пофали организаторите во Пекинг поради "неверојатните" напори да се намали загадувањето пред Игрите. Тој тврди дека нема да има опасност по здравјето на спортистите, и покрај маглата која секојдневно се гледа во кинеската престолнина.

"Тие направија с$ што е човечки можно да се реши овој проблем. Нема да има апсолутно никаква опасност по здравјето на спортиситите. Маглата која се гледа е резултат на влажноста и жештината. Маглата не значи загадување", вели Рог.

ДЕНЕСКА УШТЕ ДВАЈЦА МАКЕДОНСКИ ОЛИМПИЈЦИ ЌЕ ГО ИМААТ СВОЈОТ НАСТАП

Николовски и Несторов на квалификации

По вчерашниот настап на Ристовски денеска во Пекинг свое претставување ќе имаат уште двајца претставници од Македонија.

Атанас Николовски, еден од двајцата олимпијци од нашата земја кои имаат обезбедено "А" норма, ќе има тешка задача за да обезбеди место во финалните трки во кајак на диви води. Николовски во 9:50 часот по македонско време ќе ја има првата квалификациска трка, а бидејќи конк*ренцијата е неверојатно силна очекувањата се скромни.

Николовски е еден од двајцата натпреварувачи од коишто очекуваме подобар резултат, така што и на денешниот настап може да се размислува многу попозитивно.

Инаку, тој денеска ќе има два настапи бидејќи и втората трка се вози во истиот ден. Таа е планирана да стартува во 11:42 часот, а пред почетокот ќе биде познат и стартниот број.

Што се однесува до Сашо Несторов, кој се натпреварува во стрелаштво, тој денеска ќе излезе на квалификации во дисциплината воздушна пушка - 10 метри, но нема големи очекувања од него.

Ристовски на 55. место

Пливачот Михајло Ристовски како што се очекуваше немаше забележителен настап. Тој на крајот заврши на 55. место во дисциплината 200 метри слободно од вкупно 58 натпреварувачи, од кое еден нема резултат бидејќи се откажа пред почетокот. Според тоа само двајца останаа зад него, и тоа пливачите од Молдавија и Сан Марино.

Инаку, патеката ја исплива со време од 1:57.45 во првата квалификациска група во која го освои 2. место од тројца пливачи. Зад водечкиот по квалификациите Доминик Мајхтри од Швајцарија имаше заостанување од речиси 12 секунди.

ОЛИМПИСКА ПРОГРАМА ЗА ПОНЕДЕЛНИК, 11/08

02.00 Коњички спорт, крос-кантри

02.30 Хокеј на трева, 1.коло

03.00 Стрелаштво, трап (м)/10 м в.пушка (м)

03.00 Ракомет, Казахстан-Франција (ж)

03.00 Одбојка на плажа, 1.коло

03.00 Кошарка, Нов Зеланд-Шпанија (ж)

04.00 Одбојка, Алжир-Србија (ж)

04.00 Стреличарство, мажи

04.00 Мечување, флорет (ж)

04.00 Кревање товар, 62кг (м)

04.00 Бадминтон, м/ж

04.20 Пливање, 100 м пеперутка (ж) финале

04.30 Пливање, 100 м градно (м) финале

04.30 Тенис, мажи/жени, 1.коло

04.45 Ракомет, Бразил-Унгарија (ж)

06.00 Одбојка, Казахстан-Италија (ж)

05.15 Кошарка, Чешка Р.-Мали (ж)

05.25 Пливање, 400 м слободно (м) финале

05.30 Пливање, 4х100 метри (м) финале

06.00 Џудо, 73 кг (м)/57 кг (ж)

06.30 Одбојка, САД-Куба (ж)

06.30 Кревање товар, 58 кг (ж)

07.00 Едрење, инглинг, фин, рс-х, 470, 49ер

07.00 Ватерполо (ж)

07.30 Бокс, перо к., лесна к., 1.коло

08.00 Ракомет, Ангола-Норвешка (ж)

08.30 Одбојка, Бразил-Русија (ж)

08.30 Скокови во вода, 10 м синх. (м) финале

08.30 Кошарка, Ј.Кореја-Русија (ж)

09.00 Кану/Кајак брзи води, Ц1 Кану (м)/ К1 Кајак (м) квал.

09.30 Веслање, сингл (ж)

10.45 Кошарка, Летонија-Белорусија (ж)

12.00 Џудо, 57 кг (ж)/ 73 кг (м)

12.30 Пливање, квал.

13.00 Ракомет, Кина-Романија (ж)

14.00 Кошарка, Кина-САД (ж)

14.30 Одбојка, Кина-Полска (ж)

14.45 Ракомет, Шведска-Русија (ж)

16.00 Одбојка, Јапонија-Венецуела (ж)

16.15 Одбојка, Австралија-Бразил (ж)

ОЛИМПИСКА ПРОГРАМА ЗА ВТОРНИК, 12/08

02.30 Хокеј на трева, 1.коло (ж)

03.00 Ракомет, Бразил-Хрватска (м)

03.00 Кошарка, Иран-Литванија (м)

03.00 Стрелаштво, 50м в.пиштол (м), двоен трап (м)

03.00 Одбојка на плажа, мажи и жени, 1.коло

03.30 Борење, грчко-римски с., 60кг (м), 55кг (м)

03.30 Софтбол, натпревари по групи

03.30 Ватерполо, Канада-Црна Гора (м)

04.00 Одбојка, Русија-Германија (м)

04.00 Стреличарство, жени

04.00 Бадминтон, мажи/жени

04.00 Гимнастика, повеќебој (м) финале

04.00 Мечување, сабја (м) финале

04.00 Кревање товар, 69кг (м) финале

04.15 Пливање, 200 м слободно (м) финале

04.20 Пливање, 100 м грбно (ж) финале

04.30 Пливање, 100 м грбно (м) финале

04.30 Тенис, мажи/жени, 3.коло

04.45 Ракомет, Египет-Русија (м)

04.50 Ватерполо, Шпанија-Австралија (м)

04.45 Пливање, 100 м градно (ж) финале

05.15 Кошарка, Русија-Хрватска (м)

06.00 Џудо, 81кг (м), 63кг (ж) финале

06.00 Одбојка, Египет-Полска (м)

06.10 Ватерполо, Италија-САД (м)

06.30 Одбојка, САД-Италија (м)

07.00 Едрење, 470 (м/ж), РС-Х (м), ласер (м/ж)

07.30 Бокс, мува к./бантам к., 1.коло

08.00 Ракомет, Кина-Франција (м)

08.00 Ватерполо, Грција-Унгарија (м)

08.30 Кошарка, Грција-Германија (м)

08.30 Одбојка, Србија-Бразил (м)

08.30 Скокови во вода, 10 м синх. (ж) финале

09.00 Кану/Кајак на брзи води, Ц1 (м), К1 (м) финале

09.20 Ватерполо, Србија-Хрватска (м)

09.45 Ракомет, Шпанија-Полска (м)

10.00 Веслање, двоец (м/ж) финале

10.40 Ватерполо, Германија-Кина (м)

10.45 Кошарка, Кина-Шпанија (м)

11.00 Фудбал, КОР-ГЕР, НГР-БРА (ж)

12.30 Пливање, квал.

13.00 Ракомет, Ј.Кореја-Данска (м)

13.15 Коњички спорт, скокови финале

13.45 Фудбал, САД-НЗЕ, КИН-АРГ, ШВЕ-КАН, НОР-ЈАП (ж)

14.00 Кошарка, Ангола-САД (м)

14.00 Одбојка, Венецуела-Кина (м)

14.45 Ракомет, Исланд-Германија (м)

16.00 Одбојка, Јапонија-Бугарија (м)

16.15 Кошарка, Аргентина-Австралија (м)

ГИМНАСТИКА - ДОМАЌИНИТЕ ОЧЕКУВААТ МНОГУ МЕДАЛИ

Кинеска доминација на квалификациите

Падот на разбој на Хе Кексин не успеа да ја сопре Кина да ги претекне сите свои ривали во женските квалификации во гимнастиката во неделата, и тие повторно беа пред САД. Двете гимнастички сили на Олимпијадата ќе се борат за злато во финалето во средата, но на прв поглед Кинеските имаат огромна предност.

16-годишната Хе, една од фаворитките за разбојот, беше во солзи откако се лизна, но нејзината рутина беше доволно да & донесе 15.725 оценка, а талентот на нејзините сонароднички беше доволен тие да освојат 248.275 поени, пред светските шампиони САД со 246.800, додека шампионките од Атина 2004 Романија беа неубедливи и завршија со 238.425 поени.

Денот почна лошо за Американките кога Саманта Пеек се повреди, со што Американката останаа со само 4 здрави гимнастичарки. Проблемите се зголемија кога Бриџит Слоун и Алиша Сакрамоун добија казни за излегување од површината на партерот и кога Настја Лиукин не беше најдобра во прескокот.

КИНЕЗИТЕ СО НЕВЕРОЈАТНА ДОМИНАЦИЈА КАЈ МАЖИТЕ

Во саботата, кога кинеската машка репрезентација не правеше грешки беше јасно колкава е нивната доминација. Само актуелните шампиони Јапонија требаа да бидат конк*ренција за домаќините и тие беа дури 5 поени зад нив во генерален пласман. Кинезите собраа 373.600 поени пред Јапонија со 369.550, европските шампиони Русија (366.225).

"Целиот тим е многу обединет и многу самоуверен. Се надеваме дека нашите добри перформанси ќе се покажат најдобро во финалето", вели Ли Ксијаопенг, кој беше најдобар во разбојот со 16.425 оценка.

Кинезите дојдоа во Пекинг како апсолутни фаворити за титулата, и тоа не се промени. Тие имаат три светски титули по ред и седум од последните осум, а во тимот имаат 13 светски титули и едно олимписко злато. Покрај тоа тие се на домашен терен и секој нивни потег беше пречекуван со силно навивање.

Рутините стануваат премногу комплексни?

Гимнастичарите се фокусираат премногу на тоа да ги пополнат своите рутини со комплексни потези место да внесат малку артистики потези, вели претседателот на Интернационалната гимнастичарска федерација, Бруно Гранди. Дека Гранди е во право се покажа кога Русинот Константин Плужњиков од круговите со доскокот падна на глава.

"Вниманието кон тежината се зголеми премногу. Би сакал гимнастиката да остане артистичка. Не се работи за само едно биомеханичко движење", вели Гранди.

ФИГ ќе ја надгледува возраста на натпреварувачите

Светската гимнастичка федерација (ФИГ) ќе успее да ја следи возраста на своите спортисти од следната година кога ќе се воведат специјални картички за идентификација. Пред стартот на Игрите, медиумите објавуваа дека во кинескиот тим има три гимнастичарки немале наполнето 16 години - Јанг Јилин, Хе Кексин и Џијанг Јујуан. Кинезите го отфрлија ова обвинување објавувајќи ги пасошите на натпреварувачките.

МЕЧУВАЊЕ - ЧУДЕН 1-2-3 ТРИУМФ НА АМЕРИКАНКИТЕ ВО САБЈА

Таљариол и Загунис со првите круни во мечување

Италијанецот Матео Таљариол стигна до златниот медал во натпреварувањето во мечување-флорет откако со 15:9 го совлада во финалето Французинот Фабрис Жене. Ова злато доаѓа во вистински момент за италијанскиот тим, кој беше ослабен со допинг-скандалот на светскиот шампион Балдини. Бронзата му припадна на Шпанецот Хозе Луис Абахо, кој со 8:7 го совлада Унгарецот Габор Бочко.

Во саботата Мериел Загунис го освои првото злато за САД на Олимпијадата предводејќи 1-2-3 триумф на американските натпреварувачки во мечување-сабја. Загунис со 15-8 ја совлада својата сонародничка Седа Џејкобсон со 15-8, додека бека Ворд го освои бронзениот медал. Како мотив повеќе Американките го имаа сопствениот претседател Џорџ Буш на трибините.

"Се надеваме дека ќе го направиме спортот малку попопуларен", вели Загунис.

РЕЗУЛТАТИ:

НЕДЕЛА, МЕЧ (М)

1.Матео Таљариол (Ита)

2.Фабрис Жене (Фра)

3.Хозе Луис Абахо (Шпа)

САБОТА

1.Мериел Загунис (САД)

2.Седа Џејкобсон (САД)

3.Анџелика Ворд (САД)

СТРЕЛАШТВО - ВИКЕНДОВ ДОДЕЛЕНИ 4 ЗЛАТНИ МЕДАЛИ

Кинезите и Чесите ги поделија златата

Катерина Емонс од Чешката Република го освои првото злато на ОИ во Пекинг откако постави два олимписки рекорда на патот до круната на 10 метри воздушна пушка. Емонс имаше 503.5 поени за олимписки рекорд откако имаше совршен скор од 400 во квалификациите. Среброто го освои Русинката Љубов Галкина, а бронзата Хрватката Сњежана Пејчиќ, а и тие имаа над 500 поени. Емонс инаку е сопруга на американскиот стрелец Мет Емонс, кој ќе се натпреварува на 50 метри пушка, а двојката се сретна на претходните Олимписки игри во 2004 година, а се земаа во 2007.

Чешка освои уште едно злато во неделата, кога Давид Костелецки го освои златото во трап, погодувајќи ги сите 25 мети во дождливото финале. Италијанецот Џовани Пелеило го освои среброто, а во дополнителна рунда Русинот Алексеј Алипов го совлада Австралиецот Мајкл Дајмонд за бронзата.

Домаќините исто така беа успешни, откако прво во саботата Панг Веи победи во машките 10 метри воздушен пиштол, неколку часа откако неговата сонародничка Ду Ли загуби во 10 метри воздушна пушка во женска конк*ренција.

Во неделата Гуо Венџун освои ново злато за Кина во 10 метри воздушен пиштол, но најголемото внимание го предизвикаа освојувачките на среброто и бронзата - една Русина и една Грузијка. Русинката Наталија Падарина го освои среброто, а Грузијката Нино Салуквадзе бронзата, и на крајот двете се прегрнаа. Тие беа колешки од поранешниот советски тим.

"Ова е мала победа за мојот народ. Мислам дека научивме дека не треба да има војни", вели 39-годишната Салуквадзе.

РЕЗУЛАТИ

НЕДЕЛА

ТРАП (М)

1.Давид Костелецки (Чеш) 146

2.Џовани Пелеило (Ита) 143

3.Алексеј Алипов (Рус) 142

10 М.В.ПИШТОЛ (Ж)

1.Венџун Гуо (Кин) 390

2.Наталија Падерина (Рус) 492.3

3.Нино Салуквадзе (Гру) 489.1

САБОТА

10М В.ПУШКА (Ж)

1.Катерина Емонс (Чеш) 503.5 ОР

2.Љубов Галкина (Рус) 502.1

3.Сњежана Пејчиќ (Хрв) 500.9

10М В.ПИШТОЛ (М)

1.Веи Панг (Кин) 688.2

2.Џонг Ох Џин (Кор) 684.5

3.Џонг Су Ким (СКо) 683.5

СТРЕЛИЧАРСТВО - КИНА НЕ УСПЕА ДА ЈА ПРЕКИНА СЕРИЈАТА НА АЗИСКИОТ РИВАЛ

Корејките повторно со златото

Јужна Кореја продолжи со "династијата" во олимпиското стреличарство освојувајќи го шестото злато по ред во тимското натпреварување откако во финалето со 224:215 ги совладаа Кинеските. Од воведувањето на спортот на Олимпијадите во 1988 година, Јужна Кореја има 6 злата, а нацијата има 15 златни медали севкупно во спортот. Бронзениот медал го освоија Французинките.

Јужнокорејскиот тим од Парк Сунг-Хјун, Јун Ок-Хи и Џу Хјун-Џунг ги совладаа Французинките со 213:184 во полуфиналето пред да ги совладаат Кинезите во финалето. Парк, Јун и Џу се првите три носители во индивидуална конк*ренција, натпреварување кое почнува во вторник.

РЕЗУЛТАТИ:

1.Јужна Кореја (Парк/Јун/Џу)

2.Кина (Ченг/Гуо/Жанг)

3.Франција (Арнол/Додемон/Шух)

ТЕНИС - ДОЖД И СЕРИЈА ОТКАЖУВАЊА НА ОЛИМПИСКИОТ ТУРНИР

Ивановиќ се откажа предвреме

Најголемото изненадување на лошиот прв ден олимписки тенис дојде од Србинката Ана Ивановиќ, која не требаше да игра. Првата носителка се повлече во неделата поради воспаление на десниот палец на раката кој ја мачи неколку недели. Нејзината одлука беше објавена по крајот на првиот ден на олимписки тенис во кој само 9 од предвидените 45 меча беа комплетирани поради дождот. Ивановиќ се реши за повлекување по првиот тренинг.

"Едноставно беше премногу болно. Не играв воопшто последните 10 дена. Ова е еден од најтешките моменти во мојата кариера. Многу сум разочарана", вели Ивановиќ.

Меѓу ретките тенисери кои комплетираа победи беше американскиот 8. носител во машка конк*ренција. 10 меча беа прекинати, а 26 одложени. Серена Вилијамс беше прекината со водство од еден сет, и покрај долгата пауза, Рожер Федерер воопшто не се појави на теренот.

Сепак, најфрустрирана беше Ивановиќ. Србинката вели дека е можно да треба да паузира две недели, со што е неизвесен и нејзиниот настап на УС Опен, кој стартува на 25 август.

"Се надевам дека ќе имам доволно време. Поминав толку многу лекари во последните денови, но потребно ми е само време", додава Ивановиќ.

Србинката и така ќе го загубеше првото место на ВТА листата од својата сонародничка Јелена Јанковиќ денеска. Таа водеше од 9 јуни, еден ден откако го освои својот прв гренд слем турнир на Ролан Гарос.

БЛЕЈК ГО СОВЛАДА ДОЖДОТ

Трката по медали почна со Џејмс Блејк, кој во својот прв олимписки меч на централниот терен спаси сет поен во вториот сет и го совлада Австралиецот Крис Гучионе со 6:3/7:6(7:3). Дождот двапати го прекинуваше тенисот. По 2 и полчасовна пауза мечевите беа прекинати, а Серена со 6:3/2:1 водеше против Белорусинката Олга Говорцова. Вилијамс го имаше олимпиското деби во сингл, откако во 2000 освои златен медал во двојки со својата сестра Венус.

Со дождот, тенисерите пред себе имаат тежок распоред. Тие кои ќе играат за медали ќе мораат да играат секој ден бидејќи има 7 дена на програмата да се комплетираат 6 рунди. Покрај ова многу тенисери играат во сингл и во дубл, како сестрите Вилијамс, Федерер и Рафаел Надал.

Четвртиот носител Николај Давиденко го совлада со 6:4/6:2 Ернестс Гулбис, додека носителот на знамето за Чиле, Фернандо Гонзалез со 6:4/6:4 го совлада Кинезот Сун Пенг.

РЕЗУЛТАТИ (1.КОЛО)

МАЖИ

(4) Давиденко (Рус) - Гулбис (Лет) 6:4/6:2

(8) Блејк (САД) - Гучионе (Авс) 6:3/7:6(7:3)

(12) Ф.Гонзалез (Чил) - Сун (Кин) 6:4/6:4

(17) Бердих (Чеш) - Ју (Кин) 6:1/6:2

Нимаер (Кан) - Кањас (Арг) 6:3/2:4 пред.

ЖЕНИ

Скијавоне (Ита) - Аманмурадова (Узб) 6:4/6:2

Возниацки (Дан) - Сфар (Тун) 6:4/6:1

Пиронкова (Буг) - Домаховска (Пол) 6:3/6:4

Стосур (Авс) - Ерани (Ита) 6:3/6:2

ГЕМ, СЕТ, МЕЧ

Светскиот рекет број 4, Николај Давиденко, вели дека ја загубил желбата за тенис, иако влезе во второто коло на олимпискиот турнир. "Не играм добро последните неколку месеци и навистина не знам зошто. Не можам да се концентрирам на тенисот. Никако не уживам", вели 27-годишниот Русин.

Светската тенисерка број 1, Ана Ивановиќ одбива да тренира со својот сонародник Новак Ѓоковиќ, велејќи дека тој ја чинел првата победа на турнир. "Одигравме еден тренинг заедно. Сакав да го импресионирам и удирав толку силно што потоа бев уморна. Од тогаш не сакам да тренирам со него", признава Србинката.

Линдзи Девенпорт вели дека се надева дека ќе биде подготвена за УС Опен откако се повлече од олимпискиот турнир, но не одлучила дали тоа е нејзиниот последен турнир. "Се надевам дека имам уште тенис во мене и сакам да бидам во Њујорк. По УС Опен ќе се концентрирам на семејството и ќе видам кај ќе ме одведе животот", вели 32-годишната Американка.

Хрватите Иво Карловиќ и Иван Љубичиќ се повлекоа од олимпискиот сингл турнир поради необјавени повреди. Во исто време се повлече и Французинката Татјана Головин.

СТАРТ НА КОШАРКАРСКИОТ ТУРНИР СО ИЗВОНРЕДНА ПРЕТСТАВА НА СВЕТСКИОТ ШАМПИОН

"Црвената фурија" ги оддува Грците

И репризата им припадна на Шпанците. И тоа повеќе од реприза на последниот натпревар од СП во Јапонија, во која Шпанија ја декласира Грција. Ја победи со 81:66, на крајот и поднослив пораз за селекцијата на Панајотис Јанакис.

Не беа напразно "зборувани" оние големи победи кои актуелниот светски првак ги имаше во периодот на подготовките за Пекинг.

Од другата страна се забележа дека Грците с$ уште се под импресиите на квалификациите во нивната Атина, кога буквално си поиграа со противниците и дојдоа во Кина.

Но наидоа, можеби не на кинескиот, но и оној шпанскиот ѕид беше превисок за некогашниот евро-шампион.

Победникот беше решен на почетокот на третата четвртина кога Шпанците поставија превисока одбрана и дојдоа до плус од 19 поени.

Претходно, шутерски тренинг за три поени на двете страни, кој го прекинаа Шпанците. Токму со зонската поставка во дефанзивата, Шпанија ја направи првата позначајна разлика (36:25) во првото полувреме.

Со двете тројки на Наваро и Калдерон Шпанците се одвоија при резултат (49:31).

"Го прегазивме противникот со нашиот ритам во одбраната во третиот период"- призна Руди Фернандез. "Фативме доста значајни топки и потоа им беше тешко да н$ сопрат. Среќен сум поради победата, особено што е ова почеток, прв натпревар. За два дена н$ чекаат Кинезите и мораме да им се посветиме исклучиво и само на нив"- дополни првиот стрелец на Шпанија.

Грците немаа решенија за зоната, но дури во последните неколку минути "се најдоа" и намалија на минус 12 (44:56)., но тогаш почаа да ги дубат и топките.

Лошиот шут за три поени (само 28%) четата на Јанакис не успеа да го подигне во финалната четвртина. Не само што не спуштија под 10, туку противникот, во 37. минута, дојде до плус од 21 поен (74:53). Грција дојде и на (66:76), на 40 секунди пред крајот, но најмладиот Рики Рубио со тројка од девет метри го "зацементира" одличниот ефект на неговата репрезентација.

Фернандез даде 16, Калдерон 13 поени, а трет со двоен број поени кај Шпанија, беше и Пау Гасол (11 поени и 7 скока).

Кај поразените, Спанулис застана на 15 поени, Дијамантидис имаше 14, а Зисис уште 10 поени.

КИНЕЗИТЕ СЕ ДРЖЕА НЕШТО ПОВЕЌЕ ОД ЕДНА ЧЕТВРТИНА

Американско СТОП за Јао

Само нешто повеќе од една четвртина траеше отпорот на Кина против одмаздничката селекција на САД. И тоа онаа првата кога Јао-Минг и колегите погодуваа за три поени.

Кога се разиграа Леброн Џејмс, и пред с$ Двејн Вејд, с$ почна да се менува во играта на Американците.

На крај, сигурни 101:70 за Американците на затворањето на првиот ден од кошаркарскиот турнир.

Требаше само малку да стегнат во одбраната учениците на Мајк Кжижевски, и тоа на почетокот на третиот период, за с$ да почне да наликува на една добро позната и веќе видена претстава во режија на професионалците од НБА.

Во последниот период Мајкл Ред отвори нова серија, а при резултат 87:54 Јао-Минг ја доби и петтата "лична".

Кај САД ниту еден играч не помина повеќе од 27 минути. Најдобро ги искористи Двејн Вејд, кој за 20 минути даде 19 поени (без утка). Џејма даде 18, а Брајант и Хауард уште по 13.

Јао-Минг дојде до двоен ефект од 13 поени и 10 скока, а солиден беше и Жу Фангжу, кој запиша 11 поени, но и 8 скокови.

ЛИТВАНИЈА СЕ ОДБРАНИ ПРОТИВ АРГЕНТИНА

Клеиза ги лизна "гаучосите"

Откако уништија висока предност од 12 поени во последната четвртина, Литванците за малку ќе загубеа практично "добиена" средба против Аргентина.

Сепак, Линас Клеиза на 2.1 секунда пред крајот погоди за три поени, а Рамунас Шишкаускас даде едно слободно фрлање за големи 79:75, за Литванија против олимпискиот шампион.

Кога Јевтокас положи за 65:53 на шест минути пред крајот, се помисли дека Литванија е победникот на овој натпревар. Посебно што "зелените" имаа одлични 11 поени разлика (75:64), кога останаа да се доиграат само 3:23 минути.

Но Џинобили, односно четирите НБА асови кај Аргентина не би биле тоа што се ако не го "свртат" резултатот и за така кратко време. Комплетираа серија од 11-0 за нерешени 75:75.

Но, токму Џинобили не го искористи последниот напад за Аргентина, и им остави 15 секунди на противниците. Плус преголем простор на Клеиза за три поени кој веднаш казни. Делфино погреши веднаш, а Шишкаускас стави точка на тримфот.

Клеиза беше и прв играч на Литванија со 13 поени (3/3 за три поени во последниот период), Јевтокас даде 12, а по 10 имаат Јасикевичиус и Шишкаускас.

Џинобили остана на 19 поени кај Аргентина, Носиони го следеше со 15, а Делфино со 13. поени.

Сигурен старт на Русите и Германците

Некако најлесен распоред на стартот имаа селекциите на Русија и посебно на Германија.

"Швабите" ја "прегазија" Ангола победувајќи со превисоки 95:66.

А одличен почеток направи НБА тандемот Дирк Новицки-Крис Кејмн.

Новицки забележа ефект од 23 поени и 6 скока, додека, пак, Кејмн за само 18 минути во игра, даде еден поен повеќе, но имаше и два скока и една асистенција.

Двоцифрен број поени дадоа уште и младите Хаман (13) како и Јагла (10).

На другата половина од теренот, одличен Мингас, кој забележа 24 поени, Мораис имаше 14, а Барос уште 10.

Помалку и неочекувано Русија немаше многу проблеми против Иран. Евро-шампионот победи со 71:49. Се загреваа Џ. Р. Холден, кој реализираше 19 поени (плус по 3 скока и асистенции), и Кириленко со 15. поени (5скока), а Завршенко заврши со 11 поени (3 скока и 4. асистенции).

И Хрватска без проблеми ја совлада Австралија (97:82). Една петорка, предводена од Пркачин и Баниќ со по 16. поени, заврши двоцифрена кај "коцкастите" наспроти три на спротивната страна од теренот.

МАЖИ

ГРУПА А

РЕЗУЛТАТИ 1. КОЛО

Русија - Иран 71:49

Литванија - Аргентина 79:75

Австралија - Хрватска 82:97

ТАБЕЛА

1. Русија 1 1 0 71:49 2

2. Хрватска 1 1 0 97:82 2

3. Литванија 1 1 0 79:75 2

4. Аргентина 1 0 1 75:79 1

5. Австралија 1 0 1 82:97 1

6. Иран 1 0 1 49:71 1

ИДНО КОЛО (12. АВГУСТ)

03.00: Иран - Литванија

05.15: Хрватска - Русија

16.15: Аргентина - Австралија

ГРУПА Б

Германија - Ангола 95:66

Шпанија - Грција 81:66

САД - Кина 101:70

ТАБЕЛА

1. САД 1 1 0 101:70 2

2. Германија 1 1 0 95:66 2

3. Шпанија 1 1 0 81:66 2

4. Грција 1 0 1 66:81 1

5. Ангола 1 0 1 66:95 1

6. Кина 1 0 1 70:101 1

ИДНО КОЛО (12. АВГУСТ)

08.30: Грција - Германија

10.45: Кина - Шпанија

14.00: Ангола - САД

БЕЗ ОСОБЕНИ ИЗНЕНАДУВАЊА НА ПОЧЕТОКОТ НА ЖЕНСКИОТ ТУРНИР

Американките ја "згазија" Чешка

Плус 40, таков е почетокот на најголемиот фаворит за златниот медал во женското издание на кошаркарскиот турнир.

Селекцијата на САД ја покажа сета своја моќ уште во првиот дуел на Олимпијадата.

Настрада, не по своја вина, селекцијата на Чешка, која Американките ја "прегазија" со 97:57.

Сето друго остана некако во втор план по блескавата партија на Американките.

Диана Тораси беше прв име кај САД со 17 поени (2.скокаи 2. асистенции), Силвија Фаулс дојде до двоен ефект изразен преку 16 поени и 14 скока, додека, пак, Кепи Пондекстер заврши со 12 поени и по 2 скока и 2 асистенции.

Сепак, вредна за помен е и победата на домаќинот Кина против Шпанија (67:64), и онаа на Русија против Летонија (62:57).

Изненадување, ако може така да се каже, е победата на Јужна Кореја против Бразил (68:62) и "тесниот" триумф на Нов Зеланд против нејакиот Мали (76:72).

Улогата на голем фаворит ја оправда и репрезентацијата на Австралија, која без проблеми ја совлада Белорусија (83:64), а првото име на "кенгурките" Лорен Џексон собра дабл-дабл од 18 поени и 10 скока.

ЖЕНИ

РЕЗУЛТАТИ 1. КОЛО

ГРУПА А

Белорусија - Австралија 64:83

Бразил - Јужна Кореја 62:68

Русија - Летонија 62:57

ТАБЕЛА

1. Австралија 1 1 0 83:64 2

2. Јужна Кореја 1 1 0 68:62 2

3. Русија 1 1 0 62:57 2

4. Летонија 1 0 1 57:62 1

5. Бразил 1 0 1 62:68 1

6. Белорусија 1 0 1 64:83 1

ИДНО КОЛО (ДЕНЕСКА)

08.30: Јужна Кореја - Русија

10.45: Летонија - Белорусија

16.15: Австралија - Бразил

ГРУПА Б

Мали - Нов Зеланд 72:76

Шпанија - Кина 64:67

САД - Чешка 97:57

ТАБЕЛА

1. САД 1 1 0 97:57 2

2. Нов Зеланд 1 1 0 76:72 2

3. Кина 1 1 0 67:64 2

4. Шпанија 1 0 1 64:67 1

5. Мали 1 0 1 72:76 1

6. Чешка 1 0 1 57:97 1

ИДНО КОЛО (ДЕНЕСКА)

03.00: Нов Зеланд - Шпанија

05.15: Чешка - Мали

14.00: Кина - САД