Што кријат пирамидите во Египет?

Поздрав до двајцата...

Сепак, вратете се на темата...

Фараонот Тутанкамон, кој умрел пред 3.000 години, најверојатно починал од маларија во комбинација со наследната болест на коските - некроза.

Ова сознание е резултат на деталните ДНК и радиолошки истражувања спроведени врз неговата мумија, две мумии пронајдени во гробницата на фараонот, како и врз сите познати мумии од 18-та династија, на кој Тутанкамон и припаѓал.

Научниците со истражувањето успеаја да ги утврдат патолошки значајните и наследни заразни болести во семејството.

Дијагнозата за смртта на фараонот е поставена благодарение на генетските испитувања кои ги откриле низата малформации во семејството на Тутанкамон, како што се Кохлеровата болест, која посебно го погодила младиот фараон. Станува збор за ретка  болест на коските на стапалата кај децата, поради кои овој дел од телото го губи снабдувањето со крв.

Анализата, исто така, покажала трага од паразитот Пласмодиум фалципарум, предизвикувач на маларијата кај Тутанкамон и уште четири испитани мумии, пренесуваат француските медиуми, не наведувајќи од каде го добиле извештајот пред неговото објавување.

Резултатите на истражувањето, во среда, во Каиро, официјално ќе ги соопшти д-р Захи Хавас, главен секретар на египетскиот врховен совет за старини.

Истовремено, резултатите ќе ги објави и американската медицинска асоцијација.

Научниците со истражувањето успеаја да ги утврдат и семејните врски, односно досега не сосема познатото потекло на фараонот. Така, утврдено е дека таткото на Тутанкамон, кој умрел на возраст од 19 години по кратко владеење, бил фараонот Аменхотеп- познат и како Ехнатон. Но, анализите покажаа дека е исклучено негова мајка да е легендарната кралица Нефертити.

Мајка на фараонот е мумијата КВ35ЅЛ чие име останува непознато.

Храната на боговите во древниот Египет, повеќе била гаранција за предвремена смрт, отколку за бесмртност,  открија научниците на Универзитетот во Манчестер во Велика Британија.

Богатите и вкусни закуски организирани за Египетските свештеници и нивните семејства, биле полни со масти, поради што и денес многу луѓе имаат проблеми со запушени артерии.

Научниците дошле до ова сознание врз основа на записите на ѕидовите на египетските древни храмови и компјутерско скенирање на остатоците на мумифицираните свештеници. Нивните остатоци покажаа значително оштетување на артериите, како и разни срцеви заболувања.

Во тоа време најмногу консумирале месо, живина, колачи, вино и пиво. Таквата храна била принесувана на боговите, секој ден по три пати, по што свештеникот ја носел дома и со неговото семејство ја јаделе.

Повеќето од храната која ја консумирале свештениците била полна со заситени масти, што ја вбројува во групата нездрава и брза храна. Тие јаделе специјален вид на леб натопен со маст, додека колачите ги правеле со животинска или растителна маст. Тие често консумирале месо од гуска, кое содржи околу 63 отсто маснотии. Нездравата исхрана била типична на владејачката класа. Во денешно време, лекари не препорачуваат повеќе од 30 отсто маснотии дневно.

Новите скенирања на 16 мумифицирани свештеници, покажа дека девет од нив имале запушени артерии и сите предиспозиции за различни срцеви болести.

- Запушување на артерии, предизвикано од храна богата со масти не се проблем само на модерните времиња. Тоа се случувала и порано, изјави проф. Росалие Давид, раководител на истражувањето за „Дејли мејл“.

Посиромашните Египќани немале вакви проблеми, бидејќи тие најчесто јаделе овошје и зеленчук. Мумифицирањето било резервирано само за високата класа, па не постојат остатоци од луѓе од пониските класи.