IDIVIDI forum Веб сајт
почетна страница почетна страница > Стил на живот > Мистерии и астрологија
  Активни теми Активни теми RSS - Хороскоп
  најчести прашања најчести прашања  Пребарувај форум   Настани   Регистрирајте се Регистрирајте се  Влез Влез

Хороскоп

 Внеси реплика Внеси реплика страница  <1 155156157
Автор
Порака
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 90908
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 29.Март.2017 во 08:19

Љубовен хороскоп за април 2017: Близнаците се каат за одлука од минатото, Раковите ќе почнат нешто сериозно


На кого пролетта ќе му донесе нова љубов, на кого немир во срцето, а на кого конечно раскинување?

ljuboven-horoskop-za-april-2017-bliznacite-ke-se-kaat-za-odluka-od-minatoto-rakovite-ke-pocnat-nesto-seriozno-1.jpg

Без разлика на тоа дали сте сами или во врска, откријте каква ќе ви биде љубовната ситуација во април 2017-та:

Овен

Ако сте во врска:

Нешто ќе мора да сокриете од брачниот или емотивниот партнер. Вашето чудно однесување ќе предизвика сомнежи, што може да доведе до несогласување и ладење на односите. По одредено време напнатост, конечно ќе излезете од фазата на молчење и повлекување. Нема директно да му раскажете на партнерот што ви било, туку ќе му дадете неколку можни верзии и ќе го оставите сам да донесе заклучок. Потоа односот ќе ви се врати во нормала.

Ако сте слободни:

Можна е средба со стара, поранешна љубов која ќе ги разбуди емоциите од минатото. Ни другата страна нема да биде рамнодушна, па може да дојде до обновување на врската. Романсата ќе трае 2-3 недели, до крајот на месецот. Потоа ќе разговарате зошто раскинавте. Ако не ги надминете тогашните проблеми, овојпат раздвојте се засекогаш. Дел од Овните може да влезат во врска со личност која ја идеализираат и имаат превисоки очекувања. И тоа ќе трае кратко. Еден потег од другата страна брзо ќе ве врати во реалноста.

Бик

Ако сте во врска:

Партнерот ви е приврзан и ќе сака да ве задоволи. Вие од друга страна ќе бидете окупирани само со своите проблеми и ќе се повлекувате. Можна е оддалеченост од партнерот до средината на април. Во втората половина од април малку од малку ќе му се посветите на партнерот и ќе го надокнадите пропуштеното. Правете го тоа со мали изненадувања и знаци на внимание.

Ако сте слободни:

Некој кој го познавате од порано, а долго време не сте го виделе, повторно ќе се врати во вашиот живот. Бидејќи и порано сте имале симпатии, ќе се обидете да ја шармирате личноста. Меѓу вас ќе дојде до кратка авантура, но другата личност ќе ве разочара со изјава дека имала други планови, но не можела да ви одолее моментално. Ќе сакате да ги менувате навиките и ритуалите, па подгответе се за динамични аватури, иако по природа сте опуштени.

Близнаци

Ако сте во врска:

Очекувајте понуди за заеднички живот, семејство или било какво зближување. Двајцата ќе се сложите, а партнерот ќе биде воодушевен со новитетот. Повеќе вклучувајте го во вашите одлуки и се ќе биде помирно. Во вториот дел од април организирајте патување за двајца. На тоа патување ќе запознаете други парови со кои ќе почнете активно да се дружите. На саканата личност обрнете и поголемо внимание, доколку сакате да избегнете расправии.

Ако сте слободни:

Ќе ви недостасува личност со која во минатото сте биле во врска. Ќе сфатите дека сте донеле погрешна одлука и ќе се обидете да стапите во контакт со неа/него. Имате реални шанси за обновување на врската, меѓутоа мора да бидете директни и брзи. Повозрасните Бикови ќе бидат привлечени од личности кои суптилно им се додворуваат. Доколку личноста е во брак или врска, тоа нема да ве спречи да почнете тајна врска.

Рак

Ако сте во врска:

Ќе забележите како партнерот сака да ги подобри условите за ваш заеднички живот и нема да имате доволно време за анализирање и истражување во она што се сомневате. Прифатете ја ангажираноста на партнерот и однесувајте се грижливо како што знаете. Ќе чувствувате зголемена потреба за излегувања и дружење, но тешко ќе се организирате со пријателите. Партнерот ќе ви скокне на помош и за вас ќе организира заедничка авантура. Бидете среќни и не се бунете затоа што било во 5 до 12.

Ако сте слободни:

Подолго ви се допаѓа една личност која ви е во близина. Често се среќавате, а ја познавате преку заеднички пријател. Наговорете го пријателот да организира заедничка средба и тргнете во освојување. Иако нема да бидете сигурни дали вашите симпатии се прифатени, вреди да се обидете да започнете нешто посериозно.

Лав

Ако сте во врска:

Ќе имате чувство дека партнерот се оддалечува, но нема да ви биде јасно зошто. Земете ја предвид можноста вашиот партнер да сака да се истакне во вашиот брак, во емотивната врска или семејните обврски. Избегнувајте несогласувања и кавги заради вашето големо его. На саканата личност ќе и биде потребна и поддршка, без тоа да и се вади на нос. Посветете повеќе внимание и ако сакате да воспоставите склад и мирна семејна атмосфера, бидете помалку главни, а поголема потпора.

Ако сте слободни:

Доколку скоро сте прекинале љубовна врска, партнерот кој ве оставил ќе се труди со сите средства да ве убеди дека погрешил. Ако подолго време сте слободни, ќе имате потреба за авантура. Сепак, внимавајте кого бирате за авантура, бидејќи може да добиете многу повеќе и потоа да не ве остават на мира.

Девица

Ако сте во врска:

Имате пропуштено многу заеднички моменти и неопходно е да му се посветите на брачниот или емотивен партнер. Почнувате да се оддалечувате. Иако не сте склони на покажување емоции, саканата личност ќе биде посебно расположена доколку покажете нежност. Кон средината на април Венера ќе се врати во вашето поле на бракот и љубовта, па ова е идеално време да му се препуштите на романтичниот занес.

Ако сте слободни:

Никако нема да успеете да се погодите со личност која долго време ви се допаѓа, бидејќи односот ви е променлив. Во текот на април потрудете се да не се оддалечувате за секоја ситна кавга. Ќе сфатите дека сте заинтересирани еден за друг и дека ситниците не смеат да стојат на патот на среќата. Прилагодете се. Важно е да не летате во облаци и да не ги повторувате грешките од минатото.


ljuboven-horoskop-za-april-2017-bliznacite-ke-se-kaat-za-odluka-od-minatoto-rakovite-ke-pocnat-nesto-seriozno-2_copy.jpg

Вага

Ако сте во врска:

Обидете се да го вклучите партнерот во сите промени кои ќе ги правите овој месец. Спојте ги силите и финансиите за работите кои долго ги одложувате. Ви недостасуваат заеднички моменти, излегувања и дружења. Предложете кратка авантура во природа. Ако овој план ви успее и помине во најдобар ред, следен пат вклучете и блиски пријатели. Потребен ви е воздух во комбинација со добро друштво, месецов тоа ве прави среќни и задоволни.

Ако сте слободни:

Во април ќе сфатите дека слободата веќе не ви одговара и дека ќе се чувствувате посреќно ако го прекинете животот како самец. Потрудете се да запознаете нови личности, не им се враќајте на старите. Гледајте ги квалитетите, не изгледот. Ако бидете спонтани, искрени и шармантни, набрзо очекувајте нова врска. Дел од Вагите ќе мора да одберат меѓу две личности кои ќе бидат заинтересирани за нив. Одберете ја онаа која покажува добри и грижливи манири.

Скорпија

Ако сте во врска:

Потребна ви е поддршка и чувство дека сте сакани и потребни. Тоа ќе ве мотивира да се вложите повеќе. Не е лошо да почнете на прво место да ги ставате емоциите и потребите на партнерот. Тоа ќе биде повеќе од ценето и возвратено. На моменти ќе имате голема желба за интимност и време во пар, па добро би било да ги откажете сите работи кои може да почекаат.

Ако сте слободни:

Личност која во минатото  ви била голема љубов и со која сте имале складна врска ќе ви се врати во животот. Меѓу вас и вашиот бивши партнер ќе се појават емоции и желби за повторни обиди. Ваквата шанса се пружа веројатно еднаш во животот. Потрудете се овојпат да дадете сè од себе. Повозрасните Скорпии ќе бидат отворени за флерт, но ќе им одговара слободата и нема да бидат во потрага по нешто сериозно.

Стрелец

Ако сте во врска:

Насочете се на заедничките цели кои ги имате како пар. Нешто што долго време одложувате, сега конечно ќе може да го реализирате, бидејќи сте согласни и чувствувате поддршка од партнерот. Тоа ќе ви ја зголеми блискоста. Ќе наоѓате повеќе време еден за друг. Разговарајте на теми кои понекогаш ги избегнувате, бидејќи имате многу работни проблеми. Заедничките излегувања ќе ве опуштаат, затоа практикувајте ги почесто во април.

Ако сте слободни:

Април ќе ве наполни со иницијатива за барање на идеалната личност. Ќе ве привлекуваат авантуристички типови полни со страст. Сакате динамика и таа ви е еден од приоритетите за врската да успее. Малку повозрасните Стрелци кои се сами ќе бараат квалитет и исполнување на зацртаните критериуми. Сепак, не заборавајте да проверите дали и вие ги исполнувате критериумите.

Јарец

Ако сте во врска:

Заедничкото време со саканата личност овој месец ќе ви биде поважно од сите останати работни обврски и животни цели. Збогатете го секојдневието со чести посети на културни манифестации, таму ќе црпите инспирација и енергија. Не се плашете и да преземете иницијатива за некоја заедничка активност. Ќе имате доволно време за активности во пар, што дополнително ќе ве зближат.

Ако сте слободни:

Ако немате никој кој досега ви го привлекол вниманието, тоа може да го направи некој поранешен партнер. Постојат шанси за успешно обновување на минатата врска, но под услов да не ги правите истите грешки. На голем дел од Јарците нема да им договараат забавите и излегувањата. Наместо тоа, тајно ќе почнат да се гледаат со личност која не е слободна, а им делува привлечно. Внимателно со трагите кои ги оставате.

Водолија

Ако сте во врска:

Вашиот брачен и емотивен партнер ќе има многу идеи како да го подобрите заедничкиот живот, а вам ви одговараат сите теми за разговор бидејќи на тој начин се зближувате. Ќе ви одговараат заедничките излегувања и кратките ексК*рзии во природа. Организирајте почести активности кои ќе ве натераат да седите сами и да разговарате. Избегнувајте гужви и големи собири.

Ако сте слободни:

Ќе имате добар настап пред личноста која ви се допаѓа и ќе успеете да го привлечете вниманието. Потрудете се претходно добро да се информирате дали лицето е само или во врска. Дел од Водолиите ќе бидат страствени и полни со самодоверба. Нема да се двоумат дали да пристапат директно на личноста која им се допаѓа, а изненадувањата ќе им помогнат да успеат. Без многу докажувања, загарантиран е успех.

Риби

Ако сте во врска:

На брачниот или емотивен партнер ќе му овозможите доволно нежност и внимание, што секако ќе ви ги затопли односите. Ќе се согласувате за големите и важни одлуки, па очекувајте моменти на големи задоволства. Заедничките планови  кои долго време ги одложувате, во април ќе имате шанси лесно да ги реализирате. Уживајте во почестите излегувања, колку и да ви е прекрасно дома.

Ако сте слободни:

Ќе промените нешто во вашиот изглед и пристап, што ќе има позитивен ефект. Ќе привлекувате погледи од сите околу вас, па ќе имате голем избор на контакти за дружење и запознавање. Веќе на половина април, ќе бидете на праг на нова врска. Бидете мудри и не се впуштајте во емотивни разговори по само неколку часа. Добро проценете дали некој ги исполнува критериумите.

Јакиот човек има само една слаба страна-жената што ја сака!
Кон врв
 Внеси реплика Внеси реплика страница  <1 155156157
  Сподели тема   

Скок до Овластувања Кликни и види ги опциите

Forum Software by Web Wiz Forums® version 10.03
Copyright ©2001-2011 Web Wiz Ltd.

Страницата е генерирана за 0,188 секунди.