Секој човек си има одредени работи кои го нервираат и прават да се чувствува анксиозно и напнато. На пример, некои луѓе се плашат од јавно говорење, а други кога ситуациите се вон нивна контрола.

Анксиозноста најчесто потекнува од вашиот хороскопски знак.

Што прави да бидете анксиозни?

Овен

Чувствувате како светот да не може да функционира без вас, па често премногу работите и на крајот сте целосно „потрошени“. Земете здив и малку забавете. Универзумот нема да пропадне, ако се одморите малку.

Бик

Биковите премногу се грижат околу тоа нешто да не утнат. Да бидете неколку минути подоцна на работа или да направите некоја минимална грешка во работата, понекогаш, нема да направи луѓето да ве презираат. Сè е само во вашата глава.

Близнаци

Престанете да се грижите и за најмалите детали и работи. Дозволувате и најмалите работи да ви влезат под кожа и потоа правите „од мува - слон“. Оставете да поминат, ќе се чувствувате многу подобро.

Рак

Вашите анксиозности дефинитивно ги вклучуваат и другите околу вас. Не сакате кога ве критикуваат или кога гледате група на луѓе која „зјапа“ во вас и чека ваша реакција. Никој нема да ве презира, ако го изразите вашето мислење, обидете се.

Лав

На Лавовите светот им се врти околу контролата. Ако не сте главни и одговорни во секоја ситуација, не се чувствувате многу добро. Тоа значи дека лесно можете да се преоптоварите. Вратете се чекор назад и дозволете, барем некогаш, некој друг да ги носи одлуките.

Девица

Тоа што секогаш мислите премногу е вашиот најголем проблем. Еднаш штом ќе почнете да се грижите, тешко ви е да ги извадите мислите од глава. Сопрете и обидете се за заборавите, ќе се чувствувате многу подобро.

Вага

Вие сте мајстор во правење на листи „за и против“, бидејќи сакате работите да бидат фер. Ако нешто не е така, на крајот, дефинитивно ќе ве мачи. Ама знајте дека не можете да го анализирате секој момент од животот, обидете се некои работи да оставите сами по себе да се случуваат.

Скорпија

На Скорпиите најмногу им треба простор. Кога премногу работи ви се случуваат наеднаш, тогаш имате потреба да избегате од реалноста, барем на пет минути. Бидете сигурни дека сите знаат на вашите граници и не се плашете дека ќе ги разлутите, ако сте искрени.

Стрелец

Вие не сакате да ви кажуваат што и како да правите. Не сакате кога некој се обидува да ве вклопи во „нормите“. Морате да барате слобода во однесувањето инаку многу брзо ви станува здодевно.

Јарец

Вие самите сте си најлош непријател. Секогаш сте напнати за крајни рокови, за вашите цели кои сами си ги поставувате... А, грижите не ви помагаат, напротив. Дозволете си малку издишка.

Водолија

Најголеми проблеми имате со организацијата на времето и често се нервирате кога работите не се одвиваат така како што сте замислиле. Се обидувате да правите многу работи за многу краток временски период. Научете дека е во ред понекогаш на направите пауза и да заборавите на мултитаскинг.

Риби

Рибите не сакаат кога се издвојуваат од групата. Јавните говори за вас се најстрашната работа на светот. Морате да бидете на дистанца и далеку од центарот на вниманието. Ако се најдете во таква ситуација, запомнете дека треба да дишете длабоко и смирено.

Сезоната на одбројување и подарување започна. Време е да се прошетате низ продавниците и да се впуштите во потрага по идеалниот подарок за своите најблиски.

Некои луѓе имаат талент и дарба да одберат одличен подарок, но на добар дел им е потребна мала помош. Идеите не секогаш доаѓаат така лесно. Но, без очајување, ѕвездите се тука да ви помогнат.

Каков подарок би сакал да добие секој хороскопски знак во пресрет на празниците?

Овен

Овните се оние кои сакаат нови работи - нова технологија, ново хоби, нови искуства. Нема да погрешите доколку им купите безжични слушалки за мобилен, а нема да се противат и на нов мобилен телефон.

Сакаат забавни нешта кои носат доза адреналин и авантура, па пријатно ќе ги изненадите со платени часови за качување на вештачка карпа, брканица со ласери, картинг или летање со параглајдер.

Одлична идеја за подарок е и спортска опрема која добро се вклопува со изборот на нивната физичка активност – фитнес, велосипедизам или планинарење.

Бик

Сензуалните Бикови сакаат уживање и хедонизам, односно сакаат добро да се чувствуваат во својата кожа. Идеалниот подарок за нив е нешто во кое ќе уживаат и ќе се чувствуваат луксузно и пријатно.

Комфорен, но скап дебел џемпер, свилени пижами или долна облека. Неколку различни шишиња добро вино или увозни брендови на пиво во добро завиткана кутија...

Тие обожуваат мали гурмански залчиња, па предвид доаѓаат и солени и благи вкусови. Природна квалитетна козметика и добри парфеми е нешто кое исто така ќе им донесе насмевка на лицето.

Близнаци

Близнаците сакаат забави 24/7 и најмногу од сè, сакаат да бидат добро информирани. Доколку им овозможите неколкумесечна претплата на омилените списанија ќе бидат среќни. (Полу)годишна влезница за музеј, кино или театар исто така искрено ќе ги израдува.

Таблет е одличен избор за подарок или аксесоар за мобилниот телефон.

Бидејќи сакаат да гестикулираат со рацете, идеален подарок за жената близнаци е скап маникир или сет за домашен маникир, доколку е вешта самата да си го направи.

Рак

Топла домашна атмосфера е на врвот на листата на желби за Ракот. Дезенирани перничиња, интересни ѕидни часовници или кашмирни прекривки ќе ги израдуваат Ракчињата.

Гаџет за музика во облик на старинско радио или грамофон ќе им го привлече вниманието, како и луксузен готвач за специфична храна.

Карти за опера и балет се исто така еден од подобрите подароци за Раковите.

Лав

Сè што сјае - тоа е девизата на Лавот кога станува збор за подароци: накит, шминка или некоја скриена тетоважа.

Добро парче облека како квалитетна кошула или кожена јакна и модни додатоци од типот на огромни шалови и шешири кои веднаш влегуваат во очите на околината.

Производи или апарати наменети за нега и стилизирање на косата се одличен избор за Лавиците, а генерално обожуваат карти за театарски претстави.

Девица

Сè што ќе го направи животот полесен и поедноставен е одлична идеја за подарок за Девиците. Со еден збор, тоа што другите ќе го сметаат за здодевно, Девицата ќе го дочека со ентузијазам.

Ароматични свеќи за домот, средства за одржување хигиена на природна база или организатори за облека, чевли или ситници.

За себе посакуваат органска козметика која ќе им даде свежина и сјај на лицето и телото. Доколку вашиот избор е накит за Девицата, нема да погрешите со тиркиз.

Вага

Пуфкасто, убаво, романтично - таков треба да биде подарокот за Вагите.

Луксузни мали сапуни спакувани во слатки кутии или убави свеќи... Нежни парфеми со лесни ноти или некое добро парче облека со кое ќе го подноват гардероберот...

Вагите кои се интелектуални и сакаат културни случувања особено ќе ценат добра книга или автобиографија на некоја позната личност.

Скорпија

Сензуалните Скорпии ќе се израдуваат на чипкана долна облека или некоја секси играчка. Сакаат и полускапоцени камења, особено оние кои имаат моќ за лекување.

Доколку им подарите платено учество во работилница за изработка на накит и украси или работилница која се занимава со себеистражување и сопствен напредок, ќе бидат особено задоволни.

Стрелец

Квалитетен и цврст куфер за патување или авионска карта на попуст е супер избор за авантуристичкиот Стрелец. Книга со инспиративни приказни или цитати или голема корпа со додатоци за пикник во природа.

Стрелците сакаат и сентиментални подароци, па врамени семејни фотографии или гравиран часовник или приврзок за клучеви со иницијали или скриена порака е одлична идеја.

Јарец

Најпрактичниот и најпродуктивниот знак обожава два типа на дијаметрално спротивни подароци: практични и луксузни. Ќе биде среќен со планер за работа или со дизајнерски часовник.

Сакаат подароци со кои лесно и едноставно ќе ги завршуваат работите, но истовремено да изгледаат модерно и убаво.

Сепак, имајте на ум дека Јарците не сакаат многу изненадувања, па доколку сакате да ги изнесете на некоја убава вечера, прво поминете го целиот план со нив.

Водолија

Водолијата е иноватор, сака да истражува и да ги поместува границите, па добро би ги израдувал еден телескоп или барем билет за планетариум.

Тарот карти или натална карта исто така, е одлична идеја за подарок за интуитивната Водолија.

А, доколку им подарите сет за рачна изработка на производи и силиконски пиштол, ќе ја разбудите нивната страст за „Направи сам“ проекти.

Риби

Комфорни кадифени пижами, уред за музика кој може да го наполните со фин џез или други пријатни мелодии се идеални за Рибите.

Ваучер за спа третман, или скап педикир ќе ги разгали, а може да дадете и донација во нивно име, бидејќи Рибите се алтруисти и емпатични и секогаш сакаат да помогнат.

Во пресрет на новогодишните и божиќните празници многумина веќе си ја проектираат совршената вечер дома, покрај елката или каминот, со вкусна храна и пијалаци.

Но, дел имаат нескротлива желба за патување и освојување нови хоризонти.

Возбудата при пакување на куферот, преминувањето граници и престојот во хотелски соби е неспоредлив со топлата домашна атмосфера.

Па, каде би требало да отпатува секој хороскопски знак за празниците?

Можеби еден дел овие дестинации ќе станат реалност:

Овен

Исполнет со енергија која не му дозволува да седи долго на едно место, Овенот сака истражување и авантури кои ќе му го задржат вниманието. Одличен избор е Аргентина, Нов Зеланд и Австралија. Дубаи целосно ќе го освои, а за доза возбуда и адреналин, упатете се кон Јужна Африка или Перу.

Бик

Приземјените Бикови треба да се упатат кон места со доволно добра храна, уметност, театар и архитектура за да бидат среќни. Градовите како Даблин, Париз, Фиренца, Барселона и Прага ќе им го нахранат телото и умот ќе ги задоволат нивните потајни уметнички склоности.

Близнаци

Екстровертните весели Близнаци бараат живописно и среќно опкружување за празниците. Тренди модерни градови со богат ноќен живот се нивната идеална дестинација. Идеално ќе се вклопат во Сан Франциско, Њујорк, Лондон или Хонгконг.

Рак

Љубителите на убава храна ќе се чувствуваат како дома секаде каде што ќе имаат можност да пробаат вкусна традиционална храна. Како типичен претставник на водените знаци, Раковите функционираат одлично на места со прекрасни плажи, реки или водопади. Островите во Грција, Рим, Карибите или Малдивите како и Тајланд се солидни избори за патување.

Лав

Лавовите сакаат гламур и градови кои едноставно блескаат со својата естетика. Париз, Њујорк, Милано, Капри или Женева се во состојба да им понудат првокласна услуга и богато опкружување каде што и самите ќе се чувствуваат како ѕвезди. Одморот мора да биде зачинет со шопинг, за да биде доволно екстравагантен за знак каков што е Лавот.

Девица

Девиците обожаваат да планираат. Сакаат да прават списоци и листи и добро да го истражат местото пред да се упатат кон одбраната дестинација. Места богати со историја и култура ќе го нахранат нивниот глад за информации. Египет, Грција, Мадрид, Берлин или Рим се идеални за тоа. Девиците сакаат да учат, не само да се одмараат и забавуваат додека се на одмор.

Вага

Шармантната Вага сака да се меша во големи толпи и ќе ѝ биде удобно секаде каде што има многу случувања, особено од општествен аспект. Романтични и балансирани, тие преферираат патувања кои ќе им го исполнат срцето, како патиштата кои водат кон Франција, Турција или Шпанија.

Скорпија

Страсните Скорпии сакаат мистерии. Егзотичната клима во Куба, Египет или места кои дишат со историја како Рим или Њу Орлеанс се одличен избор. Длабоко во себе, Скорпиите се големи романтичари, па не се исклучени и градот на светлината Париз и атрактивната Венеција.

Стрелец

Стрелецот е дефиниција за патување и авантура. Како вистински истражувач, го привлекуваат места кои ќе може детално да ги разгледаат. Сакаат да комбинираат авантура, но и знаење слично како и Девиците, па идеалните локации за зимскиот одмор се Шпанија, Будимпешта, Турција, Виетнам, Јужна Африка, Прага, Мексико и верувале или не – Кенија.

Јарец

Јарците сакаат предизвици и добро се подготвуваат за истите. Логистички одлично испланиран одмор исполнет со задоволство и удобност е нивниот сон. Омилени локации: Тајланд, Фиџи, Швајцарија, Австралија и Германија, каде што ќе имаат доволно време за шетање, но и одмор и релаксација за целосно уживање.

Водолија

Независната и неконвенционалната Водолија сака да избега кон не толку атрактивните дестинации, каде што со ранецот на грбот ќе ја истражува локацијата, подалеку од туристите и големите гужви. Токму затоа, ќе се упати кон Камбоџа, Исланд, Шведска, Куба или Русија, каде што ќе го искусат скриеното и неистраженото.

Риби

Убавите и романтични Риби ги привлекуваат магични места кои потсетуваат на бајки или соништа. Па така, Венеција, Париз, Копенхаген, Рим, Јапонија, Mароко или Монако ќе ја задоволат нивната потреба за љубов и убавина.