Новости

Телевизори со два тјунера

Телевизор кој ви овозможува да гледате два канала одеднаш, слика во слика и слика и телетекст заедно, звучи одлично зарем не? Покрај тоа што звучи одлично, сега е и возможно благодарение на телевизорите со два вградени тјунера. Еве како сето тоа функционира.

Идеални решенија

Овие функции денеска имаат смисла само кога екраните се со голема ширина, тогаш истовременото прикажување на две слики не го намалува уживањето. Приказот слика во слика не е наменет две лица да гледаат различни програми поради тоа што не звукот не се емитува паралелно на двата канала.

Таа опција повеќе е за ситуации кога следите една програма, а го очекувате почетокот на некој филм или емисија на друг. Слика и слика е идеална опција за оние кои сакаат да следат два програма истовремено бидејќи звукот, исто така, паралелно се емитува, еден преку звучникот на телевизорот, а другиот низ излезот за слушалки.

Слика и телетекст е добро решение за оние кои не сакаат да пропуштат ниту еден момент од тоа што го гледаат. Со оваа опција можат истовремено да ја гледаат емитуваната содржина и да ги следат податоците на телетекст.

PAP-picture and picture

Слика и слика. Двата тјунера истовремено репродуцираат слика една до друга (по правило звукот од левата слика се слуша преку звучниците, а од десната слика преку слушалки)

PIP-picture in picture

Слика во слика. Помалата слика е прикажана внатре во програмата која се гледа. Функционира со помош на двата тјунера или пак со помош на дополнителниот уред кој е приклучен на ТВ приемникот.

PAT-picture and text

Телетекст програма која ја гледате прикажана на една половина на екранот, а програмата оди на другата половина.

Пристигнува Google Android?!

Android телефонот, на кој компанијата Google работи веќе подолго време би можел уште во октомври да се најде на пазарот.

Според информациите на „Wall Street Journal " и на „New York Times“, нема да треба да чекате до 2009 година за да се подновите со овој телефон.

Двата весника пишуваат дека, операторот „T-Mobile USA“ ќе биде заподлжен за дистрибуцијата на првите Android телефони, кои ќе бидат изработени од познатата тајванска компанија HTC.

Спецификациите на телефонот, кој веројатно ќе се појави под називот Dream (сон) сè уште се чуваат во најголема тајност. Се шпекулира дека Android-от ќе поседува QWERTY тастатура, дека ќе биде на лизгање, и секако дека ќе има GPS приемник и силна камера.

Доколку се појави во октомври, Google Android телефонот сигурно ќе доживее вистински бум, особено ако се земе предвид дека Божиќните празници веќе ќе тропаат на портите.

Новите iPhone апарати самозапаливи

Новиот 3G Apple iPhone повторно се најде на метата на критичарите откако се проширија информациите дека некои од апаратите се запалиле.

Најмногу внимание привлече извештајот прегорување на слотот за полнење на апаратот, кој за време на полнењето се запалил и го уништил целиот апарат. Наводно проблемот е неисправната фабричка батерија која оди со апаратот.

Ова е последниот од серијата проблеми со кои Apple кои се соочува со новиот iPhone кој и онака има многу багови и лош приема на сигнал, кој е последица на вградувањето на неадекватни чипсетови, кои на европските корисници веќе со години им задаваат главоболка.

Последниот софтверски апдејт, кој требаше да ги отстрани проблемите со приемот, само дополнително ја влоши ситуацијата, откако го онеспособи GPS системот на новите телефони. Apple се уште мудро молчи за проблемите. Во индустриските кругови веќе се поставува прашањето дали можеби е време за повлекување од пазарот на овој проблематичен производ

Мобилен за глуви

Научниците од универзитетот во Вашингтон развиле софтвер кој ќе им овозможи на глувите и на лицата со оштетен слух да комуницираат со помош на евтини мобилни телефони.

Глувите и наглувите во САД за сега не можат да комуницираат преку мобилен телефон со помош на јазикот со знаци бидејќи мрежата не овозможува доволен брз пренос на податоци, а и самите телефони немаат доволен капацитет за обработка на податоците.

„Брзите мрежи веќе можат да се најдат насекаде, но тие се поскапи. Сметаме дека лицата кои се глуви не треба да плаќаат повеќе за мобилен телефон“, изјави Ана Кавендер, учесничка во проектот „Mobile ASL“.

Тимот научници од Вашингтон пронашле нов начин на компресија на видео содржина, односно намалување на големината. Со новиот софтвер би требало да се постигне непречена комуникација, без притоа сликата да изгуби на квалитет, што е особено важно за комуникацијата со помош на знаци.

Со оглед на фактот што соговорниците, како што покажаа истражувањата, се гледаат в очи за време на комуникацијата со знаци, фокусот на сликата ќе биде на лицето. Позадината на снимката ќе биде со послаб квалитет.

Истражувачите во моментов се обидуваат да развијат систем кој ќе препознае кога луѓето ги движат рацете, со се цел да се намали потрошувачката на батеријата и за да се искористи капацитетот на обработка на податоци кога комуникацијата не е во тек.

Новиот телефон наменет за овие лица со посебни потреби ќе мора да има камера и екран на истата страна на апаратот со цел корисниците да можат истовремено да снимаат и да гледаат.

Американската државната фондација за науки го поддржа проектот, на кој во 1009 година ќе работат 20 научници.

Услугата нема да биде достапна за широка употреба, се додека не се склучи договор со произведувачите на телефони. Претставниците од универзитетот во Вашингтон веќе преговарале со компанија која се занимава со мрежа за мобилни телефони и која пројавила интерес за проектот.

За видео повиците потребна е мрежа од третата генерација.

Брод во форма на делфин

Бродот во форма на делфин, што претставува комбинација помеѓу џет и подморница, е најновата занимација на милионерите.

The Seabreacher може да се движи по вода со брзина до 70 километри на час и има доволно моќ да се нурне под површината и да прелетне над вода.

Овој брод за две лица кој го имитира движењето на делфините, чини 30.000 фунти. Бродот е долг 4.5 метри и развива брзина од 32 километри на час кога се движи под вода.

Роб Инес од дизајнерската компанија вели дека поради развиениот стабилен систем за снабдување на воздух, овој брод подолго време може да се вози под вода.

a shto,...koga nekoj ke gi oseti?!,...pa, ke se razochara?,....ke mu ostane samo ,...da se opie,..od nejziniot omilen pijalok!

Sony Ericsson го најави датумот на нивниот најмногу очекуван хендсет - Xperia X1. Едно од најжешките (или најчесто слушани) имиња оваа сезона ќе излезе во продажба на: 30 Септември во Велика Британија, Германија и Шведска. На пазарот пошироко ке биде достапна во: Азија, Европа и Латинска Америка.

Гласини дека X1 ќе биде одложена до првата половина од 2009 ги мачеа обожавателите на Windows Mobile. Тие сега можат да се опуштат и единствената грижа ќе им биде изборот меѓу HTC Touch Pro и Xperia X1. Двете најдобро опремени Windows Mobile направи се во жесока борба.
Една од најистакнатите точки е 3 инчниот WVGA екран на допир и QWERTY тастатурата. Покрај тоа речиси сите комуникациски опции се застапени-почнувајќи од 3.5 mm аудио приклучок до GPS, WiFi и Bluetooth v2.0 со А2DP, се е достапно. Навигација е со напреден оптички џојстик, додека 9-те достапни панели на екранот би требало да одговараат на секое сценарио на потребите на корисникот. Mултимедиа сетот вклучува FM радио без RDS и Медиа Плеер.

Sony Ericsson Xperia X1 исто така поседува камера со 3.2 мегапиксели и поседува 400 мегабајти внатрешна меморија, која исто така може да се продолжи со слот за MicroSD мемориска картичка. Хендсетот исто така ќе ги поддржува сите четири GSM мрежи и уште две други верзии, секоја со 3G мрежа. HSDPA и HSUPA се исто така застапени за да се погрижат за најбрзите дата трансфери.
Sony Ericsson Xperia X1 ќе има 528MHz ARM CPU и ќе има 256 мегабајти RAM.
Sony Ericsson смислија интересна маркетиншка кампања за X1 преку серија од неколку онлајн сериски видеа, наречени “Who is Johnny X?”
Можеме да заклучиме дека Xperia X1 ја чекаме со гоема нестрпливост и бес сомнеж ќе има жестока борба со HTC Touch Pro.