Екстремно! Мобилен телефон наменет за авантуристи

Во природа и на планинарење најчесто се оди кога сакате да одморите од гужвите, од работата, од компјутерот и интернетот. Но сепак природата е непредвидлива, а несреќите не се реткост. Затоа, колку и да сакате да избегате од цивилизацијата и придобивките на модерното живеење, сепак треба со себе да понесете и телефон. Ако не за друго, тогаш за „не дај Боже“.

Но, нерамните терени, планините, снегот и дождот не се баш природна околина за вашиот мобилен придружник. И постарите модели, оние кои не се со екран чувствителен на допир, имаат слаби точки и лесно се кршливи при пад, или пак престануваат да работат и при мал допир со вода.

За вакви случаи идеален е Casio G-Shock Phone. Го претставија на CES 2012 и всушност за него се знае многу малку, но сепак најважното (за разлика од сите други телефони) не е „под хаубата“, туку е самата хауба. Изработен е од цврста пластика со метален заден дел, а екранот од страните е заштитен со дополнителни пластични обвивки кои што служат за физичка заштита. Така, овој телефон слободно можете да го пуштите од височина од 3 метри и да не се мислите дали ќе падне на суво или во вода. Водата нема да претставува никаков проблем, само треба да биде до длабочина од 10-тина метри и притисок од максимум 1 бар и нема страшно. Телефонот ќе продолжи да си работи без проблем.

Од останатите спецификации единствено се знае само дека поседува камера со блиц и дека ќе работи на Андроид оперативен систем кој во себе ќе содржи низа апликации кои ќе им користат на авантуристите и планинарите. Нема информации каде и кога ќе се појави, иако веќе многумина го очекуваат со нетрпение.

Системот iSO4 е директно достапен преку дигиталниот media player iTunes, велат француските електронски медиуми.

Доколку системот не е директно понуден, корисникот може да му пристапи со клик на апликацијата за пребарување.

Новиот Apple кориснички програм е достапен за player iPod touch 2G и 3G како и за iPhone 3G од 290 мегабајти и 3GS од 378 мегабајти.

iSO4 пред се овозможува истовремено обавување на повеќе функции и управување на достапна документација, а содржи и подобрени и поусовршени мултимедиски функции.