IDIVIDI forum Веб сајт
почетна страница почетна страница > Спорт > Кошарка и ракомет
  Активни теми Активни теми RSS - РАКОМЕТ - новости
  најчести прашања најчести прашања  Пребарувај форум   Настани   Регистрирајте се Регистрирајте се  Влез Влез

РАКОМЕТ - новости

 Внеси реплика Внеси реплика страница  <1234 18>
Автор
Порака
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 18.Јуни.2008 во 17:06

ДЕЛ ОД ЧЛЕНОВИТЕ НА СЕНИОРСКАТА МАШКА РЕПРЕЗЕНТАЦИЈА НА МАКЕДОНИЈА ВЧЕРА НА ПРЕС-КОНФЕРЕНЦИЈА ГОВОРЕА ЗА ПЛАСМАНОТ НА СП

Постот заврши, време е за добри резултати

Машката сениорска селекција во јануари следната година ќе игра на СП во Хрватска, а уште отсега се најавува дека овие ракометари ќе имаат што да кажат и на тој шампионат.

По десет години Македонија повторно ќе биде во друштво со најдобрите репрезентации од светот. Македонија е на Мундијалот заедно со уште 23 други селекции, но самиот факт што во баражот беше совладан составот на Исланд ја зголемува тежината бидејќи тоа е репрезентација која на последните големи настани редовно се бореше за највисок пласман. Воедно оваа селекција ќе игра и на Олимписките игри во Пекинг.

"Премногу долго бевме оспорувани и сите сметаа дека баражот е максимумот на оваа генерација. Направивме с$ што е во наша можност за да докажеме дека сите коишто не веруваа во нас грешат и покажавме дека имаме квалитет за да минеме понатаму. Сметам дека ова не е нашиот лимит бидејќи и на СП ќе имаме што да кажеме", рече организаторот на играта, Наум Мојсоски на вчерашниот прес во РФМ.

На оваа средба со новинарите ракометарите имаше со што да се пофалат и да говорат за направеното бидејќи тоа е оправдано. Резултатот говори за себе бидејќи овој пласман на СП е голем резултат, нешто што не успеале да сторат неколку претходни генерации од 1999 година наваму.

"Многумина премногу долго ме оспоруваа. Зборуваа за мене дека ќе ги сменам боите и ќе играм за Хрватска. И можам сега јавно да кажам дека ќе играм во Хрватска, ама на Светското првенство и во дресот на Македонија. Мислам дека ова е најдобар доказ колку е голем нашиот квалитет и гарантирам дека овој тим ќе остане заедно 6-7 години и ќе води главен збор на првенствата на коишто ќе настапува. Никогаш не било важно дали во еден тим има 6 или 7 добри индивидуалци, ниту тоа дали на клупата седи некој тренер од светска класа. Секако дека тоа е потребно, но не е задолжително. Во еден тим е најважен тимскиот дух и другарството, а ние тоа го сторивме овој пат. Докажавме дека можеме заедно да се издигнеме над сите проблеми и докажавме дека знаеме како треба да стигнеме до резултат. Другарството и меѓусебната поддршка беа најголеми и тоа н$ донесе до она што многу го посакувавме", коментираше Кире Лазаров.

А, патот кон Светското првенство почна уште во јануари.

"Почнавме со големи проблеми и недоразбирања. Сепак, не е момент сега да зборуваме за тоа бидејќи кој постојано се навраќа на минатото тој не верува во она што ќе се случува во иднината. Затоа ние одиме направен кон она што н$ очекува".

Меѓутоа, никако не може да се заборават игрите во последните неколку недели кога беа совладани неколку големи селекции. Македонија е доктор за "олимпијците". Прво во Скопје падна Бразил во групата од "Трофејот Македонија". Потоа во Велес во финалето на истиот турнир се најде лекот и за Египет. На крајот на списокот беше додаден и Исланд. Три селекции кои ќе го видат Пекинг ова лето, но последната нема да може да игра на Мундијалот во Хрватска бидејќи во следниот јануари токму Македонија ќе биде дел од овој голем настан.

"Сите овие резултати влијаеја позитивно на нас и ни дадоа можност добро да се подготвиме. Јас не знам дали има друга селекција која би си дозволила два силни турнири во подготвителен период за бараж. Ние тоа го сторивме и победивме на двата иако резултатот не ни беше важен туку играта. Меѓутоа најважно е како одиграме со Исланд. Јас на реваншот верував во пласман. Кога се интонираше химната почувствував во мене дека можеме. Пеевме сите заедно и си реков можеме и одиме до крај. Кога тие поради наши грешки во финишот дојдоа до седум разлика ми се вртеа многу мисли низ главата. Го видов семафорот и си велев дали е можно повторно да ни случи ова. Сепак, ја преземав одговорноста и фала му на Господ што ми помогна да успеам. Фала им и на колегите бидејќи никогаш досега не сум имал ваква поддршка од нив", заврши капитенот Кире Лазаров.

И откако ќе се направи ваков успех сите грешки направени на средбите се забораваат. Сето тоа оди во заборав. Одат во заборав загубените топки, нереализираните удари бидејќи пласманот на СП е пред с$, а тоа во оваа ситуација Македонија го доби благодарение на своите херои кои има зошто да бидат славени и спомнувани постојано на сите страни. Македонија го прекина постот и по десет години е одново учесник на едно големо натпреварување.



Португалија ни носи среќа

Иако има поминато дури пет месеци од средбите против Португалија, сепак, една работа заслужува токму сега да се спомене. Оваа селекција е длабоко врежана во историјата на македонската машка репрезентација.

Секогаш кога сме ги имале за противници Португалците, секогаш сме завршувале на големите натпреварувања. Игравме во 1997, а потоа следната година игравме на ЕП во Италија. Повторно ни беа противник во квалификациската група и за СП во Египет, па во 1999 година бевме на Мундијалот. Оттогаш ждрепката ги одбегнуваше од нас. Н$ посака лани кога ни ги донесе за противник во квалификациската група. Ги минавме третпат и за вистинско чудо третпат завршивме на големите натпреварувања. Португалија секогаш ни носи среќа.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 18.Јуни.2008 во 17:07
БОРКО РИСТОВСКИ

Заслужено на СП

"Машкиот ракомет одамна нема доживеано вакво нешто. Се обидовме да дадеме 100% од нас на средбите со Исланд и во најдобро светло да ја претставиме нашата држава. Ова беше една од потешките средби како лично за мене така и за целата репрезентација. Се држевме цели 50 минути, а од 52. минута до крајот направивме неколку грешки во нападот, кои противникот знаеше како да ги казни. Сепак, сметам дека откако с$ ќе се собере, Македонија заслужено се пласираше на Светското првенство бидејќи успеа да елиминира една силна екипа како што е Исланд. Ова е преголем успех и за ракометот во нашата земја, но и воопшто за спортот во Македонија".

РАДЕ СТОЈАНОВИЌ

Резултатите допрва следуваат

"Мислам дека заслужено дојдовме до победата во баражот против Исланд. Она што се договоривме пред средбите и го изигравме. Покажавме дека оваа репрезентација вреди и има квалитет. Допрва н$ очекуваат големи успеси. Со право сме оптимисти дека можеме да направиме уште повеќе на Светското првенство во Хрватска".

НАУМ МОЈСОСКИ

Докажавме дека вредиме

"Презадоволни сме од нашата игра. На некои скептици успеавме да им докажеме дека за ова генерација ова бил максимумот. Докажавме дека тоа не е така, дека можеме да играме, а ќе го направиме тоа уште повеќе на Светското првенство. Не само да сме таму туку мислам дека можеме да го направиме тоа да бидеме и меѓу првите шест. Во Исланд покажавме дека Македонија не игра добро само дома туку знае да игра и во гости".

ИЛИЈА ТЕМЕЛКОВСКИ

Историски резултат

"Ова е историски успех за Македонија. Кога се нафатив да работа како селектор на оваа селекција многумина се сомневаа во мојата одлука бидејќи некои ме сметаа за преамбициозен, а некои можеби и за 'будала'. Сепак, јас ги познавам добро ракометарите и верував во нивниот квалитет. Иако Исланд беше фаворит пред средбата ние верувавме во нашиот квалитет. Исланд дојде на првиот меч пресамоуверено по пласманот на ОИ и во облаци. Ние ги спуштивме, а тие рекоа дека на реваншот ќе биде поинаку. Меѓутоа, овде не се работи за квалитетот на Исланд туку за нашиот квалитет бидејќи покажавме како треба да се стигне до добар резултат и успеавме да го оствариме она што го посакувавме".

ВАНЧО ДИМОВСКИ

Се како што посакувавме

"Направивме голема работа. Можевме овие неколку денови по вториот дуел со Исланд да седиме затворени дома и да не креваме телефони, но и да не сакаме да ги читаме весниците. Но ние направивме токму како што посакувавме и успеавме. Дојдовме до добар резултат и сега е сосема поинаку. Чекавме можеби предолго, но важно е што успеавме и стигнавме по толку години пост да се најдеме на првенството".

СТЕВЧЕ АЛУШЕВСКИ

Резултат рамен на медал

"Ова е круна на оваа генерација бидејќи успеа да го стори она што не успеа ниту една генерација по откажувањето на Пепи Манасков. Јас сум последниот Мохиканец во оваа селекција, кој ги поврзува сите минати. Конечно успеавме да го направиме и тој чекор кој доаѓа како круна на оваа репрезентација. Елиминиравме една селекција од типот на Исланд која знаеме што значи во светски рамки. Затоа за мене ова е голем успех рамен можеби и на медал. По оваа победа мислам дека сите во македонскиот тим се свесни дека поседуваат квалитет дури и да се бориме за медал на СП во Хрватска, а се надевам дека ќе можам да помогнам и во јануари на Мундијалот".

ЗВОНКО ШУНДОВСКИ

Мора да ја негуваме оваа генерација

"Одигравме два прекрасни натпревари. На првиот дуел во Скопје ги надигравме целосно. На вториот меч бевме рамноправен противник с$ до пред крајот кога попушти концентрацијата, но на крајот можеме да бидеме задоволни бидејќи ја остваривме целта и се пласиравме на Светското првенство.Факт е дека имаме една прекрасна генерација која мораме да ја негуваме. Мораме да вложуваме во неа и да играме многу вакви средби. Јас сум убеден дека и на СП нема да бидеме само учесници туку ќе постигнеме добар резултат за да може сите да се гордеат со нас".
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 18.Јуни.2008 во 17:07
ЛЕНЧЕ АЛЕКСОВСКА (ПСИХОЛОГ)

Чест ми е да работам со вакви момци

"Резултатот кој го постигнавме зборува сам по себе. По десет години одиме на Светско првенство. За тоа најмногу заслужни се секако играчите кои успеаја да се надминат себеси и да ги покажат своите индивидуални квалитети. Успеаја да изградат тим бидејќи тимот победува. Веруваа во себе и веруваа во тимот. Веруваа и во успех. Мислам дека тоа го покажаа и во Скопје и во Исланд.

Секако дека победата беше императив, но не по секоја цена. Мораше да останат со ладна глава и со чисти мисли. Да се борат 60 минути. Тоа го знаеја добро и го изработија. Имавме ментални тренинзи, но и визуелизации од психолошки аспект во однос на натпреварот. Тие се одлични момци и ми беше голема чест и задоволство да работам со една ваква репрезентација бидејќи патриотското чувство кога играш пред 6000 публика во Скопје, но и во Исланд кога два милиони те гледаат тие се покажаа во најдобро светло. Играа за себе, но и за тимот. Играа за Македонија".
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 18.Јуни.2008 во 17:08

РЕПРЕЗЕНТАТИВЦИТЕ ВЧЕРА ВО ЦЕНТАРОТ НА ВНИМАНИЕТО

30.000 евра награда од УО

Машката сениорска селекција и два дена по остварувањето на големиот успех беше во центарот на вниманието. Вчера репрезентативците беа примени во МОК од страна на претседателот Васил Тупурковски, а потоа беа и на средба со членовите на УО на РФМ. На оваа средба беше соопштена и наградата која ќе ја добијат за пласманот, па ракометарите ќе добијат вкупно 30.000 евра за остварениот пласман на Светското првенство.

Покрај оваа награда тие имаат ветено уште 20.000 евра од Агенцијата за млади и спорт, така што добиваат една солидна сума за оствареното. Сепак, од она што можеше да се види наградата е во втор план бидејќи во прв план беше бранењето на дресот со националниот грб и тоа беше остварено на вистински начин. Се играше со срце и тоа беше потврдено на најдобриот можен начин, со пласман на Мундијалот.

На средбата со Костовски му беше врачен дрес за спомен од оваа селекција за оствареното.

"Сакам и понатаму да продолжиме вака заедно да чекориме кон успехот. Потврдивме дека тимот ни е на прво место. Сите бевте едно и направивте одличен резултат, а во иднина сакам да продолжиме во ист стил и да бележиме одлични резултати бидејќи ова е одлична генерација", рече Костовски при вчерашното обраќање кон ракометарите честитајќи им го големиот успех.


На Олимпијада во 2012 година

На вчерашниот прием во МОК Кире Лазаров даде интересна изјава во име на сите ракометари.

"За Пекинг не успеавме, но сега се враќаме на големите натпреварувања, па тоа е и шанса за нови добри резултати. Воедно тоа е шанса и за место на ОИ или во квалификациите за Олимпијадата, па можам да кажам дека ќе имате шанса да н$ видите на Олимписките игри во Лондон во 2012 година", рече Лазаров.

Ne sum pijan, samo lezam na zemja i se raduvam....
Кон врв
гoстин Кликни и види ги опциите
Сениор
Сениор


Регистриран: 29.Февруари.2008
Статус: Офлајн
Поени: 7557
Опции за коментарот Опции за коментарот   Благодарам (0) Благодарам(0)   Цитирај гoстин Цитирај  Внеси репликаОдговор Директен линк до овој коментар Испратена: 18.Јуни.2008 во 18:45
Во Хрватска Кире ќе игра за Македонија

Репрезентативците на Македонија и стручниот штаб, вчера имаа прием во Ракометната федерација на Македонија и во МОК, каде примија бројни честитки. Беше нагласено дека успехот е голем, но тука не треба да се застане.

Капитенот на нашата репрезентација, Кире Лазаров појасни една работа:
- Долго време бев оспоруван и се зборуваше дека ќе го сменам дресот бидејќи имам и хрватско државјанство. Лазаров ќе игра на СП во Хрватска, но за Македонија - беше дециден Кире.

Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 19.Јуни.2008 во 16:59
МАШКАТА СЕНИОРСКА СЕЛЕКЦИЈА НА МАКЕДОНИЈА И НАТАМУ ВО ЦЕНТАРОТ НА ВНИМАНИЕТО ВО СПОРТСКАТА ЈАВНОСТ

Славењето трае, следува ждрепката

Сениорите се уште се главна тема во спортската јавност во земјава и сите погледи се свртени кон нашите најдобри ракометари кои в сабота ќе ги дознаат противниците за Мундијалот.

Неколку дена по големиот успех и победата над Исланд по која се пласиравме на Светското првенство во Хрватска, Македонија не престанува да зборува за големиот момент и да ги слави своите херои. Приеми од сите страни, многу честитки, пофалби... Едноставно во последните денови секој се чувствува горд затоа што е Македонец.

И повторно спортот го обедини овој народ. Уште еднаш тоа е ракометот. Македонија покажа дека знае како да се радува на големите резултати. Македонија знае како треба да ги слави оние коишто со срце играат на теренот од првата до последната минута. Од првиот до последниот заслужија пофалби, заслужија честитки од сите страни.

Деновиве сите зборуваат само за победата над Исланд и пласманот на Светското првенство. Така ќе биде сигурно уште долго бидејќи дури десет години го чекавме денот кој се случи на 15 јуни. Го чекавме моментот кога нашите репрезентативци ќе се симнат од авионот и голем број фанови ќе ги дочекаат со голем аплауз.

И се случи тоа. Сите заедно покажавме дека знаеме како да се радуваме. Знаеме како да го прославиме секој убав момент. Така било секогаш кога се случувало нешто големо во оваа земја, а така почна и оваа прослава од неделата по мечот со Исланд. Се работеше само за бараж, но како што го кажа тоа најискусниот во репрезентацијата, единствениот ракометар кој игра во националниот состав уште од првата средба на самостојна Македонија, Стевче Алушевски, овој резултат е рамен на освоен медал од некое големо натпреварување.

За кусо време паднаа дури три учесника на Олимписките игри. Бразил, Египет, Исланд... список на земји коишто летово ќе бидат дел од натпреварите во Пекинг и секако факти коишто значат многу пред с$ во поглед на остварениот резултат. Нашите ракометари се свесни за она што го направија бидејќи покажаа дека сите оние коишто многупати досега немаа доверба во нив сега можат само да им подадат рака и да им честитаат.

Можеби чекавме долго на оваа генерација да созрее и да стигне до местото коешто секако & припаѓа, а тоа е секако учество на големите натпреварувања. Сепак, најважно е да се успее во она за коешто се мечтае, во она за коешто постојано се вложува и се работи секојдневно.

Денес сите велат дека знаеле дека Македонија ќе се пласира на првенството. Тоа е добро бидејќи секоја поддршка е значајна. Важно е да се биде со нашите репрезентативци иако до пред само неколку денови повеќе се сомневаа дека овие ракометари можат да го минат Исланд. Сега и тие песимисти со поинаков поглед ќе ги следат настапите на македонската сениорска селекција бидејќи веќе никој не говори дека ние не можеме туку сега сите ќе зборуваат дека Македонија има квалитет и има сили да им парира и на оние најдобрите коишто се со највисок ранкинг.

Но, не можеме долго да живееме со славењето на резултатите. Ќе се навраќаме секогаш во минатото и ќе ги спомнуваме сите големи моменти. Меѓутоа мораме да одиме напред.

"Оној кој постојано се навраќа во минатото, тој не верува во иднината", рече во една своја изјава капитенот Кире Лазаров.

И сосема е во право. Секој голем успех не крева с$ повисоко и повисоко. Меѓутоа, мораме да мислиме на она што претстои и добро да се подготвиме за настаните кои ќе следуваат.

Ние постојано во нашата репрезентација имаме одлични ракометари, но недостигаше само едно, а тоа е пласман на завршницата. Сега го сторивме и тоа, а веќе в сабота ќе се одржи ждрепката, па ќе се дознаат петте противници против коишто ќе играме во првата фаза на Мундијалот.

Македонија е во ист шешир со Шпанија, Словачка и Египет, што значи дека овие противници сигурно ги избегнуваме. Оваа генерација има сериозна задача, а тоа е да успее да го надмине она 18. место коешто во 1999 година беше остварено на првенството во Египет.

ПЛАСМАНОТ НА СП МНОГУ ГО КРЕНА НАШИОТ РЕЈТИНГ

Две понуди за контролни средби

Македонската репрезентација станува интересна за спарингување со многу други селекции и одигрување контролни средби. Веќе пристигнаа две покани за контроли, што ќе бидат секако добредојдени во периодот кога ќе се подготвуваме за учеството на Светското првенство.

Првата е од Австрија за крајот на октомври. Засега се работи за двомеч со оваа селекција, но с$ уште е рано за прецизирање, па постои можност и за организација на турнир со учество на уште две селекции.

Во Франција дефинитивно се работи за турнир. Би требало да се одржи на почетокот на јануари следната година меѓу новогодишните и божиќните празници. Она што е сигурно дека турнирот би бил со најмалку четири тима, но во опција се и шест селекции. Што и како ќе се случува, ќе се знае во следниот период. Голема е веројатноста дека ќе има и други понуди бидејќи сега на машката сениорска селекција на Македонија се гледа сосема поинаку.

ГОРАН ЃОРГОНОСКИ

Почит кон знамето, химната и тимот или надвор!

"Јас уште по првиот натпревар овде постојано мислев само на една работа: Да ја оправдаме на Исланд играта од Скопје, да го одбраниме резултатот по секоја цена. Ако таму загубевме, с$ ќе се сведеше на случајност, на нивно потценување, на судии и не знам што.

Одигравме многу стабилно и зрело во Рејкјавик и што е многу важно и што е ако можам да кажам новитет во играњето, неколкупати се враќавме од минус четири гола.

Мислам дека секој за првпат се почувствува навистина важен и горд што е во репрезентацијата. Сега мислите ми се насочени кон Хрватска. И ние и сојузот преземавме голема обрврска кон овој народ, кој се надеваме го направивме горд за момент.

Тоа што се случи за време на интонирањето на химната, пеењето на цел глас и подигањето на целата национална свест е тоа што и требаше на оваа репрезентација. Отсега па натаму, секој играч кој ќе се приклучи ќе добие привилегија да игра во репрезентацијата ќе мора да се однесува кон знамето, химната и тимот како што доликува. Во спротивно, ќе биде исфрлен како 'страно' тело!

Друга работа е што Исланд беше простудиран до најситни детали, секој, буквално секој знаеше што му е задачата на теренот. Сега доаѓаат квалификациите за ЕП и нормално, светското првенство. Доаѓаат многу брзо, затоа треба ова да го заборавиме што побрзо и да се фатиме за работа. Треба да се обезбедат максимални услови за подготовки и с$ што ќе треба", изјави Горан Ѓоргоноски.

Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 19.Јуни.2008 во 17:00

ЈУНИОРКИТЕ ВО ОДЛИЧНИ УСЛОВИ СЕ ПОДГОТВУВААТ ВО НЕГОРСКИ БАЊИ

Договорени три контроли

Женската јуниорска репрезентација на Македонија ги одработува тренинзите од подготовките за Светското првенство на југот на земјата, каде што има одлични услови за работа. Негорски бањи е базата на првата недела од главните подготовки бидејќи тренинзите траат повеќе од еден месец.

"Секој ден од понеделникот работиме по двапати во денот. Како што планиравме така и се одвиваат сите настани. Наутро работиме на подобрување на физичката подготвеност кај ракометарките и тоа засега оди во одлично темпо. Во вечерниот термин веќе се работи со топка, но и на воигрување на одбраната која сметаме дека ќе ни биде клучот на нашиот успех на Светското првенство. Девојките работат одлично и го почитуваат сето она што се бара од нив. Ги одработуваат задачите, така што засега с$ оди според планот", вели селекторот на јуниорската селекција, Новко Георгиевски.

Засега с$ оди според планот, а тренинзите во Негорски бањи ќе траат до недела.

"Здравствениот билтен е одличен. Сите ракометарки се подготвени и работат без проблеми, што секако е позитивно за нас. Веќе се подготвуваме и за првите контролни средби. Договоривме три натпревари против тимот на Роман од Романија кои ќе ги одиграме на почетокот на следниот месец. Договорено е на 4 и 6 јули да спарингуваме во Виница, додека на 10 јули ќе биде одигран уште еден дуел во Скопје", заврши Георгиевски.

За условите за работа во овој период од подготовките се надоврза и тренерот на репрезентацијата, Крсто Петрушевски, кој веќе има искуство од едно Светско првенство.

"Во Негорски бањи имаме услови какви што посакувавме пред да дојдеме. С$ што ни е потребно овде ни е на располагање, почнувајќи од сместувањето, па до терените за извршување на тренинзите. Засега с$ оди според планот и одиме во вистинска насока", коментираше Петрушевски.

Јуниорките остануваат во ова место до крајот на неделава, а во понеделник и вторник треба да имаат два слободни дена. Потоа неколку дена треба да се тренира во Скопје пред да заминат за Виница каде што ќе ја имаат и првата проверка.



Хрватска и Бразил почнуваат со работа

Селекциите на Хрватска и на Бразил кои се меѓу противниците на Македонија во првиот круг од Светското првенство ги објавија составите на ракометарките за кои сметаат на Мундијалот. Хрватска прозивката ќе ја изврши в недела кога ќе биде и стартот на подготовките пред учеството на Светското првенство. Во тимот има вкупно 18 ракометарки на коишто се смета во овој период, а ракометарките доаѓаат главно од тимовите кои се во средината на табелата од ланската сезона на хрватскиот шампионат.

Што се однесува до Бразилките, тие веќе почнаа со тренинзи, а во тимот има ракометарки коишто играат во домашниот шампионат & се непознати за нашата јавност.

Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 19.Јуни.2008 во 17:00





МАКЕДОНСКИТЕ КЛУБОВИ НЕМААТ ЕВРОПСКИ АМБИЦИИ

МРК Вардар во Челенџ куп!

Кога нема кој во Европа може и довчера прволигаш! Кризата која владее во македонските машки ракометни екипи го направи возможно и невозможното.

За првпат на европска сцена ќе игра екипа која сезоната ја минала во понизок ранг на натпреварување. МРК Вардар ја искористи финансиската и секаква друга криза во екипите кои играа во шампионатот и се пријави за учество во Европа.

Со оглед на тоа дека само две екипи се имаа пријавено до тој момент, РФМ го пријави МРК Вардар за учесник во Челенџ купот. Така младите вардарови играчи ќе добијат шанса во првата година како повратници во Супер-лигата да играат и европска сезона, што, секако, ќе биде од големо значење за нив, посебно ако успеат и да отидат некој чекор подалеку.

Другите два клуба кои се пријавени за Европа се Металург, кој ќе игра во квалификациите за Лигата на шампионите, и Вардар Про, кој се одлучи да игра во КПК.

Пелистер, Преспа, Младост, Т. Пролет, В. В. Тиквеш имаа шанса да играат во Челенџ купот или Купот на ЕХФ, но ниту една од нив не сакаше да се натпреварува во Европа сезонава. Тоа сигурно ќе се одрази на рејтингот на македонските клубови во Европа, ќе имаме коефициент "0" во Купот на ЕХФ и во Челенџ купот каде место два ќе имаме само еден претставник. И по две сезони (во наредните 3 години), овие нули ќе се бројат во вкупниот ранкинг. Тоа значи противник кој ќе има улога на носител!

Ниту во женскиот дел од учесниците бројот не е комплетиран. И овде како и во машка конк*ренција, имаше можност прволигаш да игра во Европа. Но, Металург Скопје не се пријави за настап во КПК, па Македонија во овој куп нема да има претставник.

Нема да има затоа што Кометал Ѓ. П. ќе игра во Лигата на шампионите, а Кале Кичево, кој е финалист, го одбра Купот на ЕХФ место КПК.

Можност да играат во КПК имаа полуфиналистите на Купот, Металург Скопје и Вардар Осигурување. Металург не се пријави воопшто, а Вардар не сакаше да игра во КПК туку одбра да игра во Челенџ Купот.

Од ваквата распределба на местата загуби екипата на Фон Универзитет, која иако сакаше за неа немаше место во Европа без оглед што едно место останува непополнето.

Во Челенџ купот, покрај Вардар О. ќе игра и екипата на Кабран Амбалажа. Така списокот на учесници изгледа вака: Кометал (Лига на шампиони), Кале Кичево (ЕХФ), Кабран Амбалажа, Вардар Осиг. (Челенџ Куп).

Изменето од blueprayer - 19.Јуни.2008 во 17:00
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 19.Јуни.2008 во 17:01

КЛУБОВИТЕ ОДНОВО НА СЦЕНА, МЕТАЛУРГ ПОЧНА ДА СЕ ЕКИПИРА

Живковиќ потпиша, Макалоски во Вардар

Клупскиот ракомет одново се враќа на сцената по крајот на квалификациските бараж натпревари на репрезентативно ниво.

Во Македонија и во овој период тоа што вреди да се спомене е врзано со имињата на Металург и Вардар.

"Црвено-црните" веќе ги отворија картите и објавија неколку имиња кои би требале да бидат дел од нивниот тим следната сезна.

Металург досега го немаше. Целото раководство на клубот беше подредено на активностите на репрезентацијата, па така се остана во втор план. Не дека не беа активни периодов, но конкретно ништо не беше реализирано заради споменатите активности.

Бобан Живковиќ потпиша нов договор со Металург. Тоа е еден од последните играчи од ланскиот тим кои остануваат во екипата. Последното име со кое уште се чека разврска е Филип Шчепановиќ.

Гоце Макалоски заминува, тоа е дефинитивно, и тоа оди во екипата на Вардар Про. Фактички, Вардар и Металург ги заменуваат крилата, затоа што во спротивен правец се сели Владо Недановски.

Но, тоа се вести кои веќе долго време се најавуваат и повеќе-помалку се познати.

Условно кажно ново од таборот на Металург се контактите и како што неофицијално се дознава големите шанси да се постигне договор со двајца репрезентативци на Египет.

Се споменуваат уште една дузина имиња кои важат како потенцијални засилувања за македонскиот првак, главно играчи од бившите ју-простори и Романија. Но, првата опција за Металург, сепак, се ракометарите од Египет. Сеедно, ситуацијата во овој клуб ќе треба многу брзо да се решава. Трансфер маркетот со квалитетни играчи брзо се затвора, а Лигата на шампионите и не е така далеку.

За потсетување, Металург ќе мора да одигра едно квалификациско коло за пласман во Лигата на шампионите. На 1 јули е ждрепката, а можни противници на македонскиот шампион се Бенфика (Португалија), Ц. Звезда (Србија), Каунас (Литванија), Сашја (Белгија), Дуделанж (Луксембург), Кипрус (Кипрар) и Полва Сервити (Естонија).

Втората ждрепка, таа која ќе ги одреди вистинските противници во Лигата на шампионите, ќе биде извршена 4 дена подоцна во Гетеборг.



"ЦРВЕНО-ЦРНИТЕ" АНГАЖИРАА ЛЕВ БЕК

Кукрика, ново засилување

Анте Кукрика, лев бек од Хрватска, е новото засилување за екипата на Вардар Про.

Поранешниот играч на Метковиќ од Хрватска и Алпи Прато од Италија, минатата сезона ја одигра во Тунис, а сега кариерата ја продолжува во "црвено-црно".

Со овој, а доколку се реализираат и претходно најавените трансфери, тогаш на Вардар ќе му остане уште голманската позиција. Неофицијално, Петар Ангелов е едно од имињата кои се наоѓаат на листата на желби на Вардар, но засега не е ништо конкретно договорено.

Ѓукиќ заврши со Швајцарија!

Поранешниот македонски селектор, Драган Ѓукиќ, по 31 јули ќе го напушти кормилото на репрезентацијата на Швајцарија.

Ѓукиќ одработе две години со подмладениот швајцарски тим, со кого ја имаше несреќата да мора да игра со светскиот вицепрвак Полска во бараж квалификациите.

Договорот завршува на крајот на јули, нема да биде продолжен.

"Да, можам да потврдам дека по 31 јули нема да бидам селектор на Швајцарија", изјави Ѓукиќ.

Ѓукиќ е поврзувам со неколку екипи и неколку репрезентации во моментов. Најзвучно име во моментов е Портланд Сан Антонио, иако Ѓукиќ демантираше дека има таква опција.

Брегенц, Касарано, Бенфика се една од можните дестинации. Сеедно, многу брзо ќе се знае во кој правец ќе се одвива кариерата на поранешниот македонски селектор.

Ne sum pijan, samo lezam na zemja i se raduvam....
Кон врв
гoстин Кликни и види ги опциите
Сениор
Сениор


Регистриран: 29.Февруари.2008
Статус: Офлајн
Поени: 7557
Опции за коментарот Опции за коментарот   Благодарам (0) Благодарам(0)   Цитирај гoстин Цитирај  Внеси репликаОдговор Директен линк до овој коментар Испратена: 20.Јуни.2008 во 17:59
НА ЕДЕН ДЕН ДО ЖДРЕПКАТА ЗА СП, СЕЛЕКТОРОТ ИЛИЈА ТЕМЕЛКОВСКИ ЗБОРУВА ЗА ПОСАКУВАНАТА ГРУПА

Да се избегнат Русија и Србија

По неколкуте фуриозни денови вчера членовите на машката сениорска репрезентација имаа можност за мал одмор иако с$ уште не стивнуваат реакциите, а веќе се размислува и за ждрепката.

Утре, во Загреб, според информациите, на плоштадот "Бан Јелачиќ" ќе биде направена ждрепката со која ќе се одредат четирите групи за првиот круг на Светското првенство кое следната година во јануари ќе се одржи во Хрватска.

"Ако имаме малку среќа при ждрепката можеме да се надеваме на добар резултат на Светското првенство. Од првите два шешира не можеме многу да бираме и јасно е дека имаме силна селекција за противник. Сепак, од другите две е многу важно да ги избегнеме Русија и Србија бидејќи против другите можеме да се надеваме на позитивен резултат", вели селекторот Илија Темелковски.

На ден до ждрепката Темелковски коментираше за секој од шеширите посебно.

"Која репрезентација и да биде од првиот шешир немаме голем избор бидејќи сосема е јасно што значат Хрватска, Франција, Данска и Германија во светскиот ракомет. Што се однесува до вториот, тука веќе сметам дека скандинавската школа би ни одговарала повеќе. Затоа ги посакувам Шведска или Норвешка и според мене тие ќе бидат добра ждрепка", вели Темелковски.

Откако го совладавме Исланд добивме шанса да се најдеме во третиот шешир, каде се наоѓаат уште две селекции кои имаат богата традиција зад себе и се редовни учесници на Светските првенства, Шпанија и Египет.

"Самото тоа што се најдовме заедно со овие две селекции во ист шешир доволно говори за тоа што направивме во баражот. Ова е голем резултат бидејќи самиот факт што сме во ист шешир со Шпанија и Египет доволно говори дека имаме добра позиција пред ждрепката".

Сепак, има квалитетни репрезентации и во шеширите коишто се послаби од оној во кој се наоѓа Македонија, така што нема да биде воопшто лесно на првенството.

"Најважно е да ги избегнеме Русија и Србија. Сепак, нема стравување од никого. Кога можеше Црна Гора да излече реми со нив на минатото ЕП, тогаш зошто не би можеле и ние да направиме уште поголемо изненадување. Сепак, би било добро оваа селекција да се избегне од четвртиот шешир. Истото важи и за Србија од петтиот, додека шестиот е со далеку послаби селекции и тука која селекција и да биде ние сме во предност".

Во моментов, сепак, сето ова се само желби и главното ќе биде дури утре откако ќе се изврши ждрепката. Потоа ќе се почне со собирањето на информации и со подготовките за првенството. Сепак, пред тоа ќе играме и квалификации за ЕП 2010, така што машката сениорска селекција сега ќе биде со далеку понатрупан распоред отколку што беше тоа порано.

"Јас подготвувам план за следните две години. Акцентот ќе биде ставен на Светското првенство, но паралелно со квалификациите за Европскиот шампионат во 2010 година. Во следниот период секако постепено шанса ќе добиваат и младите за да се обидат да се изборат за место во најсилниот состав, но главно костурот на селекцијата веќе го имаме и продолжуваме во ист стил како што беше тоа случај и во последните неколку месеци", заврши Темелковски.

РАНГИРАЊЕ ПРЕД ЖДРЕПКА

ШЕШИР 1: Германија, Данска, Хрватска, Франција

ШЕШИР 2: Шведска, Норвешка, Полска, Унгарија

ШЕШИР 3: Шпанија, Словачка, Египет, Македонија

ШЕШИР 4: Романија, Русија, Кореја, Пан Америка 1

ШЕШИР 5: Србија, Тунис, Кувајт, Пан Америка 2

ШЕШИР 6: Алжир, Пан Америка 3, Саудиска Арабија, Австралија


Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 20.Јуни.2008 во 18:01

Сакаме и можеме и на ЕП!

Репрезентативната еуфорија полека стивнува, а актуелностите полека ги потиснуваат старите спортски настани.

Репрезентацијата е на одмор, клубовите се на пауза, но за тие кои ќе треба наскоро одново да ја преземат диригентската палка, нема многу простор за релаксација.

Директорот на репрезентацијата, Ристо Чокрев, уште и претседател на Металург, е една од личностите кои ќе бидат на огнената линија мошне брзо. Металург, предводен од членот на УО, Минчо Јорданов, ја презеде одговорноста кај сениорите и уште "честно" невлезени во сите сфери на репрезентацијата имаа можност да се радуваат на еден од најголемите успеси и да застанат пред еден од најголемите предизвици.

"Ние немавме волшебно стапче со кое ќе ја однесевме репрезентацијата на мундијалот. Да бидам искрен имавме и малку поинакви планови околу изгледот на целиот тим. Најголемата заслуга ја имаат самите играчи. Ние едноставно го почувствуваме моментот, сфативме дека и нив им е дојдено преку глава од неуспешни баражи и оспорувања на нивниот квалитет и решивме дека за дуелите со Исланд најпаметно е да се прилагодиме и да им излеземе во пресрет колку што ќе можеме, со оглед на краткото време. Се покажа како успешен рецепт и сега нема никаква смисла да менуваме нешто што се покажа дека функционира. Но, затоа има многу други работи кои мора да се доведат в ред и ние тоа ќе го сториме. Ќе разговараме со селекторот Темелковски и ќе му понудиме договор. Каков ќе биде ќе прецизираме понатаму. По тоа тој ќе мора, а и ние ќе му помогнеме, да состави програма за подготовки. Веќе има стигнато понуди за контролни натпревари, но за нив ќе разговараме откако ќе видиме каков ќе биде нашиот план. Имаме долгорочни планови со репрезентацијата. Ќе бараме да бидат вклучени повеќе играчи, нормално, селекторот ќе си го прави изборот, но ќе мора да има тука и млади ракометари кои ќе можат да бидат дел од "А" тимот во иднина. Се знае, костурот на тимот ќе бидат сите овие играчи кои изборија пласман на мундијалот", вели директорот на репрезентацијата, Чокрев.

"Сега ќе се ориентираме на два клучни настани кои се однесуваат на репрезентацијата. Прво квалификациските натпревари со Естонија во ноември и по тоа Светското првенство. Значи, ќе направиме прво една краткорочна програма за да ги одработиме овие два настани. По мундијалот, во целост ќе се посветиме на квалификациите за ЕП и ќе направиме стратегија за подолг период. Сакаме и можеме да се пласираме и на ЕП. Главно, ќе се трудиме да направиме тим кој ќе функционира на вистински начин. Секој да си ја работи својата работа. Повторно играчите ќе бидат тие кои ќе ја имаат главната улога. Но, ние ќе сториме с$ за тоа да им биде единственото со што ќе се заморуваат. Ништо нема да се решава во од, с$ мора да биде плански. Ќе направиме обид да ги елиминираме сите импровизации. С$ ќе мора да биде договорено и подготвено за реализација кога тие ќе пристигнат да играат. Сега сме сите горди на тој тим, најмногу тие. Мора да им вратиме за тоа, мора да се чувствуваат горди и подготвени да дадат максимум секој пат и секој миг додека се со репрезентацијата", вели Чокрев.

Македонија, првиот и единствен квалификациски меч годинава ќе го има 27/27 ноември со Естонија во Скопје, три дена подоцна на гости, веројатно во Талин.

Р. Ѓамовски

РЕПРЕЗЕНТАТИВНИОТ ПИКЕР, ПОД НОЖ

Ѓоргоноски опериран

Репрезентативниот пикер Горан Ѓоргоноски вчера беше успешно опериран и наскоро ќе може повторно да тренира.

Ѓоргоноски имаше проблем со коленото, ризикуваше и на настапите на репрезентацијата, а за среќа се заврши како што треба. Веднаш, првиот слободен момент беше искористен за да биде санирана повредата и да може да биде подготвен за стартот на подготовките на Металург кои се планирани за почетокот на август.

 
    Copyright © 2004 Македонски Спорт 2004
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 20.Јуни.2008 во 18:02

БАРАЖ КВАЛИФИКАЦИИТЕ ОД ПЕРОТО НА СЕЛЕКТОРОТ НА РЕПРЕЗЕНТАЦИЈАТА НА ШВАЈЦАРИЈА

Сјај сонце македонско!

Македонија четврт пат на Исланд, според мене и тоа што го зборував уште од Трондхајм (СП Норвешка), мислев дека во најамала рака има право на надеж. Исланд не е непобедлив и ако СИТЕ, но буквално сите околу тимот се ангажираат повеќе од кога и да е во минатото, шанса постои и реална е!

За "Македонски спорт"
Драган Ѓукиќ
селектор на Швајцарија


Пишував во февруари за "Македонски спорт" од далечната Норвешка. Многумина не веруваа дека е можно, но во спортот само теренот покажува кој е вистински, а кој е од "хартија". Македонија има причини да слави, да се гордее, да верува.. а тоа е најважно. Правото на надеж никој не може да го одземе! Тоа што е најголема победа, покрај пласманот по долги девет години чекање е новиот замаец во овој убав спорт. Долго време ракометот е најдобриот македонски извозен артикл. Факт е дека кога сите ќе застанат зад еден проект успехот е речиси сигурен. Организација (РФМ), војниците за пишан збор (новинарите), публиката во преубавата "Борист Трајковски", клубовите кои за миг ги забораваат сопствените "војни" и играчите. Играчите обединети како никогаш до сега и решени да успеат, постари и попаметни за сите оние "гладни" години. Стручен штаб на челот со "бркатиот" Илија, твордоглаво верувајќи и туркајќи го до крај својот концепт, концепт за успех. Историјата ја пишуваат победниците, а победниците овој пат се сите!

Тим кој го има еден Кире како лидер, не само убоит шутер добро познат на сите најдобри голмани на денешницата туку и како асистент, водач во најтешките моменти. Еден Борко, позади, последната, огромната и често непремостливата пречка за топката да стигне до мрежата, борци какви што се Ванчо, Филип, Мојсо. Искуството на Аљуш, Раде.. Тое е тим кој ќе има што да каже на следната планетарна смотра и од срце се надевам дека ќе сјае со полн сјај и на Јадранот.

Добро одбрани противници, сериозни подготовки и поддршка од сите структури е рецепт кој не смее да се погреши. И јас сум сигурен дека момците во жолто-црвено ќе ги гледаме и во втората фаза од шампионатот. Напишано, да биде и проверено! Посакував следното СП да биде еден нов турнир на Авној затоа што сите екипи на бившата ни татковина имаа шанси да се најдат таму. Но, не беа доволно паметни, подготвени, гладни. Па така "само" три екипи ќе заиграат со своите амбиции.

Баражот е зад нас, времето за славење е тука. Но, и времето за нови европски квалификации доаѓа уште утре. Октомври е блиску, таму чекаат нови искушенија. Таму е скандинавското лоби Норвешка, Естонија и Исланд, желно за одмазда. Се надевам дека лекцијата е научена и дека нема да се враќаме во одделенијата кои веќе ги минавме. Дотогаш, да уживаме во ракометот на Олимписките игри и да ги славиме овие момци, кои се вистински херои на квалификациите.

Србија - Чешка, целосно изедначен двомеч. Решаваа нијанси (повеќе голови во гости) и фактот што реваншот се играше во Ниш. Публиката ги носеше на своите крила играчите и придонесе некои очигледни и од порано познати проблеми во играта на "орлите" да бидат надминати и да одат на големо натпреварување. За некои поголеми амбиции во Хрватска ќе треба подобра организација, нови идеи, сили. Првиот чекор е направен, комплексот Чешка е архивиран, на ред е следниот и момците на Јовица Цветковиќ треба да покажат дали се подготвени да го направат.

Словенија - Словачка. Со елиминацијата на Исланд, едно од најголемите изненадувања. Но, само за површните познавачи на ракометните случувања во Европа. Состојбата во најсилните словенечки клубови (Голд Клуб, Целје), историјата на судирите внатре во сите структури во и околу сојузот, екипи, промена на тренер кој имаше план и (по мене) прилично добро работеше... само се некои од причините кои надлежните во "дежелата" ќе мора добро да ги анализираат ако сакаат да се вратат макар близу до ракометните сили, каде до вчера и тие беа. Лекцијата е скапа, се надевам и научена.

Ц. Гора - Романија. Типична приказна за нашиот менталитет. Пласманот на ЕП и ракометната еуфорија не е искористена за ракометот да се избори за подобра организација. Подобри и сериозни услови и се случи тоа што обично тогаш се случува. Опуштеност, импровизација и "лесно ќе биде", носат до тоа две релативно силни репрезентации (и женската) и некои фантастични играчи (Бојана Поповиќ, Ален Муратовиќ) да не играат во Хрватска и Македонија. Најавите за создавањето на нови ракометни центри (Подгорица, Будва) можеби се најави дека нешто се менува, но нека ни го покаже тоа времето.

БиХ - Унгарија. Втор дел од приказната за "сите нас". Во тој момент кога ќе сфатиме дека и победата, поразот и понекогаш (за жал) и неправдата се дел од спортот и дека ни треба за "толку" да бидеме подобри од ривалот, ќе бидеме подготвени не само да се појавуваме туку (како Хрватска) да бидеме таму каде што се решава и за медалите. Мене лично жал ми е што работата на еден добар тренер, (Демировиќ) и неговите момци (Тахировиќ, Стојановиќ, Торомановиќ) е фрлена под нога.

С$ освен победата на Русија над "браќата" Белоруси или на Шпанија над Грција или Норвешка над Украина или, пак, на Полска над Швајцарија ќе беше повеќе отколку изненадување. Така што, само попатен коментар дека Шпанија без Рутенка и Штербик не е екипа за голем дострел иако се добар тим. Дека моите момци (Швајцарија) на последниот меч на кој ги предводев покажаа одлична 3:2:1, која е за жал се помалку играна, дека со големо срце и контранапади може и еден тим каков што е денеска Полска да остане 13 минути без постигнат гол.

Ne sum pijan, samo lezam na zemja i se raduvam....
Кон врв
гoстин Кликни и види ги опциите
Сениор
Сениор


Регистриран: 29.Февруари.2008
Статус: Офлајн
Поени: 7557
Опции за коментарот Опции за коментарот   Благодарам (0) Благодарам(0)   Цитирај гoстин Цитирај  Внеси репликаОдговор Директен линк до овој коментар Испратена: 20.Јуни.2008 во 18:02
Imame golema shansa za da ja pomineme grupata prvite 4 od 6 ekipi odat napred. kako sto rece temelkovski da se izbegnat rusija i srbija i mislam imame mnogu golemi shansi i ako srbite posleden pat gi pobedivme...

Кон врв
гoстин Кликни и види ги опциите
Сениор
Сениор


Регистриран: 29.Февруари.2008
Статус: Офлајн
Поени: 7557
Опции за коментарот Опции за коментарот   Благодарам (0) Благодарам(0)   Цитирај гoстин Цитирај  Внеси репликаОдговор Директен линк до овој коментар Испратена: 22.Јуни.2008 во 00:37
Grupite na SP vo hrvatska...

A: Francija, Ungarija, Slovacka, Romanija, Pan Amerika2, Avstralija

B: Hrvatska, Svedska, Spanija, Juzna Koreja, Kuvajt, Pan Amerika3

C: Germanija, Polska, Makedonija, Rusija, Tunis, Alzir

D: Danska, Norveska, Egipet, Pan Amerika1, Srbija, S.Arabija


Mnogu jaka grupa ni se padna ali mozno e.....Napred Makedonija

Кон врв
 Внеси реплика Внеси реплика страница  <1234 18>
  Сподели тема   

Скок до Овластувања Кликни и види ги опциите

Forum Software by Web Wiz Forums® version 10.03
Copyright ©2001-2011 Web Wiz Ltd.

Страницата е генерирана за 0,184 секунди.