IDIVIDI forum Веб сајт
почетна страница почетна страница > Спорт > Кошарка и ракомет
  Активни теми Активни теми RSS - РАКОМЕТ - новости
  најчести прашања најчести прашања  Пребарувај форум   Настани   Регистрирајте се Регистрирајте се  Влез Влез

РАКОМЕТ - новости

 Внеси реплика Внеси реплика страница  <12345 18>
Автор
Порака
Eli Кликни и види ги опциите
Сениор
Сениор
Лик (аватар)

Регистриран: 30.Ноември.2007
Локација: Macedonia
Статус: Офлајн
Поени: 1968
Опции за коментарот Опции за коментарот   Благодарам (0) Благодарам(0)   Цитирај Eli Цитирај  Внеси репликаОдговор Директен линк до овој коментар Испратена: 22.Јуни.2008 во 21:36
Leleee kaj ni se pogodi ovaa grupa..bas tie so ne trebase..Germanija svetski prvak,Rusija jaka,Polska igrase u finaleto so Germanija..edinstvenoto dobro e so prvite natprevari gi igrame so Tunis i Alzir,pa ako gi pobedime mozeme da ideme valjda ponatamu..taka bar ko da cuv deka kazuvase Borko vo edno intervju..
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 23.Јуни.2008 во 23:25

МАКЕДОНИЈА ГИ ДОБИ ПРОТИВНИЦИТЕ ЗА ПРЕЛИМИНАРНАТА РУНДА НА МУНДИЈАЛОТ КОЈ ЌЕ СЕ ОДРЖИ ВО ХРВАТСКА

Македонија во најсилната група!

Актуелниот светски првак, Германија, актуелниот светски вицепрвак, Полска, африканскиот вицепрвак, Тунис, селекцијата на Алжир и екипата која веројатно никој никогаш не ја сакал за противник - Русија, се противниците на Македонија на 21. Светско првенство во ракомет.

Секоја ждрепка си има свои правила, по секоја од нив еден дел од учесниците завршува со насмевки, другиот со стиснати заби. Во секое натпреварување по правило се издвојува една група. Група која учесниците ја нарекуваат група на "смртта", а другите се задоволни со фактот дека не се таму.

Македонија на своето второ учество на светско првенство влетува директно во групата на "смртта". Тешко дека можеше потешко од оваа група да се падне, иако лесно нема. Место да се гледа на ова како на лоша ждрепка, подобро е да се гледа како на можност да се докаже квалитетот.

Но, за да бидеш "голем" треба да играш и да ги победиш поголемите од себе. Единствено тоа се вреднува на вистински начин. С$ друго е маскирање, затскривање.

Македонски ракометари покажаа дека можат да им парираат на големи и познати. Не само што го елиминираа Исланд, туку со ред имаат победено на последните три натпревари, три учесника на следните Олимписки игри (Бразил, Египет, Исланд).

Во јануари ќе ги дочекаат нови противници, против кој е секогаш посебна мотивација да се игра на мундијал.

Легендарниот "бркајлија" Хајнер Бранд и неговата Германија се најзвучното име во моментов во групата "Ц". Актуелен светски првак, тим кој во Хрватска ќе брани и ќе брка злато.

Добро позната екипа, со тоа што се очекува по Пекинг, конечно, панцирот да го соблечат Маркус Баур, Кристијан Шварцер, Хенинг Фриц и да им ја остават контролата над тимот на играчите кои важат како исклучително квалитетни, но не докажале дека можат сами да ја носат Германија. Имињата се познати, тоа ќе бидат Паскал Хенс, Холгер Гландорф, Михаел Крауз... За нивната игра не мора премногу да се коментира. Всушност и брзиот центар беше практично измислен за натпреварите во нивното првенство да станат поинтересни.

Покрај актуелниот светски првак, Македонија ќе мора и против актуелниот светски вицепрвак, тоа е Полска.

Тим кој практично "експлодира" во 2007 година, под водство на Богдан Вента. Тој конечно успеа да ги вклопи Полјаците, да им го најде вистиското место и вистинската игра. Дел од овој тим е мошне добро познат на македонските ракометари. Посебно нивниот најдобар играч, Карол Биелецки. Тој беше дел од полската јуниорска репрезентација која стана европски првак. Тоа им успеа откако во полуфиналето ја победија Македонија по две продолженија и тоа откако двапати утнувавме пенал во последната секунда. Тогаш, на нивни терен не беа подобри од нас, но разликата од играњето во Бундес-лигата и во македонското првенство доведе до тоа тие да се светски вицешампиони, а ние како историски успех да славиме пласман на мундијал.

Единствената репрезентација која има освоено с$ што може да се освои и која веројатно никој и никогаш не ја посакувал за противник е Русија. Но, за тоа во каква група сме доволно кажува фактот што сега Русија изгледа како противник против кого се може. Навистина, Растворцев и Игропуло не се Кудинов и Тучкин, ниту, пак, Костјугов е Лавров, но оваа руска репрезентација е с$ само не противник за потценување.

Најавената оставка на Максимов може да донесе олеснување кај нивните противници. Најмногу затоа што тој е творецот на овој тим и тој најдобро знае како треба да се постапува со играчите.

Кога ќе се спомене Тунис веднаш едно име отскокнува од с$ друго. Висем Хмам, левиот бек на францускиот Монпеље. Хмам е најдобриот стрелец од СП кое се одржа 2005 година и е ракометар кој не го сака ниту една одбрана. Африканците се традиционално незгодни противници поради нивниот стил на игра. Таканаречена "дива" одбрана, длабока формација, агресивни до раб (па и преку него) на грубост, одлични шутери - напаѓачи. Сеедно, на хартија послаби од претходните три и добро е што со нив играме на првиот натпревар, кога условно ќе бидеме најсилни.

Единствено убаво во врска со противникот од шестиот шешир, Алжир, се нивните резултати од олимписките квалификации. Порази од 39:12 од Русија, 37:26 од Хрватска и 38:27 од Јапонија. Тоа ги прави аутсајдери и веројатно единствениот противник против кого ќе можеме да се опуштиме и да запишеме сигурна победа.

Р. Ѓамовски

ГРУПА "А"

Франција

Унгарија/БиХ

Словачка

Романија

Пан Америка 2

Австралија

ГРУПА "Б"

Хрватска

Шведска

Шпанија

Ј. Кореја

Кувајт

Пан. Америка 3

ГРУПА "Ц"

Македонија

Германија

Полска

Русија

Тунис

Алжир

ГРУПА "Д"

Данска

Норвешка

Египет

Пан. Америка 1

Србија

С. Арабија

РУСИЈА БЕЗ СЕЛЕКТОР ПО ОИ ПЕКИНГ

Максимов поднесе оставка!

Легендарниот руски тренер Владимир Максимов го информираше ракометниот сојуз на Русија дека по завршувањето на Олимписките игри во Пекинг ќе поднесе оставка на позицијата селектор.

Причина за овој потег не се презаситеноста или неамбициозноста, туку едноставно парите.

"Јас како селектор добивам плата од 11 000 рубљи (нешто повеќе од 20 000 денари), а во клубот толкава плата имаат мојот помошник, докторот и физиотерапевтот. Во современиот свет тоа е малку. Четиригодишниот договор истекува и по завршувањето на ОИ ја напуштам репрезентацијата", стои во изјавата на Максимов објавена на официјалниот сајт на рускиот ракометен сојуз.

ХАЈНЕР БРАНД (СЕЛЕКТОР НА ГЕРМАНИЈА)

Првакот не смее да се жали

"Не е убаво што толку рано ќе мораме да играме со Полска. Русија исто така е силен тим. Но, ние сме прваци и не смееме да гледаме на тоа кој колку е силен. Едноставно, кој и да е, ние ќе мораме да се пласираме во следната рунда", е коментарот на Хајнер Бранд за епилогот од ждрепката.

Потпретседателот на германската федерација, Хорст Брендмајер, со ист став.

"Групата не е тешка само на прв поглед. Полска и Русија се репрезентации во налет. Македонија ја сметам за силна штом го елиминираше Исланд. Освен тоа тие ќе можат да сметаат во Хрватска и на голема поддршка од навивачите", изјави Брендмајер.

ГОРАН ЃОРГОНОСКИ

Можеме до вториот круг

"Добивме тешки противници во групата, но тоа впрочем и се очекува кога се оди на светско првенство. Најнезгодно ќе биде со Тунис и Алжир поради начинот на игра, со длабоки одбрани и многу трчање. Мислам дека најдобро ќе играме со Германија и се надевам дека ако сме сите здрави и максимално подготвени можеме да поминеме во вториот круг.

Фаворити се знае, Германија и Полска, а ние Русија и Тунис ќе го бркаме третото место", изјави Ѓоргоноски.

Ѓоргоноски инаку имаше успешна операција на менискус и за околу три недели, ако е с$ како што треба, би требало да почне со тренинзи.

ВАНЧО ДИМОВСКИ

Сe се решава во првото коло

"Да биравме најтешка група пред ждрепката, веројатно ова ќе беше помалку или повеќе тоа. Позитивен е распоредот. Првите две средби ги играме со Тунис и Алжир. Така може да се случи да бидеме единствената репрезентација која во 3. коло ќе влезе со 4 бода. Тогаш с$ ќе биде можно. Сега мораме да се фокусираме за тој дуел со Тунис. Мораме да бидеме максимално подготвени и да победиме за да можеме подоцна да бркаме пласман во втората рунда", изјави Димовски.

ИЛИЈА ТЕМЕЛКОВСКИ (СЕЛЕКТОР НА МАКЕДОНИЈА)

Ќе имаме што да кажеме

Добро познати имиња, тешка група. Играме со првиот и вториот од последното првенство, Германија и Полска. Русија е Русија, иако малку заостанува во резултатски поглед зад неколку репрезентации во последниве години. Но, за нас е Русија е си е и име и квалитет, иако веројатно можеби токму таму ни е шансата. Тунис и Алжир. Мораме да ги совладаме нив и да дојдеме до позиција да играме за пласман во втор круг. Нема кукање, нема плачење. Тешка група, нормално, светско првенство е, нема лесно. Овие играчи покажаа дека имаат квалитет, дека можат да се носат со позвучни репрезентации. Со добри подготовки, добри спаринг натпревари, мислам дека ќе имаме што да покажеме во Хрватска", изјави селекторот Темелковски.

ПРОМОВИРАНА МАСКОТАТА НА МУНДИЈАЛОТ

"Гасеницата" заштитен знак

Заштитниот знак на хрватската ракометна репрезентација, познатата "гасеница" , потегот кој го прават по секоја (важна) победа нивните е официјалната маскота на мундијалот.

Гасеницата беше за првпат официјално промовирана на денот на извлекувањето на групите.

ПРЕЛИМИНАРНЕН РАСПОРЕД НА НАТПРЕВАРИТЕ

Стартуваме со Тунис

Веќе е објавен прелиминарниот распоред на натпреварите на првенството. Македонија првиот меч ќе го игра со Тунис, последниот со Русија. Сето ова, нормално, треба да биде и официјализирано и потврдено од ИХФ, исто како и градот во кој ќе се игра. Засега се знае само дека тоа нема да биде Сплит. Таму ќе игра Хрватска, која е во групата "Б".

Распоред на натпреварите

17.01.09 Македонија - Тунис

18.01.09 Македонија - Алжир

19.01.09 Македонија - Полска

21.01.09 Македонија - Германија

22.01.09 Македонија - Русија

СЕ УШТЕ НЕ СЕ ДОГОВОРЕНИ ГРАДОВИТЕ ДОМАЌИНИ

Најверојатно во Вараждин

Иако се уште не е одредено која група во кој град ќе игра (освен група "Б" во Сплит), неофицијално се зборува дека групата "Ц" во која ќе игра Македонија ќе се игра во Вараждин. Градче од околу 60.000 жители кое се наоѓа во северозападниот дел на Хрватска.

Салата е во изградба, засега се вика "градска сала", а ќе има капацитет од 4000 седишта. Тоа е една од помалите Сали во кои ќе се игра првенството, поточно помала од неа е единствено спортскиот центар во Пореч, кој има може да прими 3.500 гледачи.

Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 24.Јуни.2008 во 16:28
..

ЖЕНСКАТА ЈУНИОРСКА РЕПРЕЗЕНТАЦИЈА НА МАКЕДОНИЈА ПО НАПОРНАТА СЕДМИЦА ВО НЕГОРСКИ БАЊИ

Формата допрва ќе се темпира

По вчерашниот ден одмор, јуниорските репрезентативки и денеска ќе имаат можност да одморат по напорната недела која ја имаа во Негорски бањи. Ракометарките се подготвуваат за она што ќе следува во текот на следните денови кога тренинзите продолжуваат, но темпото полека ќе се засилува бидејќи до почетокот на Светското првенство останува помалку од еден месец.

"Веќе утре ќе продолжиме со тренинзите, а планот е да тренираме три дена, пред репрезентативките да добијат уште два дена за одмор. Ќе работиме во Скопје, а потоа од понеделник се селиме во Виница каде што ќе ја имаме втората фаза од главните подготовки за Светското првенство", вели селекторот на нашата јуниорска селекција, Новко Георгиевски.

Во досегашниот дел од тренинзите јуниорките одработија повеќе од еден месец во Скопје каде што имаа вовед за овие подготовки кои стартуваа минатиот понеделник во Негорски бањи. Таму се тренираше една недела и беа одработени вкупно 12 тренинзи.

"Девојките полека влегуваат во форма. И на овие тренинзи се виде дека многу недостигаше работата во клубовите. Затоа, темпото со коешто работевме не беше најсилното туку трениравме со доволно силен ритам за да може да го одработиме тоа што го планираме. Сепак, сметам дека ќе имаме доволно време до почетокот на Светското првенство да го постигнеме она што го сакаме и да ја постигнеме посакуваната форма".

Од целиот претстој во Негорски бањи и од условите коишто се имаа за работа во стручниот штаб се максимално задоволни. Тоа беше показател дека се имаше сето она што е потребно за нормална работа.

"Ги имавме сите услови за да можеме да работиме онака како што имаме замислено. С$ што посакавме и го добивме, така што с$ беше на ниво. Во последните 2-3 дена времето не ни беше наклонето бидејќи беше премногу топло, но успеавме да го пребродиме и тоа и да ги одработиме планираните тренинзи. Покрај одличните услови, имавме и голема помош од медицинскиот центар каде што ракометарките можеа да одат на прегледи, а воедно и да бидат правени терапии, кај оние девојки кај кои беше потребно тоа", заврши Георгиевски.

Во следниот период сите тренинзи ќе се насочуваат кон создавањето на играта за Светското првенство. Веќе се почна со ова и во Негорски бањи, но се очекува во Виница да бида вистинското бидејќи за следната недела се предвидени и првите контролни натпревари.

Првиот меч треба да се одигра на 4 јуни, а вториот два дена подоцна. Тоа ќе се случува во седмицата кога ракометарките ќе тренираат во Виница, а противник треба да биде екипата на Роман од Романија. Дури тогаш ќе може да се дадат првите вистински коментари за тоа колку јуниорките се подготвени бидејќи досега само тренираше.



ПО МАГНЕТНАТА РЕЗОНАНЦА КАПИТЕНОТ ДОБИ ПОЗИТИВНИ ВЕСТИ

Мала повреда кај Георгиевска

Капитенот на женската јуниорска репрезентација, Елена Георгиевска, по обновената повреда на тетивата вчера изврши снимање со магнетна резонанца. Наодите по прегледувањето на снимките даваат позитивни вести според кои таа ќе може да им се приклучи на тренинзите на своите колешки веќе за неколку дена. Се работи само за мала повреда бидејќи од ударот има воспалување на тетивата. Тоа е стара повреда која, за среќа, предизвика само мал проблем, па капитенот продолжува да тренира.

Играњето на Георгиевска е од голема важност бидејќи таа во овој состав има најголемо искуство. Зад себе веќе има настап на неколку големи натпреварувања во сениорска селекција што ќе биде од голема помош за средбите кои ќе претстојат на Мундијалот од 21 јули до 3 август.

Николовска ќе одмори уште некој ден

Десното крило Симона Николовска и натаму има проблеми со повреденото колено. Таа доби повреда при тренинг уште додека се работеше во Скопје, па мораше да мирува.

Сепак, не се работеше за нешто посериозно, па таа продолжи со работа во Негорски бањи. Таму одново почувствува болки, па вчера беше направено снимање со магнетна резонанца и кај неа. Наодите покажуваат дека ќе мора да мирува барем уште една седмица во која ќе бидат правени терапии за да може во вистинско време да се врати во составот пред почетокот на Мундијалот.



Изменето од blueprayer - 24.Јуни.2008 во 16:42
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 25.Јуни.2008 во 16:57

КОНЕЧНО, УБАВИ ВЕСТИ ОД ТАБОРОТ НА ЖЕНСКИОТ ШАМПИОН

Крижанац потпиша за Кометал

Ана Крижанац, хрватскиот репрезентативен голман, е првото странско засилување за екипата на Кометал Ѓ. Петров годинава. Со тоа е пробиен ледот и конечно можат да здивнат фановите на клубот, кои се нетрпение очекуваа нешто да почне да се случува.

"Крижанац потпиша договор на две години. Овде е, во Скопје, имавме можност да разговараме и да се договориме", изјави претседателот на клубот, Иван Бојков.

Таа беше голман на Хрватска на Светското јуниорско првенство во Македонија, мундијал на кој Хрватките финишираа на третото место.

Крижанац, иако не беше прв избор на Јосип Шојат на мундијалот во Франција (Грубишиќ и Јелчиќ се првите два голмани во моменот), важи за еден од најталентираните голмани. Беше дел од репрезентацијата која играше на контролните натпревари со Македонија во Скопје, како и на далеку поважните, квалификациите за ОИ Пекинг кои се играа во Германија.

Со овој ангажман Кометал реши еден проблем во конструкцијата на тимот. Ова беше неопходно, откако клубот не се договори со Тања Андрејева за продолжување на соработката. Имаше шпекулации за ангажман на Дијана Наумоска или Александра Стојков за чувари на мрежата, но тоа немаше реализација.

Во меѓуверме клубот имаше разговарано со менаџери кои си ја работеа својата работа и бараа засилувања какви што Кометал Ѓ. П. бара.

25-годишната голманка на Трогир ќе има шанса да покаже колку може и тоа во најсилната конк*ренција, во Лигата на шампионите.

Со ова е направен само еден чекор, Кометал има уште долг пат да мине додека состави екипа кадарна да го брани рејтингот на клубот во евро-елитата. Но, битно е што тргна, наскоро очекуваме и други засилувања и пред с$ финиширање на преговорите со двете репрезентативни крила на Македонија, Радуловиќ и Пецевска.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 25.Јуни.2008 во 16:57

НАЈДОБРИОТ СТРЕЛЕЦ ВО НАЦИОНАЛНИОТ ШАМПИОНАТ ЗАМИНУВА ВО БЕЛГИЈА

Тасевски потпиша за Тонгерен

Убедливо најдобриот стрелец во македонскиот шампионат (303 гола), Владимир Тасевски од Преспа одново ќе биде интернационалец.

Десноракиот бек следната година ќе игра во екипата на Тонгерен од Белгија. Слаба лига, каде што сигурно ќе доминира и ќе биде од огромна помош за овој тим кој се обидува да ја симне екипата на Сашја (можен противник на Металург во квалификациите за ЛШ) од тронот.

За Тасевски заминувањето во Белгија нема да биде прво интернационално искуство. Претходно една полусезона имаше минато во италијанскиот Алпи Прато, а по тоа накратко замина и во Дубаи.

Тоа беа трансфери кои беа реализирани во "последен" момент, како екстра засилувања за главните натпревари на споменатите тимови.

Договорот со Тонгерен, сепак, е нешто поинаков.

"Договорени сме на една година, со можност доколку по тоа бидеме задоволни од соработката да продолжиме на уште една. Задоволен сум од условите и сега ми останува само да излезам на крај со формалностите за вадење виза и да стартуваме со подготовките", изјави Владимир Тасевски.

Заминувањето на Тасевски сигурно ќе биде голем удар за екипата на Преспа, каде беше лидер на тимот и ја предводеше екипата до четвртото место во Супер-лигата минатата сезона.
Ne sum pijan, samo lezam na zemja i se raduvam....
Кон врв
гoстин Кликни и види ги опциите
Сениор
Сениор


Регистриран: 29.Февруари.2008
Статус: Офлајн
Поени: 7557
Опции за коментарот Опции за коментарот   Благодарам (0) Благодарам(0)   Цитирај гoстин Цитирај  Внеси репликаОдговор Директен линк до овој коментар Испратена: 26.Јуни.2008 во 19:29
"ЦРВЕНО-ЦРНИТЕ" НАЈДОА ОДЛИЧНО РЕШЕНИЕ ЗА ГОЛМАНСКАТА ПОЗИЦИЈА

Косановиќ ќе го брани Вардар

Српскиот интернационалец Милан Косановиќ следната сезона ќе ги брани боите на екипата на Вардар Про.

Српскиот голман во Македонија доаѓа од најсилната лига на светот - Бундес лигата. Таму има настапувано за екипите на Балинген и за тимот на Минден. Потекнува од Ниш и нормално, има настапувано за екипата на Југоптерол Железничар.

Со оваа аквизиција на Вардар решени се практично сите дупки во "црвено-црниот" тим и евентуално што би можеле да ангажираат како финално засилување би бил играч од позицијата десен бек.

Косановиќ има зад себе одлични настапи во Бундес-лигата, има 27 години и треба да му до донесе на Вардар тоа што минатата сезона не му појде од рака на Марио Блажевиќ.

Според досега направените потези на управите на нашите два најсилни тима, следната сезона ќе гледаме ако не поинтересно од ланското (резултатски, тешко дека повторно ќе има 3 нерешени и ќе решава само 1 гол), тогаш сигурно поквалитетни пресметки во шампионатот меѓу Вардар и Металург. Исто така, двата најдобри македонски клуба годинава би требало да бидат и многу поуспешни во Европа. Улогите се сменети, а Металург ќе треба да брка главна фаза од ЛШ, а Вардар 1/2 финале во КПК, резултати кои би ги израмниле најуспешните остварувања на македонскиот клупски ракомет досега.

Кон врв
гoстин Кликни и види ги опциите
Сениор
Сениор


Регистриран: 29.Февруари.2008
Статус: Офлајн
Поени: 7557
Опции за коментарот Опции за коментарот   Благодарам (0) Благодарам(0)   Цитирај гoстин Цитирај  Внеси репликаОдговор Директен линк до овој коментар Испратена: 26.Јуни.2008 во 19:43
Македонија во Вараждин

Вараждин ќе им биде домаќин на нашите најдобри ракометари во првата фаза од Светското првенство 2009 во Хрватска. Овој град на северот на Хрватска (50.000 жители) ќе ги нагости селекциите од Ц-групата, па тамошните љубители на ракометот ќе имаат можност на дело да ги видат светските прваци и вицепрваци, Германците и Полјаците, како и Русите, Тунижаните и Алжирците. Својот прв меч Македонија го игра на 17 декември против Тунис.
Сите шест града што се избрани за домаќини на средбите од СП добија или ќе добијат нова сала. Новото спортско здание во Вараждин може да собере 4.000 гледачи и само салата во Пореч има помал капацитет - 3.500.
Во случај да се пласираат меѓу трите најдобри селекции во групата, избраниците на Илија Темелковски ќе се преселат во Задар за средбите од втората фаза. Доколку бидат елиминирани, продолжуваат да разигруваат за пласман од 13. до 24. место, а натпреварите од тн. Претседателски куп се играат во Пореч и Пула.

Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 27.Јуни.2008 во 16:32

МАКЕДОНСКИОТ ИНТЕРНАЦИОНАЛЕЦ ЈА СМЕНИ СРЕДИНАТА ВО ПОТРАГА ПО МИНУТАЖА

Петровски позајмен во Рингстед

Македонскиот интернационалец Михајло Петровски останува во Данска, но ја менува клупската средина и следната сезона ќе настапува за екипата на Рингстед.

Петровски во Рингстед заминува од екипата на Архус, а причината поради која се сели во овој клуб главно се сведува на желбата на Петровски да добива поголема минутажа, нешто што екипата на Архус во овој момент не може да му го пружи.

"Петровски е одличен играч и одличен човек, секогаш е 100 насто лојален и 100 насто подготвен да & помогне на екипата. Ние никако не сакаме да му застанаме на патот на неговиот развој како играч и среќни сме што најдовме решение од кое задоволни ќе можеме да бидеме сите", изјави Хенрик Јакобсен, директорот на Архус за данскиот весник "Екстра Бладет".

Преминувањето на Петровски го коментираа и од неговиот нов клуб.

"Многу ме интересира како ќе се вклопи Петровски во мојот клуб. Сакам да видам и очекувам да внесе новини во нашата игра затоа што се работи за играч кој доаѓа од балканските простори, тие се поинакви, а нам тоа во моментов ние е потребно. Сигурен сум дека добро ќе се снајде во нашиот тим кој е составен исклучиво од млади и талентирани играчи", изјави Мик Хагенбо, тренерот на Рингстед.

Михајло Петровски е десен бек, левак и важи за еден од најголемите македонски таленти. Хендикеп за него е што игра на позицијата за која во репрезентација местото во првата постава е резервирано за Кирил Лазаров, а тука се уште и Влатко Митков, Лазо Мајнов.

За стартот на ланските квалификации, во моментите кога од повеќе причини македонската репрезентација "кризираше" со десни бекови, селекторот Темелковски се сети на него, но предоцна. Петровски веќе имаше закажано операција на коленото и не можеше да одговори на овој повик. За СП Хрватска мора да биде во некаква комбинација, а дали ќе биде еден од патниците, ќе покаже времето.

Како играч на Пелистер беше еден од најдобрите во првенството. Од Битола се пресели во Романија, во екипата на Констанца. Таму остана една сезона, а по тоа замина во екипата на Архус. Со нив потпиша двегодишен договор, одигра една сезона која директорот Јакобсен во изјавите за весникот ја оцени како "добра сезона", но Архус доведе неколку засилувања и дански таленти, па конк*ренцијата стана таква што реално беше да се очекува Петровски да добива помала шанса.

Решението беше едноставно, позајмица во клуб каде ќе може да игра и напредува. Рингстед беше тимот кому му беше потребен десен бек откако нивната ланска солуција, Мадс Кристијансен, потпиша за Копенхаген.

Во секој случај, добар развој на настаните за Петровски, кој сега ќе има вистинска шанса да го покаже својот талент и квалитет во данската лига.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 27.Јуни.2008 во 16:33

ДЕСНОКРИЛНИОТ РАКОМЕТАР ОСТАНУВА ВО БИТОЛА

Марковски се договори со Пелистер

Пелистер од Битола, еден од најзвучните македонски клубови, полека влегува во фазата на формирање на екипата и правење на плановите за следната сезона.

Иван Марковски, деснокрилниот ракометар, се договори со клубот за продолжување на соработката и за следната сезона. Нормално, доколку му се укаже шанса да замине некаде во странство, клубот нема да му прави проблеми да замине.

"Се договоривме со Пелистер за соработка и задоволен сум. Ако се остварат најавите, ќе имаме тим далеку посилен од лани", изјави Марковски.

Пелистер разговара со повеќе играчи, засега освен со Марковски нема друго конкретно. Освен тоа дека ланската варијанта Александар Зарков да се врати нема да се исполни затоа што тој потпишал за тим во втората лига во Грција.

Сепак, има реални шанси работите за битолчаните да тргнат на арно.

Деновиве се очекува разврската за тренерската позиција. Три кандидати се издвојуваат како најсериозни. Тоа се Михајло Силјанов, Цане Крстевски и Борче Марковски. Во конк*ренција е и Боро Чурлевски, меѓутоа премногу рано е да се зборува за тоа колкави се шансите на овие тренери да ја преземат диригентската палка во Пелистер.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 01.Јули.2008 во 17:12

ДЕНЕСКА, СО ЖДРЕПКАТА ЗА КВАЛИФИКАЦИИТЕ, ПОЧНУВА ЕВРО-СЕЗОНАТА ЗА МАКЕДОНСКИОТ ПРВАК

Само еден непосакуван, Бенфика

Металург денеска ќе го дознае противникот во квалификациите за Лигата на шампиони. Во петок, одново ждрепка за ЛШ, за прватат фаза, натпреварите по групи. Противниците за ЛШ, во петок ќе ги дознае и Кометал Ѓ. П.

Евро-сезоната за двата македонски шампиони, Металург и Кометал Ѓ. П., стартува неделава.

За Металург, веќе денеска, со ждрепката за квалификациите за пласман во прелиминираната фаза на натпревари по групи. За Кометал во петок, тогаш ќе ги дознае имињата на противниците во групата женскиот првак, додека Металург, истиот ден (4 јули) ќе знае што ќе го чека во рундата "групи" во случај да избори пласман.

Првите работи, прво, а тоа е денешната ждрепка. Металург, осносно, Македонија во вкупниот ранкинг за Лигата на шампионите за сезонава се наоѓа на 27 место. Три места подоле од крајната граница за директен пласман во фазата на групи.

Според последната поделба која ја направи ЕХФ, во квалификациите ќе играат 16 екипи, кои се поделени во 4 т.н. шешири. Металург е во првиот заедно со екипите Брегенц од Австрија, Стеауа од Романија и тимот кој влезе со вајлд карта (по откажувањето на Бањик), Рајн Некар Ловен од Германија. Металург ќе добие противник од четвртиот шешир. Таму се наоѓаат четирите екипи кои имаат најнизок ранкинг во Лигата на шампионите, но таму се и две имиња кои ја прават оваа четворка посилна отколку на пример екипите од третиот.

Се би било далеку поубаво денеска доколку во последниот шешир не е сместен првакот на Португалија, Бенфика од Лисабон. Португалците се исклучително незгоден противник, силна екипа и единствената причина што Португалије е толку ниско рангирана се должи на проблемите, односно, судирот кој пред некоја година го имаа португалските екипи со португалската федерација. ЕХФ тогаш ги суспендираше, тоа се одрази на нивниот рејтинг и оваа е трета година што играат како едни од најслабо рангираните.

На двапати веќе се обидоа да се пласираат во групите на ЛШ и на двапати не успеаја. Пред две сезони Металург ја елиминираше Брага во нивниот прв обид за кам-бек по суспензијата, а следната сезона одново Брага се обиде, но налета на Барселона. Тогаш Каталонците влегоа со вајлд карта во ЛШ затоа што Грците (Панелиниос) се повлекоа. Беа пратени во квалификациите (исто како и Рајн Некар годинава) а најголем малер во ждрепката беше спомената Брага.

Доминацијата на Брага во португалскиот шампионат заврши, Лисабон, односно Бенфика сега е главнот центар, откако со 3:1 во плеј оф доигрувањето го симнаа бранителот од тронот. Лани играа во Челенџ Купот и стигнаа до полуфиналето, каде беа елиминирани од актуелениот освојувач Ресица од Романија.

Три релативно познати имиња можат да се сретнат во нивниот состав. Ги гледавме во дресот на Португалија на квалификациите со Македонија. Тоа се нивниот најдобар играч и стрелец Карлос Карњеиро (најдобар играч во португалското првенство), по тоа Луис Нуњеш и Педро Џеронимо. Засилени се со тројца странци, Павел Цинчук, Белорусин кој има и португалски пасош, по тоа Украинецот Артем Кубида и Русинот Георги Зајкин. Овие шестмина ја прават Бенфика исклучително незгодна и најубаво би било денеска некој друг, а не Металург, ја добие за противник.

Измир од Турција го немаше на ракометната карта досега, но сезонава со само три порази во националниот шампионат, ги минаа Мерсин, Мили Пјанго, Бешикташ, Трабзон и другите далеку попознати имиња.

Во нивниот состав за следната сезона (засега) нема странски имиња, но има неколку добро познати турски репрезентативци. Ченгиз Хатирназ е нивниот предводник, ракометар кој неколкупати има играно против Македонија и со репрезентација и на клупски натпревари.

Измир не е противник од кого Металург би требало да се плаши, во никој случај не смее да ги потцени. Сеедно, далеку подобар избор би бил од Банфика, но последните два клуба во шеширот се тие кои би било најубаво да се добијат за противник.

Иако од лани зад името на Дуделанж стои еден "голем" резултат, тимот од Луксембург е еден од најпосакуваните екипи. Минатата година оваа екипа го елиминираше Ловќен од Цетиње во првото коло од Купот на ЕХФ! Навистина, Црногорците беа екипа која се распаѓаше на секој чекор, но сепак, името си е име, а Дуделанж имаше и што да запише во клупската историја. Веднаш по тоа налетаа на Мадеира од Португалија (каде играше Горан Кузманоски) и беа приземјени, иако на реваншот и нив ги совладаа со 6 разлика (двете средби се играа во Луксембург, а на првиот меч загубија со 11 гола разлика). Имаат дури пет интернационалци. Французинот Камел Амеда, Словаците Петер Затко и Љубош Зас, Португалецот Фабио Мачадо и Исланѓанецот Бјорн Холмторсон. Но, тоа се интеранционалци кои немаат вистинско педигре и овој тим може да смета на сигурна елиминација со кого и да треба да игра во квалификациите. Се надеваме, дека тоа ќе биде Металург.

Ако за луксембуршкиот Дуделанж можеме да кажеме дека е лесен противник, тогаш Сашја би требало да биде вистинско "мезенце" за Металург во квалификациите. Шампионот на неракометна Белгија би бил најубавото загревање за Металург пред стартот на сезоната. Македонија неколкупати има игра со Белгија во квалификациите, а од нивниот национален тим во дресот на Сашја од "позвучните" се крилата Класенс и Ламури и нивниот најдобар играч, десниот бек Иван Копљар. Тим кој по сите параметри би требало да биде (пре)лесен за минување. Немаат (засега) странци во екипата, освен Копљар кој има хрватско потекло.

Ждрепката ќе се одржи денеска во Виена, со почеток во 11:00 часот. Натпреварите од квалификациите се предвидени да се играат на 6/7 септември и една недела подоцна.

Металург би можеле мирно да го прогласиме за патник во фазата по групи, ако добие кого било освен Бенфика. Затоа и ќе му биде поребна среќа денеска на македонскиот шампион.

ЕХФ останува многу слаб кога е во прашање информирањето, па дури ни на ден до ждрепката немаше детално (формално) објаснување за тоа како ќе биде извршена. Германските медиуми во меѓувреме го проширија списокот на можни противници (за Рајн Некар) и на третиот шешир. Таму се за потсетување Ц. Звезда од Србија, Гранитас (Литванија), Полва Сервити (Естонија) и Кипрус Колеџ од Кипар. Ако се случи денеска место четири, сепак, да бидат само два шешири, тогаш и овие екипи се можни противници на Металург. Генерално, според имињата ништо битно не се менува дури да биде и вака. Бенфика и натаму останува најнезгоден противник, а сите други би биле поволна ждрепка.

Добие ли Металург што посакува од ждрепката во Виена, тогаш ќе може да се фокусира на далеку поинтрересниот настан, ждрепката која во петок ќе биде извршена во Гетеборг.

Тогаш изборот ќе биде многу поинаков, но на прв поглед, се избегне ли Портланд од третиот шешир Металург би бил во најмала рака рамноправен во бтиката за третото место во група. Се добие ли на пример уште еднаш Цимос Копер (годинава е без голманот Тахировиќ) од вториот шешир или ослабениот Целје од првиот, тогаш амбициите би можеле да значително да пораснат и дури и да се брка најдобриот резултат во историјата на настапи на македонските екипи во најсилната конк*ренција.

Но, тоа веќе е во доменот на "кога би бирале", па така останува прво да се види исходот на лотаријата која ќе биде одржана денеска, а по тоа да се ќе се размислува за следната ждрепка.

Р. Ѓамовски

ЗВОНКО ШУНДОВСКИ, ТРЕНЕР НА МЕТАЛУРГ

Ако можам да бирам, би ја избегнал Бенфика


Тренерот на Металург, Звонко Шундовски, не очекува големи проблеми во квалификациите.

"Кој и да биде противник, со овој играчки кадар што го имаме, сме поквалитетни. Сепак, ако би можел јас да изберам, би ја одбргнал Бенфика. Другите три тима, се екипи кои секако би ги минале. Не знам, што друго да кажам. Да видиме што ќе се случи денеска, па ќе коментираме", изјави тренерот на Металург, Звонко Шундовски.

(Ждрепка, 4 јули)

Лига на шампиони

1. Носители


Сиудад Реал Шпанија

Кил Германија

Веспрем Унгарија

Монпеље Франција

Целје ПЛ Словенија

ФЦК Данска

Ч. Медведи Русија

Кроација О. Хрватска

2. Носители

Барселона Шпанија

Флензбург Германија

Пик Сегед Унгарија

Шамбери Франција

Цимос Копер Словенија

ГОГ Данска

Адемар Леон Шпанија

3. Носители:

Портланд СА Шпанија

Амичитија Швајцарија

Запорожје Украина

Висла Плок Полска

Хамарби Шведска

Босна БиХ

Татран Прешов Словачка

Драмен Норвешка

(Ждрепка, денеска)

Квалификации за ЛШ

1. Шешир:

Рејн Некар Ловен Германија

Стеауа Романија

Металург Македонија

А1 Брегенц Австрија

2. Шешир:

Хаукар Исланд

Дукас Грција

Брест Мешково Белорусија

Касарано Италија

3. Шешир:

Ц. Звезда Србија

Гранитас Каунас Литванија

Полва Сервити Естонија

Кипрус Колеџ Кипар

4. Шешир:

Измир Турција

Бенфика Португалија

Сашја Белгија

Дуделанж Луксембург

Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 07.Јули.2008 во 15:46

МЕТАЛУРГ ВО ПРВИТЕ ДВЕ КОЛА ЌЕ ИГРА СО ФАВОРИЗИРАНИТЕ ПРОТИВНИЦИ

ЛШ стартува со Кил во Скопје!

Доколку Металург го елиминира турскиот Измир во квалификациите за Лигата на шампионите, во групната фаза, на премиерното издание би го имал за противник Кил. Според "бергер" Металург во првото коло ќе игра дома. Веднаш по тоа гостува во Барселона.

Распоредот на македонскиот права не му оди од рака, затоа што на решавачките натпревари, со норвешкиот Драмен, прво ќе игра дома, во третото коло, а во последното гостува во Драмен.

Во женската Лига на шампиони, Кометал на стартот го пречекува Ѓер, а веднаш по тоа оди на непријатното гостување во Звенигород, каде што ќе се сретне со актуелниот европски првак, Звезда.

Доаѓањето на Кил не ги остава рамнодушни во Металург и без разлика што го имаат Измир пред себе, веќе се размислува за организацијата на натпреварите од групата.

"Пријавени се две сали, "Борис Трајковски" како главна и "Кале" како резервна варијанта. Веќе побарав средба со раководителите на новата сала, да видиме како тоа би се реализирало. Наша желба е да играме таму, но и "Кале" е опција", изјави потпретседателот на Металург, Филип Христов.

За ракометарите на Металург, исто така е голем предизвик со најпознатите европски ракометни екипи да играат во новата сала.

"Се надевам дека салата ќе биде полна и за нашите натпревари, исто како што беше и за дуелот на репрезентацијата со Исланд. Во таков амбиент, ќе можеме да се носиме со секого. Не најавувам изненадувања, но се надевам дека ќе успееме да ги израдуваме љубителите на ракометот во Македонија. Групата е таа, ќе играме со двете најпознати ракометни имиња, а за третото место ќе решаваме со првакот на Норвешка. Имаме шанси, ќе треба да го одработиме нашето", вели тренерот на Металург Звонко Шундовски.

Играчки, Металург останува во моментов на тоа што го има. Четири нови имиња ќе има во тимот. Тоа се голманот Данило Брестовац, крилото Владо Недановски и двата десни бека, Сергеј Погорелов и Милан Ивановиќ.

Р. Ѓамовски

ГИГАНТИТЕ НЕ РАЗМИСЛУВААТ ЗА ИЗНЕНАДУВАЊЕ

Задоволни и Барса и Кил

Претставниците на двата фаворити во групата "Ц", Барселона и Кил изразија задоволство од ждерпката.

"Не сакавме да играме со Кил толку рано, но сеедно. Пласманот во следната рунда не е загрозен, не очекуваме проблеми од Металург и Драмен", е изјавата на тренерот на Барселона, Маноло Каденас.

Сличен е контекстот на изјава на менаџерот на Кил, Уве Швенкер, со тоа што "зебрите" изразуваат задоволство што ќе играат во "супер-атрактивна" група.

БИТОЛЧАНИТЕ ЌЕ ДОБИЈАТ ТРЕНЕР

Пелистер решава денеска

Денеска ќе биде официјализирано кој ќе биде новиот тренер на Пелистер. Два дена состанчат членовите на управниот одбор на клубот, разговарано е и денеска само треба да биде соопштено името на тренерот.

Цанце Крстевски, Михајло Силјанов и Борче Марковски беа во најтесниот круг на кандидати. Можни се и комбинации (Крстевски и Силјанов), можно е да нема работа во дуо.

ПОДГОТОВКИ ЗА ОИ

Германија минимално со Египет

Германија, која е противник на Македонија во групата на мундијалот кој во јануари ќе се одржи во Хрватска, одигра контролен меч со Египет.

Победија Германците, минимално, 26:25. Египет кој пред нешто повеќе од еден месец беше поразен од Македонија, настапи засилен со Хусаин Заки кој не беше во Скопје. Најдобар стрелец за "фараоните", беше Ал Ахмар (6 гола) кој се уште е во комбинација за трансфер во Металург.

За Гермаците Јенсен со 7 погодци ја предводеше листата, а Гландорф и Климовец по 4 пати беа прецизни.

СЕ ОСТВАРИЈА НАЈАВИТЕ, СМЕНЕТ ЖЕЉКО КАВРАН

Хрватска со нов претседател

Хрватскиот ракометен сојуз има нов претседател, Санди Шола. Тој доаѓа на местото на Жељко Кавран кој 13 години успешно си ја вршеше својата работа. Но, во пресрет на мундијалот, дојде до судир на интереси внатре во федерацијата и УО реши да го смени и да постави нов човек.

Шола во своето прво интервју изјави дека нема да биде "фикус" во федерацијата. Останува да потврди дека нема да трпи притисоци.

ЛИГА НА ШАМПИОНИ - МАЖИ

Распоред група "Ц"

01/05.10.2008

1. Коло

Металург - Кил

Драмен - Барселона

08/12.10.2008

2. Коло

Барселона - Металург

Кил - Драмен

15/19.10.2008

3. Коло

Металург - Драмен

Барселона - Кил

05/09.11.2008

4. Коло

Металург - Барселона

Драмен - Кил

12/16.11.2008

5. Коло

Кил - Металург

Барселона - Драмен

19/23.11.2008

Кил - Барселона

Драмен - Металург

ЛИГА НА ШАМПИОНИ - ЖЕНИ

Распоред група "А"

29.10/02.11.2008

1. Коло

Кометал Ѓ. П. - Ѓер

Квалификант - Звезда

05/09.11.2008

2. Коло

Звезда - Кометал Ѓ. П.

Ѓер - Квалификант

12/16/11.2008

3. Коло

Квалификант - Кометал Ѓ. П.

Ѓер - Звезда

02/04.01..2009

4. Коло

Кометал Ѓ. П. - Звезда

Квалификант - Ѓер

05/07.01. 2009

5. Коло

Ѓер - Кометал Ѓ. П.

Звезда - Квлификант

14/18.01.2009

Кометал Ѓ. П. - Квалификант

Звезда - Ѓер

Ne sum pijan, samo lezam na zemja i se raduvam....
Кон врв
гoстин Кликни и види ги опциите
Сениор
Сениор


Регистриран: 29.Февруари.2008
Статус: Офлајн
Поени: 7557
Опции за коментарот Опции за коментарот   Благодарам (0) Благодарам(0)   Цитирај гoстин Цитирај  Внеси репликаОдговор Директен линк до овој коментар Испратена: 08.Јули.2008 во 16:52
Лазаров официјално е најдобар стрелец во ЛШ

И додека ватерполистите ги уживаат миговите на слава на стартот на Евро шампионатот во Малага, круна на успесите што ги постигна на личен план во изминатата сезона, вечерва доби уште еден македонски спортски херој, Кире Лазаров.

На гала свеченост во Скандинавиум арената во Гетеборг, на капитенот на Македонската ракометна репрезентација му беше врачено признанието за најдобар стрелец во Лигата на шампионите.

Леворакиот бомбардер на Загреб постигна 96 гола и ја понесе наградата наменета за најефикасниот во елитната Европска конк*ренција во сезоната 2007/2008.

Според практиката воспоставена лани, на ваквата манифестација, најдобриот стрелец во шампионската лига е вклучен во извлекувањето на составот на групите за наредната сезона.

Раката на Лазаров ги одреди можните ривалите на Металург во фазата по групи од елитното натпреварување.

Ако во квалификациите го мине Измир, нашиот првак ќе ќе биде дел од во конк*ренцијата „Ц“ заедно со германскиот великан Кил, со шпанскиот гигант Барселона и со најдобриот норвешки состав Драмен. Звучна група, каква што досега немал ниту еден македонски шампион.

На сличен начин, беа составени групите и за ракометната Лига на шампионките. Кометал Ѓорче Петров се уште поради стара слава ги прескокнува квалификациите, а наесен ќе биде дел од во конк*ренцијата „А“, заедно со актуелниот Европски првак, руската екипа Ѕвезда Звенигород, со стариот унгарски познаник Ѓер и со победникот на квалификацискиот турнир 3, на кој фаворити се данскиот Икаст, полскиот Лублин и романскиот Рулментул.

Кон врв
IceshooteR Кликни и види ги опциите
Нов член
Нов член


Регистриран: 09.Мај.2008
Локација: United Kingdom
Статус: Офлајн
Поени: 10
Опции за коментарот Опции за коментарот   Благодарам (0) Благодарам(0)   Цитирај IceshooteR Цитирај  Внеси репликаОдговор Директен линк до овој коментар Испратена: 09.Јули.2008 во 12:14
Имаме шанса
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1605
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 10.Јули.2008 во 14:20

МАКЕДОНИЈА СО ТРИУМФ ОД 2:0 НАД КИНА ГО ПОЧНА НАСТАПОТ НА 3. СП ВО РАКОМЕТ НА ПЛАЖА ВО КАДИЗ

Победуваме и со позајмена опрема

Откако опремата на нашите репрезентативки не стигна во Шпанија, ракометарките добија опрема од организаторот, но и тоа не ги спречи да ја совладаат Кина.

МАКЕДОНИЈА - КИНА 2:0
(18:14; 18:13)

Кадиз. Судии: Ал-Нофли и Ал-Шаик од Оман. Делегати: Јоргстад од Норвешка и Чианг од Тајпех.

МАКЕДОНИЈА: Андрејева 6, Радуловиќ 10, Црвенкоска, Пецевска 18, Славковска, Платон 2, Боева, Ацковска

КИНА: Цанг 1, Гонг 6, Цао 10, Цанг 2, Цу 4, Ли, Си 4, Ху

Со победа од 2:0 женската репрезентација на Македонија во ракомет на плажа стартуваше на успешен начин на Светското првенство. Триумфот потврди дека нашата селекција има шанси на Мундијалот да обезбеди висок пласман така што беше многу важно да се дојде до првиот триумф.

И во двата сета Македонија беше поквалитетниот противник. Во првиот сет одигравме доволно добро за да стигнеме до предност, а сетот беше добиен со резултат од 18:14.

Во вториот само се продолжи во ист стил. Се играше во исто темпо така што немаше никаков проблем за да се дојде одново до солидна предност со која се оствари разликата која беше доволна за да се освои и овој сет.

Тоа значеше дека Македонија ги освојува првите бодови и по првиот ден може да се пофали со добар резултат.

На првата средба најдобра игра демонстрираше Драгана Пецевска. Таа беше незадржлива за противничкиот состав бидејќи успеа да собере дури 18 поени. Покрај неа на овој меч во листата успеа да се запише и Радуловиќ, која мечот го заврши со десет поени. Андрејева, која е голман, имаше шест, а дебитантот Анжела Платон на крајот имаше два поена.

Оваа средба заврши без поголеми проблеми, а денеска добрата игра ќе мора да се потврди и против Уругвај и против Русија.

За денешните натпревари се очекува Македонија да настапи со својата опрема. Откако багажот на нашите репрезентативки не пристигна заедно со нив тие на првиот меч играа со опрема која им ја даде организаторот. Доцнење на опремата поради проблеми со летовите и трансферите се случува вторпат на една наша селекција бидејќи и лани имаше вакви проблеми кога се патуваше за Франција на Светското првенство. Инаку, се очекуваше доцна синоќа багажот да пристигне, па ракометарките да можат без проблеми да настапат на денешните натпревари.

РУСИЈА ЗАГУБИ НА ДУЕЛОТ СО УРУГВАЈ

Аутсајдерот со голема победа

Селекцијата на Уругвај, која на овој шампионат се сметаше како аутсајдер во групата "Б", изненади уште на стартот на првенството во Кадиз. Успеа да ја надигра репрезентацијата на Русија и во тај-брек дојде до победа од 2:1 така што по првото коло е хитот на овој шампионат.

Добро е што ваквото изненадување се случи уште на стартот на првенството бидејќи токму Уругвај е следниот противник на Македонија и ова ќе делува трезвено за нашите репрезентативки да нема потценување кон оваа селекција.

Денеска против Уругвај и Русија

Според програмата за натпреварување, следни противници на Македонија се селекциите на Уругвај и Русија. По вчерашното изненадување Уругвај денеска ќе игра против Македонија, а мечот почнува во 12:30 часот. Тоа е шанса за нашата селекција да успее да стигне до својот втор триумф со кој ќе остане во трка за едно од двете места кои водат во полуфинале.

Покрај овој меч нашите репрезентативки ќе играат и против Русија во рамки на 3. коло. Доколку успееме да дојдеме до победа тогаш утре ќе ни остане против европскиот шампион Хрватска и домаќинот Шпанија да се бориме за полуфинале. Двете селекции синоќа го одиграа својот прв дуел.

Илиева и Карбеска почнаа со судење

Нашата судиска двојка на Светското првенство, Марија Илиева и Силвана Карбеска почна со делење на правдата. Тие вчера ги имаа првите натпревари на Мундијалот. Во утринската програма Илиева и Карбеска судеа на средбите во машка конк*ренција. Беа дел од натпреварот меѓу Унгарија и Иран, а немаа воопшто тешка задача бидејќи Унгарците го решија дуелот со 2:0.

РАСПОРЕД И РЕЗУЛТАТИ

ЖЕНИ

ГРУПА "А"

1. КОЛО

Бразил - Србија 2:0 (23:13; 23:17)

Норвешка - Дом. република 2:0 (24:1; 23:5)

Италија - Украина 2:0 (17:16; 17:16)

2. КОЛО

Србија - Норвешка 2:1 (11:16; 16:10; 7:6)

Украина - Бразил 0:2 (7:18; 14:18)

Дом. република - Италија 0:2 (11:16; 9:15)

ЧЕТВРТОК (10.07.2008)

3. КОЛО

09:30 Бразил - Дом. република

13:30 Норвешка - Италија

20:00 Србија - Украина

ГРУПА "Б"

1. КОЛО

Македонија - Кина 2:0 (18:14;18:13)

Русија - Уругвај 1:2 (10:6; 4:10; 2:6)

Хрватска - Шпанија 2:1 (20:18; 14:22; 9:5)

ЧЕТВРТОК (10.07.2008)

2. КОЛО

10:30 Шпанија - Русија

11:30 Кина - Хрватска

12:30 Уругвај - Македонија

3. КОЛО

17:00 Хрватска - Уругвај

18:30 Русија - Македонија

19:30 Шпанија - Кина

МАЖИ

ГРУПА "А"

1. КОЛО

Русија - Србија 1:2 (18:22; 14:11; 4:7)

Хрватска - Уругвај 2:0 (20:8; 22:10)

Унгарија - Иран 2:0 (14:10; 18:12)

ГРУПА "Б"

1. КОЛО

Египет - Либан 2:0 (14:11; 20:8)

Пакистан - Турција 0:2 (17:19; 10:18)

Ne sum pijan, samo lezam na zemja i se raduvam....
Кон врв
 Внеси реплика Внеси реплика страница  <12345 18>
  Сподели тема   

Скок до Овластувања Кликни и види ги опциите

Forum Software by Web Wiz Forums® version 10.03
Copyright ©2001-2011 Web Wiz Ltd.

Страницата е генерирана за 0,156 секунди.