Македонци во Швајцарија

Швајцарската партија на зелените предложила изгласување на закон со кој во оваа европска држава ќе се забрани употребата на поголемиот број на денешни автомобили.

Со воведување на новиот закон Швајцарците би можеле да стават крај на возењето на суперавтомобили на своите патишта, би се укинала продажбата на големи SUV модели, но и на поголемиот дел спортски автомобили, луксузни лимузини, па дури и некои моноволумени, а и по некој компактен автомобил.

Зелените всушност сакаат да го забранат возењето на сите автомобили кои се потешки од два тона и кои емитираат повеќе од 250 грама СО2 по километар или не ги задоволуваат оптималните норми за заштита на пешаците во случај на фронтален судир.

Поголемиот број автомобили на швајцарската листа делуваат како логичен збир за забранување: Aston Martin, Bentley, Hummer, но на листата се најдоа и компактните помали автомобили како Hyundai Getz или Nissan Micra.

Како што стојат работите, ако Швајцарците го донесат новиот закон, следната година на женевскиот салон на автомобили ќе треба да се оди со велосипед.

И друга категорија на луѓе ќе биде особено погодена од овој закон а тоа се македонските гастарбајтери кои едвај чекаат да дојде лето и да ги донесат своите модерни автомобили земени на кредит, лизинг или рентакар и да шетаат по градовите од каде потекнуваат со филозофија „нека пукнат комшиите“