Kaко го објаснувате сексуалниот нагон

Стрес

Кога работа е премногу стресна и кога сте врзани со најразлични рокови, сексуалниот нагон едноставно паѓа до тоа ниво што понекогаш воопшто не ни помислувате на секс.

Болест

Никогаш не е секси да имате ужасна настинка и да водите љубов. Понекогаш и ПМС може да влијае врз намалување на желбата за секс. Во одредени случаи посериозни болести како рак, дијабетес или пак проблеми со срцето може да предизвикаат намалено либидо. Затоа ако се сомневате во нешто консултирајте се со доктор.

Лекови

Многу лекови влијаат врз сексуалниот нагон. Добро е познато дека антидепресантите го намалуваат нагонот, но понекогаш и седативите, опијатите, контрацепционите пилули можат да го намалат либидото.

Животен стил

Ако од неодамна сте во брак, сте завршиле со некоја долга врска, сте се преселиле или пак сте смениле работно место, новата состојба може да влијае врз вашиот секс.

Стареење

Иако некои истражувања покажуваат дека сексот се подобрува со текот на годините, сепак хормоналната нерамнотежа во периодот пред и за време на менопаузата го намалува нагонот за секс. Некои жени имаат одбивност на машкиот допир, чувствуваат болка при секс или пак имаат сува вагина.

Заладување на врската

Во секоја врска постојат моменти кога едноставно не сте нешто особено заинтересирани за партнерот. Но, ако тоа станува мошне честа појава, можеби не сте среќни во врската.

Прифаќање на своето тело

Најголемата сексуална енергија доаѓа кога ќе го засакате своето тело. Ако се чувствувате непријатно со себе, најверојатно ќе го криете телото од партнерот, а со тоа нема да го искористите целиот сексуален капацитет.

Депресија

Ако сте депримирани, сексот нема да биде врв на вашата агенда. Секој поминува низ лоши моменти, па логично е дека депресивната состојба ќе го намали нагонот за секс.

Ново бебе

Кога имате ново бебе му посветувате поголемо внимание, секогаш сте уморни и сосема е нормално да не мислите на секс. Ниското ниво на естроген кое што се појавува во овој период, може да предизвика појава на суви вагинални ѕидови, што пак ќе предизвика болен сексуален однос.

Дрога и алкохол

Постојаното користење на дрога и алкохол може да ја подобри вашата сексуална желба на краток рок, но да влијае негативно на долги патеки.