Анастеа напиша: Зошто се вика телоХранител, наместо телоБранител, за некој кој брани, заштитува други тела? Многу ме мачи дилемава, не можев дури да заспијам

Да бе...навистина...
И она меѓународното бодигард ќе му дојде како чувар на телото...
Можеби има врска со бугарскиот јазик...кај нив Обезбедување се вика Охрана...

емил напиша: Се учам јас на македонски јазик од Идивиди форумов и смеам да кажам дека го говарам ( така е правилно да се каже на македонски , а не српското зборам , зборувам ) ...

Убаво е што имаш желба да учиш македонски.
Но, грешка си во следново:
- зборот „зборува“ како и зборот „говори“ се македонски зборови. И, иако во поново време* грешно се поистоветуваат, сепак тие два збора имаат сосема различно значење.
Зборот „зборува“, „зборување“ се користи за вообичаена комуникација меѓу луѓето.
Примери:
„Луѓето зборуваат помеѓу себе.“ или
„Во Македонија се зборува на македонски јазик.“
Додека зборот „говор“, „говори“ е во смисла кога некој зборува т.е. се обраќа кон одредена група луѓе т.е. кога држи говор.
Пример:
„Милиот ни’ Премиер држеше говор по повод 8-ми Септември.“

Зборот „збори“ во никој случај не треба да се користи во македонскиот литературен јазик (освен, ајде, во поезијата, каде се е дозволено), бидејќи тој е извитоперен, скратен и е жаргон кој кај нас најчесто се користи во скопското говорно подрачје, како и во јужните делови на Србија (Врање, Лесковац ...)
Срби не „зборувају“ српски, они „причају“. Или „Они „говоре“ пред народом.“
Значи, гледаме дека зборот „зборува“ не е српски, туку зборот „говор“ е заеднички и во двата јазика, впрочем како и многу други зборови. (Дали и зборот „вода“ е српски, бидејќи нели и тие го користат!?)

Понатаму:

емил напиша: ... подобро од 95 % од сите што пишуват тука или некогаш се пишувале .

Правилно е „пишуваат“ (со две букви „а“).
Наставката „се“ не треба воопшто да стои.


* - Поистоветувањето на овие два збора дојде до израз после емисијата „Говорете македонски“, каде некои наши недоучени лингвисти (ако воопшто можат да се наречат така) сакајќи да направат нешто кон заштита на македонскио јазик, предизвикаа сосема спротивен ефект, учејќи ги новите генерации на погрешни работи.,

Или Џек Стомакосек.

Не само зборот „сиот“ туку и зборовите „сето“, „сета“ се синоними на зборовите „целиот“, „целото“ и „целата“. Исто како и зборовите „врат“ и „шија“.
„Митра сета се вцрви од срам кога разбра дека ... “
„Македонија за сиот овој период од осамосојувањето не виде чесен политчар!“ (Оно, и пред тоа немаше, ама ... ај!)
„Златникот сето свое време го потроши во објаснување дека во македонскиот јазик предметите и поимите немора да имаат само по 1 збор со кој ќе се објаснат (опишат).

Не е сељачки, ама не е литературно. Тоа е источномакедонски дијалект.

@Златник
Немора се пишува одвоено - не мора.

Мислам дека форумот е последно место каде треба да тераме литературен јазик.

LiDivio напиша: ... Златник Немора се пишува одвоено - не мора. ...

Да, точно!
Јас често пати знам да ја правам оваа грешка. Исто и кај зборовите „не треба“, „не знам“...
Ех, каму среќа сите овака да ги прифаќаме и да си признаваме за сопствените грешки!

емил напиша: ... А иста ли е работава со зборовите  ’’дека ’’ и ’’каде’’ . И сељачки ли е да се обратиш кон некој со дека ?

Зборот „дека“ не знам ( ) каков збор е во граматичка смисла, но се користи во следниов случај:
„Точно е што ти одговори LiDivio, дека тоа не е сељачки* збор, туку дека тоа е дијалект од источна Македонија.“

LiDivio напиша: ... Мислам дека форумот е последно место каде треба да тераме литературен јазик.

Е со ова не се согласувам. Барем не во целост.
Од повеќе причини треба во секоја ситуација да се трудиме да зборуваме литературно.
1. Што би било ако секој од нас, овде на форуимов, почне да си зборува (т.е. пишува) на својот дијалект? Не дека нема да се разбере суштината, но за тоа ќе ни’ треба време, напрегање, нерви и речник. Замисли кумановец, гевгеличанец, стумичанец, тетовец, беровчанец ... си „писнат“ по свое!
2. Со тоа го заштитуваме нашиот јазик, но истовремено и го пренесеме и на следните генерации, за тие правилно да го научат и да го пренесат на тие после нив.
3. Афирмирање на македонскиот јазик кај „немакедонците“ (пр. членови на форуумов како Емил, потоа некои дипломатски или трговски претставници ...)



* - Има разлика во значењето на зборовите „сељачки“ и „селски“ т.е. „селанец“ и „сељак“.
Селанец е човек што се родил во село, а сељак ... е, тоа е ова:



Или ако сакаш споредба:

Добар си!
Така треба.
Во таа моја еуфорија, во тој мој занес на прифаќање на твојата сугестија (дека „Не треба“ не треба да се пишува „Нетреба“, туку „Не треба“ (), си ја „писнав“ и по другите (двосложни!?) зборови.

Кога сме кај овие зборови со префикси, често пати се случува при употребата на префиксот „над“ да прочитаме:
Надкрили, надпише, надтрча, надцени ...
102,3% сум сигурен (нешто што ми останало во сеќавање од Чколијата) дека овие зборови треба да бидат:
Наткрили, натпиша, наттрча, натцени ...
Но, никогаш не сфатив кое е правилото некогаш буквата „д“  (од префиксот „над“) да се менува во „т“, а некогаш да не се менува!
Примери за неменување на „д“ во „т“:
надвисна, надрипа, наддаде, надитри ...

Р.Ѕ. Не е лошо, за да се потсетиме на некои работи, малку да прелистаме по чичко Блажета!