Гери Невил ја заврши кариерата

Сите се во исчекување на следниот потег во животот на Гери Невил, откако легендата на Манчестер јунајтед се пензионираше од фудбалот. Триесет и петгодишникот се обиде да го следи примерот на постарите колеги Рајан Гигс и Пол Сколс кои се уште му пркосат на времето, но повредите го принудија да ја заврши плодната 19-годишна кариера на "Олд Трафорд". Невил во изминатите четири години се мачи со повредата на зглобот, а сезонава одигра само три меча и го загуби местото во стартната постава на сметка на Рафаел, О'Шеј и Вес Браун. Дефанзивецот најверојатно ќе стане тренер на младинската екипа на "црвените ѓаволи".
- Имав среќа да играм со едни од најдобрите светски играчи и против најдобрите светски клубови и притоа бев дел од големите постигнувања на клубот. Манчестер секогаш ќе биде дел од мојот живот, но сметам дека е време да се повлечам - изјави Невил.
Целиот живот на Невил е поврзан со Манчестер, бидејќи таму е роден и таму почна да тренира во младинските категории по што во 1992 дебитираше за сениорите против Торпедо Москва. Тој има одиграно 602 меча за Јунајтед со што се наоѓа на петото место во клупската историја и притоа освои осум титули во Премиерлигата, две во Лигата на шампионите и три во ФА купот. Невил има 85 настапи за Англија и тоа на две светски и три европски првенства

Кризата со повредени играчи на Манчестер Јунајтед стана уште поголема по веста дека Рио Фердинанд веројатно веќе нема да може да настапи оваа сезона.

Проблемите со повредите во одбраната на тимот од Олд Трафорд никако да престанат во последниот период. По повредите на Џејми О’Ши (пет седмици) и Рафаел (три седмици), кои ќе ги оддалечат од теренот во следните неколку недели, Алекс Фергусон во потерата по трите титули ќе мода да оди и без Рио Фердинанд.

Репрезентативецот на Англија веќе подолго време се мачи со болки во грбот, а во последните неколку недели заработи и повреда на листот. Токму поради тоа од Олд Трафорд соопштија дека лесно може да се случи Фердинанд воопшто да не се врати на теренот оваа сезона.

Да биде малерот за Јунајтед уште поголем, повреди имаат и Немања Видиќ и Џони Еванс, што ги остава само Крис Смолинг и Вес Браун како опции за централни дефанзивци

И Манчестер Јунајтед се интересира за Фалкао

25-годишниот напаѓач на Порто, Фалкао стана дел од сверата на интереси на англискиот шампион Манчестер Јунајтед, пишуваат португалските спортски весници, предводени од А Бола.

А Бола соопштува дека Манчестер Јунајтед е подготвен да плати 31,5 милиони евра. Пред неколку дена се појави информација дека интерес за Фалкао има и од Челси, каде што менаџер е поранешниот тренер на ПОрто и Фалкао - Андре Виљаш Боаш.

Фалкао одигра 50 натпревари во португалското првенство и постигна 41 погодоци, тој стана и најдобар стрелец во Лига Европа во текот на минатата сезона со 18 постигнати погодоци.