http://vbox7.com/play:a2740cc2 

Осумте заповеди на Перез

Ако сака фудбалските ѕвезди во тимот да не му избегаат од контрола, претседателот на Реал Мадрид, Флорентино Перез, објави листа од осум правила кои секој член на кралското фудбалско семејство ќе мора да ги почитува. Своите правила ги испечатил и на посебна книга која му ја дал на секој фудбалер со цел да му даде до знаење како треба да се однесува ако сака да го носи дресот на Реал. Според одлуката на Флорентино Перез, деновите на ноќни излегувања, лудории по забави и посетување на секс-барови за ѕвездите од екипата се завршени.

Неговата листа на правила сигурно претставува голем шок за Кристијано Роналдо и сите останати во тимот. Првиот човек на клубот во својот список освен она што не смее, наведол и она што секој член на Реал може да го прави.

Како што наведува шпанската Марка, овие правила најтешко ќе им паднат на Фернандо Гаго, Серхио Рамос и Кристијано Роналдо, кои се познати по ноќниот живот и друштво со убави девојки во мадридските барови, а Икер Касиљас веќе го има прекршено правилото седум кога на една забава дојде маскиран како мускетар. С$ уште не се познати казните при евентуалното прекршување на некои од правилата.

Очигледно Перез има големи планови со екипата во иднина и сака да се осигура од евентуални штети кои би ги направиле големите фудбалски имиња. Меѓутоа, ако сакаат и понатаму да ги добиваат големите примања ќе мора да играат како што ќе "свири" Перез. Еве ги неговите правила:

1. НЕПОСРЕДНОСТ

Играчите мора да бидат достапни за навивачите.

2. КАРАКТЕР

Играчите мора да покажат почит кон тренерите, менаџерите и навивачите.

3. НАПОР

Пожртвуваност, приврзаност....

4. ТОЧНОСТ

Фудбалерите мора да ги почитуваат договорените термини.

5. ЗДРАВЈЕ

Фудбалерите мора да ги избегнуваат сите ризични ситуации.

6. РЕД

Забранети се сите ноќни излегувања.

7. ИМИЏ

Играчите мора секогаш да изгледаат репрезентативно.

8. СОРАБОТКА

Фудбалерите мора да соработуваат со вработените во клубот и новинарите.

samir_sneijder напиша: Halid ibn Velid напиша: Poglup Tim se nema!!!! Дај малку приберисе што пишуваш на туѓи фанклубови... ---Дај малку повеке пишувајте на РЕАЛ МАДРИД фан клуб----- сепак кралски клуб

имаш право!

Реал Мадрид - тим без душа

Вторник, 10 ноември 2009 година, ќе биде запишан во историјата на Реал Мадрид како ден кога славниот мадридски клуб е елиминиран од Кралскиот куп од "маалскиот" тим на Алкоркон. Никогаш во досегашната 107-годишна историја на Реал Мадрид не бил вака посрамотен, а неговите фудбалери смешни и без желба за игра и постигнување подобар резултат.

По срамната елиминација од третолигаш, се постанува прашањето кои се всушност вистинските вредности на овој Реал Мадрид т.н. "Галактико 2", кој се обидува да стане најдобар светски клуб во историјата и дали претседателот на клубот, Флорентино Перез, конечно, ја сфати грешката дека со пари не може да се освои се.

Што да се каже повеќе? Вистинската слика околу подготвеноста на "Кралскиот клуб" се виде на двомечот со аматерскиот тим на Алкоркон. Па сега дали вреди во еден клуб да се вложуваат милиони и милиони, а фудбалерите да не можат да совладаат ниту тим составен од менаџери, пекари, ѕидари, адвокати ...

Токму овие луѓе кои во слободно време играат фудбал им покажаа на големите професионалци како треба да се бранат боите на еден клуб, односно како треба вистински да се игра и да се сака фудбалот.

Ѕвездите кои го одиграа реваншот на Сантјаго Бернабе како Кака, Раул, Ван Нистелрој, Мамаду и Ласана Диара, Албиол, Марсело, Пепе, Ван дер Варт .... не покажаа ни 10% од она што го најавуваа пред две недели кога го загубија првиот меч со убедливи 4:0. Се подготвуваа да го демолираат противникот, да ја наполнат нивната мрежа, меѓутоа наидоа на подготвен тим, желен за надигрување, жилави играчи кои не покажаа ни трошка страв од некакви светски познати фудбалери.

Комплетна анализа е мизерна, лоша, катастрофална игра на фудбалерите на Реал на двомечот со Алкоркон. Целокупното раководство заедно со фудбалерите едноставно мора да им ги врати парите од влезниците на фановите кои дојдоа на Сантјаго Бернабе уверени во пласманот во следната фаза на својот тим. Првпат Флорентино Перез јасно ја слушна порака од фановите: "Пелегрини оставка".

ПОГРЕШНА ТАКТИКА И ИЗБОР НА ИГРАЧИ

Во отсуство на Кристијано Роналдо, Чаби Алонсо, Карим Бензема, Гути и Икер Касиљас, Мануел Пелегрини беше принуден да состави добитната комбинација и убиствен напад кој ќе атакува на голови.

Чилеанецот и постави таква формација, 4-2-2-2. Меѓутоа, нападот предводен од Ван Нистелрој и Раул потпомогнати од Игуаин и Кака во позадина едноставно не помина како опција. Чилеанецот како да заборави дека во својот тим нема фудбалери-креативци како на пример што ги има Барселона во Чави и Иниеста. Средниот ред како да го немаше. Гаго и Мамаду Диара тотално се изгубија, а Кака и Игуаин повеќе мислеа на нападот отколку на средината. Тоа им оставаше доста место за манипулација на играчите на противникот. Со ваква поставена игра Пелегрини очекуваше неговиот тим рано да постигне гол, а потоа да ги притисне играчите на Алкоркон до крај. И покрај неколкуте шанси, реално гледано Реал едноставно потфрли во првиот дел. Во вториот Пелегрини ја увиде својата грешка и ги стави во игра Марсело и Ван дер Варт, кои малку ја размрдаа играта. Но не го извади Гаго, кој беше најслаб поединец на натпреварот, туку Ласана Диара, кој беше далеку позабележителен од Аргентинецот. Тој потег навивачите на Реал го испратија со свирежи. Реал успеа да постигне погодок, но предоцна. Ван дер Варт погоди во 82. минута но немаше време да се достигнат оние четири разлика.

                                              Касиљас од сабота во "клубот 500"

Првиот голман на Реал Мадрид, Икер Касиљас, в сабота на гостувањето кај Ксерез ќе го забележи 500. настап за својот тим.

До јубилејната бројка, тој стигнува на 28 години откако веќе една деценија е стандарден на голот на "Кралскиот клуб" Дебито го забележа во сезоната 1999/2000 во мечот против Атлетик Билбао и оттогаш освои две титули во Лигата на шампионите и четири во Примера.

Во овие десет години Касиљас само во една сезона не бил константно прв голман. Станува збор за кампањата 2001/02 кога тогашниот тренер Висенте дел Боске му ја даде довербата на Цезар Санчез, актуелниот голман на Валенсија. Пред и потоа Касиљас е прв голман на Реал и фактор на речиси сите успеси на својот тим.

Со оглед на тоа што има само 28 години и речиси уште една деценија на фудбалските терени, Касиљас сигурно ќе атакува на рекордот според бројот на настапи во историјата на Реал Мадрид. Во моментов него го држи капитенот Раул кој има 726 настапи, но неговиот престој на Сантијаго Бернабеу се ближи кон крајот.

Игуаин и Роналдо најдобри во последните две децении

Анализата што ја спроведе шпанскиот спортски дневник АС откри дека Кристијано Роналдо и Гонзало Игуаин се најдобриот напаѓачки тандем на Реал Мадрид во последните 20 години. Португалскиот и аргентинскиот репрезентативец досега заедно постигнале 34 гола од кои Игуаин 19 (на 20 настапи), а Роналдо 15 (на 17). Вкупно во Примера досега се одиграни 26 гола, а ретроспективата на претходните две децении покажува дека ниеден напаѓачки тандем на "Кралскиот клуб" не бил толку ефикасен.

Успехот на овие двајца фудбалери е уште поголем ако се знае дека Игуаин досега пропушти шест, а Роналдо девет натпревари од досегашното првенство. Апсолутни рекордери на Реал Мадрид по 26 одиграни кола од Примера се Хуго Санчез и Емилио Бутрагењо кои во сезоната 1989/90 заедно постигнаа 36 гола од кои 27 само Мексиканецот. Тоа е сезоната во која Реал Мадрид го постави рекордот на шпанското првенство со 107 постигнати гола.

Втор на оваа листа досега беше црногорско-хрватскиот тандем Мијатовиќ-Шукер од шампионската генерација на Реал Мадрид предводена од Капело во сезоната 1996/97. Двајцата тогаш постигнаа 31 гол, бројка која следната сезона ја достигнаа Раул и Роналдо.