Кристијано Роналдо ги помина медицинските тестови и беше претставен пред навивачите на Снатијаго Бернабе, како нов играч на Реал Мадрид. Неговата презентација ја проследија некаде околку 80,000 навивачи, а тој се реши да го носи дресот со број "9"

Првите зборови на Португалецот беа: "Ова за мене е сон од детството. Сон кој од денеска станува реалност. Многу сум среќен што сум тука. Не очекував преполн стадион, ова е навистина импресивно. Ви благодарам многу"

Навистина владее буквално Роналдо-манија во Мардид денеска. Уште од раните утрински часови имаше турканици пред стадионот за да на крај тој биде исполнет речиси до последното место.Тоа е нов рекорд, по оној на Марадона, кога беше дочекан во Наполи од 75,000 навивачи, далечната 1984.

24 годишниот Роналдо, беше пречекан од големиот Алфредо ди Стефано за кого се смета дека е најголемиот што го носел дресот со бројот девет. Сега тој му припаѓа на Роналдо и во наредниве 6 години, колку што потпиша со Реал Мадрид, тоа ќе биде неговиот нов зашитетен знак CR9.

Исто така тој смета,  со парите што ги потроши Перез за донесување нови играчи, Шпанската Премиера Дивизија е супериорна во однос на Англиската Премиер Лига, каде што играше до вчера.

" И двете лиги годинава ќе бидат многу добри, но со играчите што ги донесе Флорентино Перез, дефинитивно одскокнуваме. Ќе биде магично сезонава во Шпанија" - додаде Роналдо кој со нетрпение го очекува својот прв настап.

Реал Мадрид до овој момент ги донесе Кака, Роналдо и Албиол, а се чека и Бензема да ги помине медицинските прегледи. За нив потрошена е сума од над 200 милиони евра. Се очекува во наредниве неколку дена "Кралевите" да тргнат поофанзивно по Франк Рибери и Чаби Алонсо со што би го комплетирале новиот Галактико.