Посакувате допир со тропското поднебје? Инспириран од цветот на хибискусот, дизајнерот Кенет Комбонпу го направи ова столче со интересен цветен мотив. Ова прекрасно столче е направено од микрофибер, макотрпно обликувано со илјада ситни убоди што се шират од центарот на седиштето, правејќи изглед на цвет со полн цут. 

Материјалот е оптегнат преку седиштето и металниот сталак, кој на дизајнот му дава стабилност и издржливост. Како и цветот од хибискус кој ве мами со своите живи бои и мирис, така и ова столче доаѓа во ведри бои како што се: интензивна жолта, црвена, црна, лимета и зелена, и ве повикува да се приближите и да седнете удобно во столчето.