Капка масло за убаво лице - на дневната крема наутро додадете капка масло за нега на лице. На тој начин кожата ќе ви биде затегната и подготвена за шминкање.

Јогурти и мраз за „бришење“ мани од лицето - на челото нанесете слој јогурт. Оставете да делува 20 минути па измијте се. За да се справите со подочниците ставете коцки мраз завиткани во ткаенина врз нив.

Млечната сауна ја чисти кожата – загрејте млеко до вриење, па прелијте го во друг сад. Застанете со лицето над садот и прекријте се со пешкир за да создадете минијатурна сауна. Млечната киселина ќе ги исчисти порите, а вашата кожа по третманот ќе биде сјајна.

Кармин што трае со часови – по првиот слој кармин на усните, ставете салфетка врз нив па нанесете пудра во прав. Низ салфетката ќе помине онолку прав колку што е потребно за да се фиксира следниот слој на кармин.

Маска за лице од аспирин- здробете две таблетки аспирин и помешајте ги со лажица органски мед. Оставете маската да дејствува 20 минути па измијте. Кожата ќе биде свежа бидејќи аспиринот содржи состојки кои се дел од врвните маски за лице.

Шеќерна вода за обликување коса - во чаша со топла вода ставете шест лажици шеќер, потоа оладете ја течноста и ставете ја во шишенце со распрснувач. Попрскајте ја косата со неа и обликувајте ги локните, па кога ќе се исушат слободно расплетете ги.