„Јавниот долг на земјите од поранешна Југославија изнесува 90 милијарди евра, додека пред распадот на Југославија тој изнесуваше околу 20 милијарди. Сите овие земји, освен Словенија, полека ќе западнат во должничко ропство, доколку не преземат итни и строги мерки”, пишува весникот.

Dnevnik наведува дека во моментов рекордер по јавен долг е Словенија со 28,8 милијарди евра, но дека бруто домашниот производ (БДП) на Словенија е највисок од сите овие земји, и има можност да го отплати.

„Јавниот долг на Словенија порасна на 71,7 отсто од БДП-то, а се проценува дека оваа година ќе достигне 81 процент. Оваа година јавниот долг на Словенија ќе порасне на 28,8 милијарди евра или 80,9 отсто од БДП-то, а тоа е четири пати повеќе во споредба со 2008 година, пред глобалната финансиска криза”, навел весникот.

На второто место е Хрватска со долг од 28,7 милијарди евра а потоа следи Србија со долг кој надмина 20 милијарди евра, или 62,3 отсто од БДП-то.

Министерството за финансии на Србија соопштило оваа недела дека јавниот долг на Србија изнесувал 20,5 милијарди евра, односно 62,3 проценти од БДП-то на земјата, а во март јавниот долг бил зголемен за 109 милиони е евра.

Босна и Херцеговина има јавен долг од 5,5 милијарди евра, Македонија од 2,7 милијарди евра а јавниот долг на Црна Гора е најмал и изнесува 1,7 милијарди евра.

Соработникот на Институтот за пазарно истражување, Саша Џоговиќ изјавил дека земјите од поранешна Југославија полека тонат во должничка криза поради тоа што распадот на поранешната држава „деструктивно влијаел на индустријата, производството било намалено и значајно паднала конК*рентноста во економијата и компаниите”.

„Пазарите во Азија и Африка се загубени”, заклучил Џоговиќ, пишува словенечки Dnevnik

=============================================================================

Прашање до експертов погоре

ЗАШТО долговите од бившата ЈУгославија , не се навреме „сервисирани„..односно одплатени.

Веројатно ....тогашната држава земала пари од граѓаните преку Буџетот за враќање на веќе земените кредити.

ПРАШАЊЕТО е ЗАШТО не се навреме вратени...дури после 3,5 децении од земањето.

пс

ДАЛИ и вилите на ВОДНО и околу Охрид се градени со парите наменети за враќање на веќе земените кредити!?.

Само прашувам..нели?.