Најубавите стихови во Библијата

БОЖЈИОТ ГНЕВ ПРОТИВ НЕПРАВЕДНИТЕ ЛУГЕ.
Римјаните 1

18 Зашто Божјиот гнев се открива од небото на секоја безбожност и неправда на луѓето, кои со неправдата ја задржуваат вистината;
19 зашто ним им е познато она што може да се знае за Бога; Бог им го јави тоа.
20 Па и Неговите невидливи својства, Неговата вечна сила и Божеството, можат да се согледаат од создавањето на светот, набљудувани преку творбите. Па така немаат изговор.
21 Зашто, иако Го познаа Бога, не Го прославија како Бог, ниту покажаа благодарност; туку станаа суетни во своите мисли и нивното неразумно срце се помрачи.
22 Зборувајќи дека се мудри, станаа безумни,
23 и ја заменија славата на нераспадливиот Бог со слика слична на распадлив човек, на птици, на четвороножни животни, и на лазачи.
24 Затоа Бог ги предаде, според желбите на нивните срца, на нечистотата, така што сами да ги обесчестат своите тела;
25 нив, кои Божјата вистина ја заменија со лага, и му се поклонуваа и служеа на созданието место на Создателот, Кој е благословен довека, Амин!
26 Затоа Бог ги предаде на срамни страсти: нивните жени го заменија природното општење со неприродно;
27 мажите, исто така, го оставија природното општење со жена и се распалија со сладострасност еден кон друг, правејќи - мажи со мажи - срамни работи, добивајќи заслужена плата во себе за својата заблуда.
28 И бидејќи не се обидоа да Го имаат Бога во нивните мисли, Бог ги предаде на нивниот изопачен ум, за да прават што не прилега:
29 исполнети со секаков вид неправда, расипаност, алчност, зло; полни со завист, убиства, расправии, лукавства, подмолност; озборувачи,
30 клеветници, мразители на Бога, насилници, горди, самопофалувачи, измислувачи на зла, непокорни на родителите,
31 неразумни, неповерливи, без љубов и без милосрдие.
32 Тие ја знаат Божјата правда: дека оние, кои прават така, заслужуваат смрт, па сепак не само што го прават тоа, туку им одобруваат и на другите, кои прават.

ОТФРЛАЈЊЕ НА ЧОВЕЧКИТЕ ОБИЧАИ И ПРЕДАНИЈА
Матеја 15


1 Тогаш, пристапија кон Исуса ерусалимските книжници и фарисеи, велејќи:
2 “Зошто учениците Твои не го запазуваат преданието на старите? Оти не ги мијат рацете, кога јадат леб?”
3 А Он им одговори и рече: “Па зошто и вие ја престапувате Божјата заповед заради вашето предание?
4 Зашто Бог заповедал и рекол: ‘почитувај ги татка си и мајка си’ и, кој го злослови таткото свој или мајка си, со смрт да се казни’.
5 А вие велите: ако некој му рече на татка си или на мајка си: она, со што би можел да се ползуваш од мене, дар е;
6 значи, тој може да не го почитува својот татко или својата макја. Така ја нарушивте заповедта Божја заради вашето предание.
7 Лицемери, добро пророкувал за вас Исаиј, велејќи:
8 ‘Овој народ се приближува до мене со устата своја и со усните Ме почитува, а срцето негово стои далеку од Мене;
9 но напразно Ме почитува, оти проповеда човечки повелби’.”

Еремија 7:23
Ова им го заповедав: ‘Слушајте го Мојот глас, па Јас ќе бидам ваш Бог, а вие ќе бидете Мој народ. Одете по патот по кој што ви заповедав, за да ви биде добро.’

1 Петрово: 2:12
Однесувајте се добро меѓу народите, така што токму во она за што ве клеветат како злосторници; врз основа на вашите добри дела, кога ќе ги видат, да Го прослават Бога во денот на посетата.

Малахија: 3:5
Ќе дојдам при вас на суд, и ќе бидам подготвен сведок против вражалците и прељубниците, против оние, кои се колнат лажно, против оние, кои задржуваат од платата на работникот, вдовицата и сирачето, против оние, кои го газат правото на странците и не се бојат од Мене - говори Господ над Воинствата.

2 Тимотеј: 3:12
А и сите кои сакаат да живеат побожно во Христа Исуса, ќе бидат гонети,

Jован 15

Јас Сум вистинската лоза и Мојот Татко е лозарот.
2 Тој ја отстранува секоја прачка на Мене, што не дава плод; а ја чисти секоја, што дава плод, за да даде повеќе плод.
3 Вие сте веќе чисти заради Словото, кое ви го зборував.
4 Останете во Мене како Јас во вас. Како што прачката не може да роди плод сама од себе, ако не остане на лозата, така ни вие, ако не останете во Мене.
5 Јас Сум лозата, а вие сте прачките. Кој останува во Мене, и Јас во него, тој дава многу плод; зашто без Мене не можете да направите ништо.
6 Ако некој не остане во Мене, тој ќе биде исфрлен надвор како прачката, која е исушена, - ги собираат, ги фрлаат во оган и ги горат.

ОЖИВЕНИ СО ХРИСТОС
Римјаните 2


1 И вас, кои бевте мртви поради вашите престапи и гревови,
2 во кои живеевте некогаш според векот на овој свет, според кнезот на воздушните сили - духот, кој дејствува сега меѓу синовите на непокорноста.
3 Меѓу овие, и ние живеевме некогаш во своите телесни страсти, извршувајќи ги похотите на телото и на помислите и бевме по природа чеда на гневот како и сите други.
4 Но Бог, Кој е богат во милост - поради Својата голема љубов со која нè возљуби нас,
5 нè оживе заедно со Христа и нас, кои бевме мртви поради нашите гревови, - по благодат сте спасени! -
6 и со Него нè воскресна и со Него нè седна во небесните места, во Христа Исуса,
7 та, во идните векови да го покаже преголемото богатство на Својата благодат, според Својата добрина кон нас во Христа Исуса.
8 Зашто по благодат сте спасени, преку верата, и тоа не е од вас самите - тоа е Божји дар!
9 Не од делата, за да не се фали некој.
10 Имено, Негово дело сме, создадени во Христа Исуса, за добри дела, кои Бог ги подготви однапред, за да живееме во нив.

Знам дека во оваа тема треба да се пишуваат вашите најомилени стихови од библијата.
Пред неколку месеци дадов некој коментар во врска со ова, но очигледно дека некој што требало да види - не видел (освен се разбира Меси ) или пак видел ама не разбрал.
1. Дали во библијата има убави, поубави и најубави стихови? Ако постои ова градација, тогаш би требало да има и такви кои не се убави! Како инаку би се знаело дека овие кои тука се објавуваат се најубави?
2. Доколку не бев разбран во врска со првава точка, да препрашам со подруги зборови, зарем во библијата има неубави стихови?
3. Во последниве 13-14 страни на оваа тема, од вкупно 200 постови, 90% отпаѓаат а Блгој_с. Во месец Мај имаше неколку коментари од други членови (Спирос и тек-тук уште некој друг) и ... тоа е се! Од тогаш па се до сега сите постови се на Благој_с.
4. Благој_с зошто се мачиш секој ден да пишуваш? Нели е подобро да ја препишеш  (скенираш) целата библија и да ја постираш? Така би се спасил од секојдневната обврска за пишување, но и од бламажата од одбирање (селектирање ) на убавите од неубавите стихови (btw. дај кажи ни’ кои се тие неубави стихови од библијата кои ги одминуваш т.е. не ги пишуваш.) Да видиме и ние кои се тие и зошто нив ги сметаш за неубави, па не ги наведуваш овде?!

Р.Ѕ. Во ред е ако не сакаш да ја прифатиш оваа моја сугестија и моите прашања. Твое право  е да си пишуваш и да не ми објаснуваш за тоа што те прашав.

Галатјани 6:9 Да не бидеме уморни да правиме добро, зашто ќе жнееме во право време, ако не се умориме