Луда вечер на една Македонка на Закинтос

Рековме ќе ви прикажеме што претставува онаа изрека: „Се што се случило на Занте, останува на Занте“! Работата е што најголемиот дел од девојките од Македонија, сакаат да прават глупости за кои никогаш нема да да се дознае, а тие ќе бидат задоволни и среќни. 

Откако голем број македонски девојки решија да видат што нуди овој грчки остров на луда забава, се пофалија дека е навистина лудо и незаборавно, но додека раскажуваат што се случувало таму, не забораваат да кажат: „Сепак, има некои работи што се случија на Занте и останаа на Занте“! 

Еве што би значело тоа за нас:

Откако целото женско друштво ќе се врати во собите каде што се сместени, започнува вистинска „тепачка“ која попрво да се тушира, затоа што нормално нема време да се подготви за лудата вечер што ја очекува по дискотеките и кафулињата на Занте. 

По долга дискусија, викање, навредување, девојките се подготвени за вечерните лудории. Можеш да ја заприметиш дека е на одмор и е од друга земја, доколку носи кратко мини здолниште или фустанче. Не дај Боже да и падне нешто од чантата, ќе биде како Ана Николиќ или Преслава, што „несакајќи“ покажаа што кријат под здолништето. 

На почетокот од вечерта го бараат најлудиот кафич, со најлуда атмосфера, нешто што не може да се најде по скопските улици. Откако убаво ќе се сместат, нарачува нешто што досега не го пиела, со некое чудно име кое едвај може да го изговори, за подоцна да може да се пофали на своето друштво што ја чека во Скопје, дека пиела нешто што го нема кај нас. 

Но, најинтересното од се е што потајно ги гледа луѓето околу неа за да си ја најде потенцијалната мета со „дебел паричник“ и многу пиење околу него. Ако е од Србија тогаш е добитна комбинација, зашто нели Србите се доста згодни. Но, може ќе изненади, па ќе почне да флертува со некој Англичанец зашто тие нели се полни со фунти и се однесуваат како неиживеани души кои едвај чекаат да „легнат“ нешто јужно, балканско. 

По неколку чашки од тие чудни алкохолни напитоци, почнува да се чувствува пијано ,па најинтересниот дел допрва доаѓа. Можеби ќе почне да прави глупости кои досега ги гледала само на филм, па утрото да има јак хенговер и да „не се сеќава на ништо“. Сега ја има целата слобода да си го дозволи тоа, зашто нормално никој нема да дознае...Се што се случува на Занте, останува на Занте! 

Зошто Закинтос?

Сѐ уште се двоумите каде да го поминете долго очекуваниот одмор? Доколку една од потенцијалните дестинации ви е прекрасниот јонски остров Закинтос, еве неколку причини зошто да отпатувате токму таму…

Закинтос, познат уште и како Занте, претставува возбудлива дестинација за летните одмори. Овој остров ви нуди можности за креативни, опуштени и авантуристички одмори, нешто што ќе ги задоволи вкусовите и на оние што сакаат мирен, семеен одмор, но и на оние што се во потрага по нешто необично, романтично, забавно…

Закинтос претставува центар на забавите во целиот јонски регион на Грција, брегот на островот е обвиен со преку 130 километри прекрасни плажи, централната маса е прекриена со неверојатно бујна вегетација која ги одмара очите и ги полни градите со чист воздух, но покрај тоа, постојат уште десетици причини зошто да тргнете кон Закинтос:

- Закинтос е местото каде што се гнездат морските желки карета, кои се заштитен вид. На неколку плажи во близината на Василикос ќе имате уникатна можност да ги погледнете нивните гнезда.

- Сместувачките капацитети на овој остров ги нудат сите погодности на модерното време, а не го загрозуваат балансот на природата. Како ретко каде, Закинтос нуди совршен спој на урбаното и дивото, нескротеното.

- На островот се наоѓаат огромен број споменици и археолошки наоѓалишта, кои сведочат не само за сјајниот антички период, туку и за бурното средновековие, кога Закинтос се наоѓал под власт на Венеција.

- Жителите на Закинтос имаат огромна почит кон уметноста и културата, прифаќајќи ги за своевиден начин на живот, а сето тоа се пренесува и во односот кон туристите.

- На Закинтос се изградени голем број цркви и манастири во уникатно опкружување, места кои ги мамат сите верници, но и луѓето кои уживаат во природните убавини.

- Засуканиот брод на плажата Навагио е една од најпопуларните туристички атракции во цела Грција и можеби најфотографираното место во оваа земја.

- Закинтос изобилува со уникатна флора. Специфичните цвеќиња кои виреат на островот оддаваат специфичен сладок мирис некаде по зајдисонцето.

- Закинтос е можеби последното место во Грција, каде што е зачувана авентичноста на таверните. Неретко, таму можете да видите како келнерите ја прекинуваат работата, земаат гитара и започнуваат да ги забавуваат гостите, како во старите добри времиња.