Решение за болните менструални грчеви можете да пронајдете во мешавина од билни чаеви и лесна масажа во пределот на стомакот.

Болките за време на менструацијата или менструалните грчеви не се ретки, а повеќето жени ги чувствуваат, но со различен интензитет.

Активните болки во стомакот, придружувани од главоболка, мачнина, повраќање и надуеност најизразени се во првите денови на менструалниот циклус, но може да потраат и во следните денови.

Познат лек е масирање на стомачниот предел со етерично масло од камилица, јасмин, жалфија и гераниум што ги смирува грчевите и ги намалува болките.

Билниот чај подготвен од мешавина од малина, нане и маточина дава одлични резултати и ги намалува болките.

Ѓумбирот е одличен лек против болните менструации, а од него може да направите чај или да го додадете свежо рендан во некој друг чај.

Сварете неколку листови босилек во вода и подгответе си чај. Би требало да пиете по еден мал филџан на секој час, за време на менструалниот период. За да си го подобрите вкусот, може да додадете малку цимет. Ако ви е тешко да пиете чај од босилек заради вкусот, додајте го во храната која ја подготвувате. Слично дејство има и магдоносот.

5 начини како да ги победите менструалните болки

Хормоните се главен причинител за ментруалните болки, но постојат и други фактори како што се недостаток на витамини и минерали, пресолена храна и алкохол и кофеин.

Најчести симптоми на ПМС:

-нагли промени на расположението
-лоша концентрација
-умор
-зголемен апетит
-проблеми со спиењето
-главоболка
-болки и грчеви
-надуеност и отеченост
-дебелеење
-болка во градите

Ако препознавте некои од овие симптоми време е да ги земете работите во свои раце и со помош на мали животни промени да се ослободите од најлошите симптоми.

1. Вежби

Иако додека имате менструација не ви се прави ништо, а најмалку да вежбате, редовната, лесна физичка активност може значително да ги намали болките. Ќе ви го поправи и расположението, ќе ја засили циркулацијата и ќе ја намали подуеноста.

2. Исхрана

Во текот на циклусот јадете што повеќе овошје, зеленчук и цели житарки, но најважно е да избегнувате солена и блага храна, големи количини на алкохол и кофеин.

3. Сон

Многу жени во текот на циклусот или пред тоа не можат да заспијат или во текот на ноќта често се будат. Обидете се да бидете доследни и обидете се да отспиете 7 до 8 часа.

4. Стрес

Жените кои поминуваат низ стресен период две недели пред менструацијата имаат три пати поголеми шанси да имаат болен циклус и зголемени симптоми како раздразливост, тага и депресија, односно психички симптоми. Пронајдете го својот филтер со вежби за дишење, прошетка или некоја физичка активност.

5. Пушење

Иако пушачите нема да бидат одушевени со оваа теза, докажано е дека цигарите ги зголемуваат менструалните болки. Како поради здравјето така и поради ПМС-от најдобро е да престанете да пушите или барем намалете го бројот на цигари на минимум.