Анкета

Santijago напиша: Ако можеш да ми објасниш..дали воопшто знаеш кој споменик што претставува? Што претставува триумфалната капија? Што претставува барокната ограда од милион евра? Што претставува една судска зграда, кога веќе има повеќе судски згради во Скопје и тоа Основен суд 1, Основен суд 2, Управен суд, Врховен суд. Значи веќе имаат 4 згради, им фали уште нели? За што ќе се искористат неискористените? Или гради само па што ќе биде нека биде.  Кое е значењето на мостот око или како го викаат? Во тие 300-400 метри има 4 мостови, а уште малку понатаму уште 2.   Кое е значењето на менувањето на фасадата на онаа зградата на плоштад?  Има ли некоја историја жити се?

Секое уметничко дело не мора да носи национално историјско одбележје, нели ? Yметничките дела, без некоја специјална историјско-национална порака красат многубројни плоштади, улици и згради низ светот.

Инаку, мислам дека знам кој споменик што преставува. За оние кои не знам - прашувам. Човек не може с'е да знае, нели ? За некои, кои ми се допаѓаат како ументички дела, најчесто не прашувам.

Триумфалната капија преставува токму оноа што стои во нејзиното име - триумф. Труимф на македонскиот народ кој на крајот сепак се избори за своја независна држава, онака како што со векови сонуваа минатите генерации.

Не сум ја видел барокната ограда и немам мислење за неа.

Судската зграда за мене е една од најубавите градби во центарот на градот кој до сега изгледаше како соц-релистичка пустелија. Градбата е во духот со пошироката македонската историја (за оние кои секогаш многу гласно го подигаат тоа прашање), поставена е на право место, делува импозантно и го украсува центарот на градот.  Кога ќе се преселат судовите  ослободените згради ќе можат да бидат искористени за други државни потреби или можат да бидат продадени и така да се вратат парите дадени за новата градба.

Колку што можам јас да разберам, мостот "Око" е наменски направен за пешаци и поврзување на јужната страна од центарот на градот директно со судската палата, музеите и театрите. Колку што знам, се предвидуваат и некои други градби и реновации на таа страна од градот, па според сето ова заклучувам дека протокот на луѓе, особено без возила бидејќи на таа страна нема премногу места за паркирање, ќе биде преголем за да бидат акомодирани со постоечките мостови и инфраструктура.

Менувањето на фасадите на зградите спаѓа во нивно редовно одржување, нешто што во некогашната СФРЈ и првото десетлетие на РМ беше непоозната работа. Обновувањето на плоштадот знечи и обновување на фасадите на зградите околу него. Се надевам дека нема да се застане само таму, туку со време ќе се продолжи и со другите градби во градот и во Македонија.





Изменето од Messenger - 11.Мај.2012 во 17:19