Пуст остров

znam kolku si seriozen

zanikade emilce...

...pa, i ke bide pusto,

nisto ne zemam sam kje odam nikogo ne mi treba....

Британски Робинзон Крусо: За 8 илјади фунти си купил остров на Сејшели и 50 години ужива на него

Веќе 50 години Брендон Гримшоу живее на мирен тропски остров. Во 1962 година го си го купил сејшелскиот остров Мојени за 8 илјади фунти и се иселил од Лондон.

Гримшоу денес има 86 години, а деновите ги минува грижејќи се за желките и за птиците кои му се единственото друштво. Иако будењето со звуците на морето се чини како идилично, живото на островот на почетокот воопшто не бил таков. Кога го купил Мојени, островот бил обраснат со треви, до толку, што дури ни кокос не можел да падне на земја. Брендон неуморно работел за островот да го претвори во „мал дел од рајот“, пишува Дејли меил.

Сепак, животот во ваква дивина, раскажува Брендон не е само шетање и уживање. За време на неговиот престој тој преживеал многу тропски бури, напад од ајкула, пуч на Сејшелите, пирати, напади од платеници, па дури и духови.

Во интервјуто за Дејли меил вели дека прв пат на Сејшелите заминал во доцните 50-ти години од минатиот век, барајќи авантури откако претходно извесно време работел како новинар во Африка.

„Штом пристигнав, веднаш размислував да купам земјиште, но не можев да го пронајдам вистинското место. Дури на последниот ден од одморот разбрав за овој остров и кога го направив првиот чекор тука знаев дека ова место е вистинското за мене“ рекол тој.

Откако дошол на Мојени го вработил и Рене Лафортун, неговиот личен Петко, кој му помагал да го разубави островот. Островот на почетокот бил толку пуст што дури и птици не живееле таму. Тој ги пренесувал од соседните острови, но тие си заминувале. Дури по неколку обиди и по многу давање на храна успеал да ги задржи.
По години макотрпна работа успеал на островот да донесе вода, струја и телефон. Рене починал пред неколку години па сега единствено друштво му се желките, птиците и неколкуте кучиња. Кога новинарот го прашал дали се почувствувал осамено, Гримшоу рекол:

„Да, еднаш или двапати, додека живеев во гарсониера во Њујорк. Тогаш бев очаен, но тука, никогаш“.

Сепак, тој на островот не е потполно сам. Често го посетуваат туристи бидејќи островот е прогласен за Национален парк. За влез им наплатува по 10 фунти и им забранува да престојуваат преку ноќ, освен ако не се премисли. Саудискиот принц еднаш дури му понудил и празен чек во замена за островот, но Брендон нема намера да го продаде Мојени.

Една од причините поради која не сака да го продаде островот е и богатството од пиратите кое наводно се крие некаде на островот. Пред 200 години Сејшелите биле омилено прибежиште на пиратите, а еден од честите посетители бил и Оливер Левасур кој бил обесен на Маврициус во 1730 година. Легендата вели дека голем дел од неговото богатство се уште не е пронајдено и дека наводно се крие на овој остров. /www.kanal5.com.mk


Еве ви и човек кој навистина живее на пуст остров. И има 86 години и како што го гледам на сликиве доста витален ми изгледа. Дали е тоа можеби тајната за долг живот. Сам на пуст остров, без нервози, ти и природата, тугедр- форевр...