Самоубиство

Самоубиствена душа се вратила да убие повторно

Трагична и мистериозна приказна неодамна се случила во француското одморалиште Етрета. Сè почнало кога еден од туристите пријавил во полиција дека се исчезнати неговата 26-годишна сопруга и ќерката, која сè уште немала две години. Мажот изјавил дека пред извесно време ја изневерил сопругата и оти тоа може да биде причина за нејзиното исчезнување, земајќи ја со себе и ќерката, сакајќи да му се одмазди.

Откако го пребарале одморалиштето, спасувачите го откриле телото на жената, која скокнала со детето в раце од височина од седумдесет метри. Иако добило многу повреди, детето останало живо. На прв поглед изгледало како самоубиство, иако нејзиниот маж тврдел дека таа никогаш немала намера да се самоубие.

Но, тука не е крајот. Се случила уште една многу по потресна приказна. Само неколку часови пред трагедијата, на апсолутно ист начин животот си го одземала една 40-годишна жена. Според зборовите на локалните жители, совпаѓањето не е случајно. Првата жена која скокнала тој ден од карпата имала самоубиствени нагони, имала тешки психички нарушувања. Страдала поради изгубената младост и поради невозвратената љубов. Кога таа скокнала во карпите изгледа дека нејзината душа, според езотериците, не сакала да замине.

Имено, тие велат дека душата почувствувала оти наоколу има жена со проблеми и се насочила кон неа. На тој начин, со душа на 40-годишна жена-самоубиец, младата мајка одеднаш почувствувала необјаснива желба да стави крај на својот живот и одлучила дека треба да го земе со себе и детето.

Луѓето кои ги изучуваат законите на мистичните феномени велат дека таму каде што има самоубиство, често се случува околните жители да искусат желба да стават крај и на својот живот. Оваа мистерија сè уште не е објаснета. Дали е чиста коинциденција или навистина душите на самоубијците талкаат - на нас е да избереме во што ќе веруваме.