Ниско калоричните производи не влегуваат во категоријата корисни и безбедни, категорични се научниците од Харвард институт за јавно здравје.

Одамна е познато дека на бремените жени не им се препорачува да ги почитуваат диетите, бидејќи нивните идни деца можат да се разболат од астма и алергии. Овие денови се одржа конференција на која беа претставени резултатите од проверките на Ниско калоричните кисели млека, кои се исто така омилени и содржината на масни киселини во нив. Овие материи се содржани во повеќето млечни производи. Тие штитат од развојот на алергиска реакција.

Резултатите покажале дека млечните производи штитат од некои болести кај бремените жени, подобрувајќи го здравјето на мајката и плодот. Затоа е толку важна потрошувачката на млеко во овој период.

Сепак, ниско калорично производи не влегуваат во групата на корисните производи. Жените кои јадат ниско калоричен јогурт, имаат висок ризик да родат деца со предиспозиција за појава на астма и алергии. Експертите сметаат дека ниско калоричните компоненти на јогуртот играат водечка улога за зголемување на овој ризик.

Но, се работи за културен конструкт.

Луѓето во светот, дури и на Запад, немаат секогаш три оброци на ден. Моделот „три оброци дневно“ е конвенција од понов датум, која сега е потисната, како и се друго, па јадењето се повеќе станува работа на личен избор. Што, кога и колку често јадеме се помалку зависи од изборот на нашите семејства, соработници и други, а се повеќе и повеќе од желбите, личниот вкус и омилените стилови, како и маркетиншката шема како таа која ја промовира Тако Бел за јадење доцна во ноќта, позната како „Четврти оброк: Оброк меѓу вечерата и доручекот“. Како и кога ќе јадеме е како полнење на нашиот АјПод.

Многу нови студии бараат одговор на прашањето какви ефекти на здравјето има земањето на три оброци во текот на денот. Нивните наоди се далеку од конечните. Студијата на американското Министерство за земјоделие откри дека земањето на само еден оброк во текот на денот, за разлика од три нормални, ја намалува телесната тежина и масното ткиво, но го зголемува крвниот притисок. Истражувањето на Националниот институт за стареење откри дека земањето еден обилен оброк дневно, за разлика од три вообичаени, ја зголемува отпорноста на инсулин и нетолеранцијата на гликозата: две главни карактеристики на дијабетес од типот Б.

Студијата на Универзитетот Мастрихт покажа дека земањето најмалку четири мали оброци дневно го намалува ризикот од дебелина 45 отсто. Холандските истражувања исто така дојдоа до тоа дека луѓето кои го прескокнуваат доручекот повеќе се здебелуваат од тие кои редовно доручкуваат. Студијата на Универзитетот Отава откри дека земањето на многу оброци дневно не предизвикува слабеење.

Така направи и Францускиот центар за научни истражувања, кој го отфрли конзумирањето на повеќе оброци дневно: „Епидемиолошките истражувања кои сугерираат дека повеќе оброци се поврзани за слабеењето, се екстремно чувствителни на методолошки грешки“, предупредуваат нивните автори.

Истражувањето кое го спроведе Универзитетот Беркли покажа дека еднодневниот пост – еден ден пост, а следниот се јаде без ограничување – може да го намали ризикот од болести на срцето и ракот.

Истражувањето на ефектите кои настануваат од чести оброци е менливо, поради тоа што тоа вклучува многу варијабили: нутритивната содржина, времето во текот на денот, вежбите, генетиката. Така научничкото жири сеуште не се огласува.

- Не постои биолошка причина за земање на три оброци на ден, вели Пол Фридман, професор по историја на Универзитетот Јел, автор на книгата „Историја на вкусот“.

- Колку пати ќе јадеме на ден, во кое време и која храна, тоа „се културни модели, ништо поразлични од тоа колку блиску ќе стоите кога зборувате на луѓето или што да правите со своето тело кога зборувате. На луѓето им одговараат моделите на однесување затоа што се предвидливи. Ние се навикнавме на идејата за три оброци. Од друга страна, нашите распореди на обврски и нашите желби таа идеја секојдневно ја рушат се повеќе и повеќе, вели Фридман.

Во текот на поголемиот дел од историјата, оброците биле прилично променливи. - Средновековните селани од северот на Европа „го почнувале денот со пиво или леб или и двете, потоа на поле носеле храна и јаделе обилен оброк попладне, вели Фридман. - Тие можеле да имаат ручек во два попладне или во шест навечер, или пак подоцна – во зависност од работата, сезоната и други фактори. Навечер не јаделе премногу. Тогаш вечерата не била тоа што станала во последните два века.

Склоноста да се јаде на дневна светлина не била поради тоа што се сметало дека тоа е поздраво, туку затоа што готвењето, конзумирањето и чистењето било потешко во темница или при светлина на оган.

- Луѓето кои не биле богати настојувале да ги имаат сите три оброци пред да се стемни. Откако била измислена електричната струја, во почетокот само богатите можеле да ја користат, вели Фридман. - Од тогаш па наваму, едно од обележјата на богатството било јадењето доцна навечер. Земањето на храна откако ќе се стемни, бидејќи имате електрична енергија, било знак за висок статус, урбаност и одреден ранг.

Да се јаде доцна или во било кое време или на пример повеќе од три пати на ден, исто така одразувало нечија дистанца од двете главни сили кои во Америка ги стандардизирале трите дневни оброци: конвенционалниот работен распоред и традиционалниот семеен живот.

Во текот на 20 век, повеќето работници можеле да јадат само во посебно време.

- Кога ќе засвирела фабричката сирена во пет часот, тоа е време да се оди дома и да се руча. Но сега Американците јадат подоцна поради тоа што работат подолго од порано, или поради тоа што нивното работно време сега е пофлексибилно. Ние го напуштаме моделот за три оброци на ден, поради тоа што и членовите на семејствата имаат различни дневни распореди, како и поради фактот дека децата не сакаат да јадат исто што и нивните родители. Идејата на децата да се дозволи сами да ги изберат своите оброци и времето за јадење, била шокантна неколку децении порано, кога на семејната маса во текот на ручекот била актуелна мантрата – Јади тоа што има во чинијата, или – Јади грашок или нема колачи.

Но, семејната маса за јадење излезе од употреба. Што се случи прво: распаѓање на стандардното семејно јадро или пропаста на моделот со три оброци?

- Американските родители имаат посебен вид на вина во врска со исчезнувањето на семејните оброци, вели Фридман. Можеби поради добра причина: Најновото истражување на Универзитетот Минесота откри дека вообичаените заеднички семејни ручеци ја подобруваат исхраната, успешноста и вештината на меѓусебното однесување и го намалуваат ризикот од неумереност во исхраната. Електронските апарати исто така го рушија моделот на три оброци дневно. Тие одеднаш се центри на забава, работни простори и речиси другари на човекот. Нивната преносливост и постојана присутност ни дозволува да јадеме кога ќе престанеме да работиме, а да не ни биде досадно и да не чувствуваме дека сме сами додека јадеме.

- Исчезнувањето на семејните ручеци претходи на изумот на рачните електронски апарати“, вели Фридман. „Тоа не доведе до тоа, но со нив дојде до влошување. Сега, дури и ако се седне заедно на маса, не е јасно дали сите кои седат обрнуваат внимание едни на други.

Моделот на три оброци дневно, исто така беше на удар на индустријата за храна. Индустријата за храна сака да купите повеќе храна, што не тера да јадеме што е можно повеќе и почесто. Тоа имаше ефект, бидејќи Американците секогаш сакале да потрошат.

Бумот на местата каде можело да се седне да се јаде почна кон средината на 20 век и не престануваше. Глобалната снек (снацк) индустрија доживеа процут во руинираната економија и се проценува дека до 2015 година нејзината вредност ќе достигне до 330 милијарди долари. Само во САД малопродажбата на пакувани ужинки порасна од 56 на 64 милијарди долари од 2006 до 2010 година, а се очекува да достигне до 77 милијарди долари до 2015 година.

Нејасната линија меѓу ужинката и главните оброци сите работи ги промени. - Долгорочна последица е тоа дека било кој дел од денот стана време за јадење. Слабењето на моделот за три оброци дневно и растот на ужинките се во врска, иако не би сакал да кажам дека постои директна врска, вели Фридман. Друг вид стратегија на индустријата на храна е создавање на посебни видови на храна, базирани на возраста, етничката припадност, полот, животниот стил и локацијата. Пред неколку децени сите јаделе иста храна.

- Сега постои храна за деца, постои храна за тинејџери и постои храна за возрасни, така некои родители купуваат три пати повеќе храна, за разлика од нивните родители. Со нив се манипулира така што им се создава чувство на вина: Толку сум зафатен цела недела и толку малку квалитетно време посветувам на своите деца, па најмалку што можам да направам за нив е да им овозможам да јадат тоа што сакаат, а не да инсистирам на тоа си

Храната која прва ќе ја здогледаме кога ќе го отвориме фрижидерот и која ни е на дофат на раката, прва и ќе ја изедеме. Па така во првите редови сместете ги овошјето и зеленчукот, а калоричните и нездрави намирници нека бидат „во сенка“. Веројатноста е три пати поголема, луѓето да го изедат она кое прво ќе го здогледаат во фрижидерот, открива една студија која е работена во Њујорк и спроведена на повеќе од 200 испитаници.

- Местото на кое е поставена храната има големо влијание на човекот, бидејќи луѓето се склони да се определат за онаа храна која прва ќе ја здогледаат,  изјавува еден од главните експерти на оваа студија Брајан Вансинк.

- Ако ја поставите здравата храна пред калоричната, поголема е веројатноста да ја изедете онаа која е здрава. Помала е веројатноста дека ќе каснете од петата или пак осма намирница која доаѓа на ред, веднаш штом ќе дојдете „претепани“ од работа, објаснува Брајан.

Вансинк, исто така истакнува дека е добро калоричната храна да се става во затворени кутии бидејќи така не можете да видите што се наоѓа внатре

Осум јагоди со средна големина се доволни во целост да ја задоволат дневната препорачана количина од витамин Ц, затоа што јагодите содржат рекордно повисок процент од овој витамин во однос на јужното овошје.

Состојките во јагодите имаат моќни антиоксидантски својства. Затоа јагодите ги намалуваат последиците од воспалителни процеси во организмот, го чуваат здравјето на артериите и ги спречуваат ризиците од заболувања на срцето.

Јагодите содржат фолна киселина, форма на витаминот Б, неопходна за создавање на црвените крвни клетки, затоа се препорачуваат на трудници и на деца во раст. Една порција јагоди задоволува околу 20% од дневните потреби за фолна кицелина.

Сокот од јагоди во комбинација со малку мед ги ублажува иритациите или изгорениците од сонце на кожата. Смесата се нанесува на кожата, се остава кратко време, а потоа се измива со млака вода и малку лимонов сок.

Во 100 грама јагоди има 30 калории, што овозможува здрава, нискокалорична и вкусна ужина.

Јагодите содржат 90% вода, затоа брзо ја гасат жедта и се идеални за одржување на витка линија, особено кај оние кои се обидуваат да се ослободат од вишокот на некое килце.

Јагодите содржат протеини кои можат да предизвикаат алергиска реакција. Затоа треба да избегнувате да им ги давате на деца до 2 години, особено ако во семејството постојат случаи на алергија на јагоди.

Поради фактот што јагодите содржат фолна киселина, тие го помагаат забременувањето и ја намалуваат депресијата. Докажано е дека јадењето на јагоди директно влијае и во заштитата од рак. Ова слатко овошје содржи и антиоксиданси, кои помагаат против стареење.

Јагодите помагаат за заздравување на непцата. Кога немате достап до паста за заби и четка, преполовете 2-3 јагоди и со нив протријте ги забите и непцата. Потоа исплакнете со вода.

При консумирањето на јагоди ризик постои ако тие се прскани со штетни пестициди. Затоа, најдобро е да купувате јагоди во кутија на која е посочен произведувачот. Исто така треба да се внимава да не се консумираат од луѓе кои имаат алергични реакции на нив. Ако не сте сигурни дали сте алергични на јагоди или не, посетете лекар за да направите соодветен тест.

Последните истражувања покажуваат дека јагодите ја зголемуваат сексуалната активност кај мажите и плодноста кај жените. Причина за тоа е цинкот, кој се содржи во малите семки на јагодите. Тој го покачува нивото на тестостерон кај мажите, кое од своја страна води до зголемување на сексуалната активност.

Една нова студија сугерира дека јадењето на многу овошје и зеленчук може да им помогне на тинејџерите да ги победат менталните нарушувања на здравјето како што се депресија и анксиозност.

Студијата која вклучила 3.000 тинејџери, открила дека оние кои се на строги диети, оние кои конзумираат преработена и брза храна имаат поголема веројатност да имаат проблеми со своето ментално здравје.

Сите оние кои држеле диети имале најразлични симтоми на нарушување на нивното здравствена состојба .

Резултатите од оваа студија се во согласност со она што го имаме видено кај повозрасните, но сметаме дека е многу важно да се внимава уште од тинејџерските години, зошто токму ваквите проблеми во три четвртини од случаите се појавуваат на почетокот од полнолетсвото - изјавува Dr Felice Jacka.

Конзумирањето на здрава храна, богата со витамини и минерали, претставува превенција од сите болести. Тоа вклучува многу овошје, зеленчук, риба, мед, јаткасти плодови итн.