Очила

Чиј изум се очилата?

Точната година и името на оној кој ги измислил очилата се уште не се знае. Се знае само дека на сликата на кардиналот Угон од 1352 година, тој е претставен со две врамени сочива, чии дршки се закачени една за друга и прицврстени над очите.

Според ова, некаде околу 1266 и 1352 година некој ги измислил очилата.

1266 година е почетна точка, затоа што тогаш Роџер Бекон ги зголемувал буквите така што над книгата која сакал да ја прочита, ставал стаклена топка која му ги зголемувала буквите.

Откако се појавиле првите печатени книги се појавила и потребата од очила. Па бидејќи стакларите во тоа време биле сконцентрирани на територијата на северна Италија и Германија, во 16 век таму се правеле и очилата.

Во 1784 година, Бенџамин Франклин измислил бифокални очила (со два фокуса).

Очилата покрај то што служат како медицински помагала на очите, тие имаат и многу други намени.

На пример, очила за сонце, црвени очила за ноќните пилоти и фотографите, очила кои впиваат ултравиолетови зраци какви што користат скијачите, авијатичарите, планинарите и истражувачите, очила за работниците кои работат во големи печки со огромна температура и испарување и т.н.

Денес, постојат разни облици, форми и бои на очила, па во зависност од стилот на оној кој ги носи, варијантите се многубројни.