F1 Вести

Стујардите на Фиа, присутни на трката во Индијанополис донесоа одлука со која не се преземаат дисциплински мерки против учесниците во инцидентот од првиот круг на неделната трка за ГН на САД. Осум од вкупно 22 болиди кои стартуваа на патеката беа елиминирани во два одделни инциденти во првите два свиока, што беше поттик стујардите да покренат истрага. По разговорот со возачите инволвирани во двата засебни инциденти, стујардите заклучиле дека и двата инцидента се “несреќен случај” и за истите не се изречени казни.

За разлика од ова, се шпекулира со голема нервоза во редовите на Мекларен Мерцедес, каде што потегот на Монтоја со кој од игра се исфрла Кими, се смета за прелевање на чашата. Се слушнаа шпекулации дека Хауг бара Монтоја да биде отпуштен пред крајот на сезоната, а на негово место да вози Педро де ла Роса. Дополнително, други високи претставници на Мерцедес изјавиле дека идеалната постава за идната година на нивниот тим треба да биде Кими и Фернандо. Монтоја наводно преговара со БМВ Заубер, Рено и Ред Бул, но не ја исклучува и опцијата за враќање во Инди рејсинг лигата.