Либерал-демократите: сателити или трета опција

Либерал-демократите во Македонија, очигледно се и против власта, и против опозицијата. Со плукање и по едните и по другите, се обидуваат да покажат дека “20 години Македонија и нејзините граѓани се заложници на двете најголеми партии кои си играат со народот“.

Кога СДСМ ја напушти работата на Собранието и повика на бојкот, либерал-демократите изјавија дека нив местото им е во Собранието, за каде ги бирал народот.

По бегањето на нивниот поранешен сопартиец, Стевче Јакимовски, се во ептен лоши односи со СДСМ. Обвинуваа тогаш за заговор против нив и обид за уништување на нивната партија.

Иако во Собранието настапуваат со речник достоен за либерал-демократијата, од нивните постапки се гледа дека во реалноста применуваат неконвенционални за нив, мерки и средства.

Ги сметате за сателити, или навистина можат да бидат трета опција на македонската политичка сцена?

Изменето од Liberation - 27.Февруари.2011 во 11:17

Самобендисана структура која народот не може да ја разбере...Јас ја разбирам Роза Топузовска Каревска и ја почитувам...но лигавите не...

Liberation напиша: Кога СДСМ ја напушти работата на Собранието и повика на бојкот, либерал-демократите изјавија дека нив местото им е во Собранието, за каде ги бирал народот. Ги сметате за сателити, или навистина можат да бидат трета опција на македонската политичка сцена?

Не поддржувам бојкот, како опција за решавање на политички проблеми или недоразбирања, па ми се допадна изјавата на Манасиевски или Жерновски (не знам кој беше), како негативна реакција на безобразниот ултиматум од Гроздан Георгиев од СДСМ: либерал-демократите да одлучеле која страна ќе ја фатат, оти не можело да бидат ниту-риба-ниту-девојка!...
 
Со вакви изјави, политичарите од двете најголеми партии ја минираат опцијата “центар“ кога таа не е ставена во нивна функција т.е. одбива да биде нивни сателит.

Тешко во нашето длабоко биполарно лево-десно општество да заживее и зајакне трета, централна опција, и покрај сето незадоволство на народот од претходните две.
Некако полесно му е народот да се приклони кон некоја од крајностите, како екстрем, отколку кон умерен центар.
За тоа се виновни и самите партии и партиички кои се декларираат како политички центар, а за возврат не нудат ништо како програма.




Изменето од Анастеа - 03.Март.2011 во 04:07

Ама која трета опција- па тие беа коалиционери во владата на Црвенковски и дури имаа двајца или тројца министри. Мене некако ми се многу слични на Ѕинговистите-малку членство а многу силни места добиваат (иако на либералите не може да им се негира стручноста-нивна Роза ми е една од малкумината  конструктивните пратеници).
Еден мој пријател е многу во право кој вели дека ние нема да видиме аир додека на прво место се ставаат партиските интереси (и лидерите) а после на државата. Чим народен пратеник ( и министер) слуша лидер на партија и му одговара само нему, а не на премиерот и се додека и да згреши министер (пратеник) партијата застанува во одбрана-нема одење напред.
Тоа е пракса на сите партии, ама најголема вина секогаш за мене ја има партијата која е на власт (тоа важи и за тие што досега биле и за сегашниве). Чим тие не пресечат во корен кон свој “грешник“ , немаат лице да бараат и од другите.
Затоа и не гледам некоја надеж во либерал-демократите. И тие ми се некако -вода на свој млин- праат се да си се задржат на власт- а не се власт- секогаш се со некој друг на кој можат да ја префрлат вината. 


Изменето од mamamd - 13.Март.2011 во 10:21

Многу ветувања имало денеска од либерал-демократите на партискиот конгрес?

Намалување на бројот на министерствата и бројот на пратениците според мене е сосема ОК и нешто на што треба да се размисли.
Но онаа небулоза за укинување на данокот на добивка... се прашувам како го замислуваат тоа или е само едно популистичко ветување во обид за прибирање гласачи?

И бисерот со музеите за Бранко и Грујо: во едниот кустоси ќе биле Ефтов и Геровски, во другиот Миленко и Латас...

ЛДП се таква партија која што никогаш не ги бирала средствата за да стигне до власта поради личните интереси. Некогаш блиски до ВМРО некогаш до СДСМ .. зарем тоа не наликува на партија сончоглед ?!? Сите оние кои не се согласуваа со тој начин на работа преминаа во СДСМ како единствена опција според нивните убедувања. Таква партија неможе ниту да наликува на сателит партија а камоли партија која ке биде способна самостојно да излезе на избори !! Незнам како планираат да ја добијат довербата на народот   

Абе ако видиме една работа досега ако ништо друго ,предложија некои работи ,а тие кој сакаше да ги слушне ,се протнаа во етерот со исказите,
зошто ни се 120 пратеници,со ова парче земја, многу се и 90,значи помалку лапачи,потоа зошто има толку министерства, овде се доволни и 15,а последното им беше најјако ,а тоа е со освојување на власт,секој полнолетен граѓанин би добил во акции од преостанатиот државен капитал,нешто како во Словенија.
Тие работи никој не ги гледа,демек само лажната идеологија на дпмне и квази економијата на црвенковци,па удри,е тука е бескрајот...
П.С. Јас би им предложил да стават уште императивен мандат за пратеник,па кој неработи ќе биде отповикан по кратка постапка.