Каде ќе одите на зимување?

Еве ви ја поевтината варијанта за престој од хотелите - Хостел!

Нема потреба да фрлате многу пари за престој во било која дестинација која сте ја одбрале за ваш зимски одмор.

И онака нема да се приберете во станот преку целиот ден, па нели се патува за да се разгледа се што нуди градот?! Затоа хостелите се поевтина опција за сместување кога патувате низ Европа, од хотелите.

Секако, пониската цена на собите ја намалува и приватноста, посебно ако се сместите во соба со повеќе кревети која ќе ја делите со непознати. Но, можете да си го олесните сместувањето и да си го направите попријатно.

Не треба да заборавите да понесете:

- Чепчиња за уши. Не знаете дали некој од цимерите ќе ‘рчи. А често и алкохолизирани млади врескаат по ходниците.

- Маска за очи за спиење. Не знаете кога ќе ви се враќаат цимерите па палењето светло може да ви пречи.

- Апостолки или папучи. Хостелите имаат заеднички тоалет на кат, и најдобро е да се туширате во папучи.

- Голема крпа или бањарка, затоаш што нив ги нема по хостелите.

- Торбичка со хигиенски препарати. Ставете ја козметиката на едно место за да не носите неколку ташнички кога одите на туширање.

- Навлаки за перница. Ако имате чувствителна кожа задолжително понесете навлака од дома.

Ако сето ова ви изгледа премногу мачно, но и ако буџетот ви дозволува, отседнете во хотел, вие можеби и немате авантуристички дух!