Преговори за името

Не ја разбирам ни ЕУ (ни НАТО претходно). Самите велат дека сме ги исполниле условите поставени од нив, а не не` примаат во членство. За да бидеме примени бараат да се самоукинеме како народ, односно самите да ги прекршиме нашите човекови права за самоиндентифицирање и самоименување. Само затоа што во 1989 година на Грција и паднало на ум со името на нашата земја (тогаш држава од југословенската конфедерација) да ја именува својата северна покраина. Да потсетам дека ние нашето име го имаме званично од 2 август 1944та година.

Прогрчките политички и медиумски сили во Македонија не убедуваат дека немаме врска со античка Македонија. Демек сме имале словенска култура. Колку што ми е познато Словените биле пагани, а македонската култура е доминантно христијанска. Што значи Словените ја примиле од античките Македонци. Наводно сме користеле словенски јазик и тоа е крунски доказ дека сме Словени. Јас познавам Власи што не го знаат влашкиот туку зборуваат македонски јазик. Значи ли дека станале македонски Словени. Сум доаѓал во контакт и со Македонци од дијаспората што не знаат македонски туку користат англиски јазик. Значи ли тоа дека станале Англичани? Јас себе си се сметам за Македонец иако само татко ми е Македонец по род и немам намера да се откажам од античко македонскиот дел во мене. Иако го имам двојно помалку од еден просечен Македонец. Не можам да се откажам од идентитетот поради татко ми, дедо ми, баба ми и другите предци кои се родиле и умреле како Македонци. И поради идните генерации. Ниту ЕУ ниту НАТО не можат да ме поколебаат во тоа. Посебно не под притисок на една земја со која имаме договор дека не смее да не блокира за влез во меѓународни организации под референцата БЈРМ. И која не ни се извинила за геноцидот извршен во граѓанската војна.