Гради или задник?

Новата техника за зголемување на градите и намалување на струкот во која се користат матични клетки,  наскоро ќе биде достапна за жените во Велика Британија. Третманот се состои од вбризгување  матични клетки во градите земени од масното ткиво на струкот или бедрата.

Хирурзите тврдат дека градите изгледаат многу поприродно отколку кога се зголемуваат со силиконски имплатанти. Со помош на новата техника градите можат да се зголемат само за една големина, но научниците тврдат дека тоа ќе се промени откако ќе се усоврши техниката.

- Резултатите се одлични. Веднаш можете да ги забележите градите во кои има вградено силикони, но со новата техника тие изгледаат многу поприродни и поубави. За неколку години силиконите ќе станат минато, изјави еден пластичен хирург од Англија за весникот Daily Mail.

Научниците новата техника ја испробаа кај дванаесет Британки кои поради карцином морале да ги оперираат градите. Во текот на април хирурзите планираат да извршат тестирање на 30 волонтерки од Англија.
До крајот на 2009 година новата техника на зголемување на градите ќе биде достапна и за приватните пациенти, а цената ќе се движи околу 6.500 фунти.