Поуки од Светите Отци

Богочовекот е осовина на сите светови: од атомски до херувимски. Ако се откине од него било што веднаш се чувствува ужас, мака и страдање. Се откина Луцифер и постана Сатана, се откинаа и ангелите и постанаа демони, се откина и човекот во многу работи и постана нечовек. И секоја работа што ќе се откине од Него се претвора во тага и хаос. А кога народот како целина ќе се одрече од Богочовекот, тогаш неговата историја се претвора во патување низ пеколот и неговите стравотии. Богочовекот не е само основна Вистина на Православието, туку и сила и семоќ на Православието, бидејки единствено Тој го спасува човекот од смртта, гревот, и ѓаволот.

Преподобен отец Јустин Нови (Ќелијски)

Изменето од Orthodul - 16.Декември.2008 во 00:01

старец Ефрем Филотејски

Колку повеќе Исусовата молитва нè соединува со Христа толку повеќе нè одвојува од ѓаволот. И не само од ѓаволот туку и од духот на овој свет, кој ги причинува и поддржува страстите.     

Старечник
Говореа како авва Јован Колов кога се упатил еднаш кај некој од тивејските старци во Скитот, останал во пустината. А аввата, кога го зел неговиот сув стап, го засадил и му рекол: „Полевај го секој ден дури не донесе плод.“ А водата била толку далеку од нив што одел навечер а се враќал наутро. И така, после три години, оживеал стапот и донел плод. А старецот, кога го зел неговиот плод, го однел в црква, и им рекол на браќата: „Земете, јадете од плодот на послушанието“. Го прашле авва Исаија: „Што е озборувањето?“ А тој одговорил: „Непознание на славата Божја и завист кон ближниот.“

Свети Максим Исповедник

Ако сакаш да го пронајдеш патот што води кон животот, тоа барај го во оној Пат, Кој Сам за Себе вели: Јас сум патот, вистината и животот (Јн. 14, 6), и таму ќе го пронајдеш. Но, барај го со голем напор, зашто малкумина го наоѓаат (Мат. 7, 14); во спротивно, ќе отпаднеш од тие малкумина, и ќе бидеш во мнозинството.

Опитен напиша: старец Софрониј Световната мудрост не може да го спаси светот. Собранијата, владите, многусложените организации на најразвиените современи држави на земјата се немоќни. Човештвото страда бескрајно. Единствен излез е да ја најдеме мудроста внатре во нас, решението да не живееме согласно земните идеи, туку, да го следиме Христа.

Taka e , amin!

Свети Симеон Нов Богослов

Во сегашниов живот, кога преку покајанието слободно и доброволно влегуваме во Божјата светлина, ние сме обвинети и судени; меѓутоа, со Божјата љубов и милосрдие, ова обвинување се врши во тајност, во длабочините на нашата душа, за наше очистување и за прошка на нашите гревови. Тогаш, само Бог и самите ние ги гледаме длабочините на срцата наши. Оние што во овој живот трпат ваков суд, нема што повеќе да се плашат од друг испит.

Радувајте се секогаш во Господа, и пак ќе речам: радувајте се!
(Филипјаните 4:4)


Свети Игнатиј Брчанинов, не повикува на Плачење и Тажење, а Светиот апостол Павле не повикува да се Радуваме секогаш во Господа Исуса Христа.

Сега браќа мои Православци, ме ставивте во дилема, дали треба да тажиме и да плачиме или да се радуваме во Господа Исуса Христа затоа што ја победи смртта и ни донесе спасение преку неговата крв пролеана на Голгота?

Те повикувам тебе брате ПРАВОСЛАВЕН, да ми разјасниш и објасниш околу оваа работа, бидејќи според ова што го изнесуваат твоиве православни соверници, и тоа што го зборува апостол Павле во Библијата, јас се најдов во Конфузија, незнам дали да плачам или да се радувам во Исуса Христа?

Ти иако православец, твоиве постови некако најубаво Библиски ми се објаснети, па те замолувам објасни нешто околу оваа работа. Останативе твои соверници Православци некако контраверзни се во своите ставови, поготово на она што го зборува и тврди Библијата.