Олимписки игри-Пекинг 2008

ОЛИМПИСКА ПРОГРАМА ЗА ВТОРНИК, 12/08

02.30 Хокеј на трева, 1.коло (ж)

03.00 Ракомет, Бразил-Хрватска (м)

03.00 Кошарка, Иран-Литванија (м)

03.00 Стрелаштво, 50м в.пиштол (м), двоен трап (м)

03.00 Одбојка на плажа, мажи и жени, 1.коло

03.30 Борење, грчко-римски с., 60кг (м), 55кг (м)

03.30 Софтбол, натпревари по групи

03.30 Ватерполо, Канада-Црна Гора (м)

04.00 Одбојка, Русија-Германија (м)

04.00 Стреличарство, жени

04.00 Бадминтон, мажи/жени

04.00 Гимнастика, повеќебој (м) финале

04.00 Мечување, сабја (м) финале

04.00 Кревање товар, 69кг (м) финале

04.15 Пливање, 200 м слободно (м) финале

04.20 Пливање, 100 м грбно (ж) финале

04.30 Пливање, 100 м грбно (м) финале

04.30 Тенис, мажи/жени, 3.коло

04.45 Ракомет, Египет-Русија (м)

04.50 Ватерполо, Шпанија-Австралија (м)

04.45 Пливање, 100 м градно (ж) финале

05.15 Кошарка, Русија-Хрватска (м)

06.00 Џудо, 81кг (м), 63кг (ж) финале

06.00 Одбојка, Египет-Полска (м)

06.10 Ватерполо, Италија-САД (м)

06.30 Одбојка, САД-Италија (м)

07.00 Едрење, 470 (м/ж), РС-Х (м), ласер (м/ж)

07.30 Бокс, мува к./бантам к., 1.коло

08.00 Ракомет, Кина-Франција (м)

08.00 Ватерполо, Грција-Унгарија (м)

08.30 Кошарка, Грција-Германија (м)

08.30 Одбојка, Србија-Бразил (м)

08.30 Скокови во вода, 10 м синх. (ж) финале

09.00 Кану/Кајак на брзи води, Ц1 (м), К1 (м) финале

09.20 Ватерполо, Србија-Хрватска (м)

09.45 Ракомет, Шпанија-Полска (м)

10.00 Веслање, двоец (м/ж) финале

10.40 Ватерполо, Германија-Кина (м)

10.45 Кошарка, Кина-Шпанија (м)

11.00 Фудбал, КОР-ГЕР, НГР-БРА (ж)

12.30 Пливање, квал.

13.00 Ракомет, Ј.Кореја-Данска (м)

13.15 Коњички спорт, скокови финале

13.45 Фудбал, САД-НЗЕ, КИН-АРГ, ШВЕ-КАН, НОР-ЈАП (ж)

14.00 Кошарка, Ангола-САД (м)

14.00 Одбојка, Венецуела-Кина (м)

14.45 Ракомет, Исланд-Германија (м)

16.00 Одбојка, Јапонија-Бугарија (м)

16.15 Кошарка, Аргентина-Австралија (м)

ОЛИМПИСКА ПРОГРАМА ЗА СРЕДА, 13/08

02.30 Хокеј на трева, мажи, 1.коло

03.00 Кошарка, Белорусија-Русија (ж)

03.00 Ракомет, Русија-Бразил (ж)

03.00 Одбојка на плажа, мажи/жени

03.00 Стрелаштво, 25м в.пиштол (ж) финале

03.30 Борење, грчко-римски с., 76кг (м), 66кг (м)

03.30 Софтбол, натпревари по групи

04.00 Пинг-понг, двојки (м/ж)

04.00 Кревање товар, 77кг (м), 69кг (ж) финале

04.00 Бадминтон, жени 1/4 финале

04.00 Одбојка, Италија-Алжир (ж)

04.00 Мечување, флорет (м)

04.00 Стреличарство, мажи

04.10 Пливање, 200 м слободно (ж) финале

04.15 Гимнастика, повеќебој (ж) финале

04.20 Пливање, 200 м пеперутка (м) финале

04.30 Безбол, 1.коло

04.45 Ракомет, Романија-Франција (ж)

05.10 Пливање, 200 м мешано (ж) финале

05.15 Пливање, 4х200 м слободно (м) финале

05.15 Кошарка, Шпанија-Чешка Р. (ж)

05.30 Велосипедизам, трка на хронометар (ж)

06.00 Џудо, 70кг (ж), 90кг (м)

06.00 Одбојка, Венецуела-САД (ж)

06.30 Одбојка, Русија-Казахстан (ж)

07.00 Едрење, мешани двојки, ласер (м/ж), фин (м), инглинг (ж)

07.00 Ватерполо, жени

07.30 Велосипедизам, трка на хронометар (м)

07.30 Бокс, лесна-мува к., тешка к., 1.коло

08.00 Ракомет, Ј.Кореја-Шведска (ж)

08.30 Кошарка, Бразил-Летонија (ж)

08.30 Скокови во вода, 3м синх. (м) финале

08.30 Одбојка, Србија-Бразил (ж)

08.50 Веслање, сингл (м) 1/2 финале

09.00 Кану/Кајак на брзи води, Ц2 (м), К1 (ж) квал.

09.45 Ракомет, Кина-Ангола (ж)

10.00 Тенис, мажи, жени 1/8 финале

10.45 Кошарка, Нов Зеланд-Кина (ж)

11.00 Фудбал, ХОЛ-ЈАП, КОР-ХОН, КАМ-ИТА, НГР-САД (м)

12.30 Пливање, квал.

13.00 Ракомет, Норвешка-Казахстан (ж)

14.00 Одбојка, Куба-Кина (ж)

13.15 Коњички спорт, дресура

13.45 Фудбал, АРГ-СРБ, БСК-АВС, НЗЕ-БЕЛ, КИН-БРА (м)

14.00 Кошарка, Австралија-Ј.Кореја

14.45 Ракомет, Германија-Унгарија (ж)

16.00 Одбојка, Полска-Јапонија (ж)

16.15 Кошарка, Мали-САД (ж)

РАКОМЕТ - ВО ПОСЛЕДНИТЕ СЕКУНДИ ОД СРЕДБИТЕ ОД 2. КОЛО БРАЗИЛ ИСПУШТИ ПОБЕДА

Томори ја спаси Унгарија

Репрезентативката на Унгарија, Сузана Томори е херојот на денот во унгарскиот состав бидејќи нејзиниот гол постигнат на една секунда пред крајот на мечот со Бразил и донесе еден бод на нејзината селекција.

Унгарките беа далеку подобриот противник во дуелот со "кариоките" во поголемиот дел од средбата. Почнаа одлично и за само три минути веќе создадоа позитива од три гола, 3:0. Добриот старт беше причина за одлично продолжение на средбата во кое одеа чекор по чекор. Иако Бразил успеваше да намали и да дојде до водство на моменти, сепак, тоа не беше никаква причина за разочарување и некаде на средина на полувремето Унгарија одново направи позитива од три гола. Поведе со 10:7 и најави дека до крајот на првиот дел уште повеќе ќе ја зголеми разликата.

Највисоката разлика се случи во 26 минута кога на семафорот стоеше резултат од 16:10. Анита Горбич ги предводеше своите до одличен резултат и успеваше да ја одржува позитивата, па на паузата се замина со водство од 17:12.

Она што се сработи во првиот дел беше уништено и загубено по само неколку минути во продолжението од натпреварот. Бразил предводен од Едуарда Аморим која беше најдобрата на теренот играше с$ подобро. За пет минути ја анулираше негативата и тоа со серија од 5:0. Тоа најдобро го покажува резултат од 17:17 во 35 минута по што мечот одново доби тензија и динамичност, па двете селекции влегоа во продолжението со многу поголема желба.

До средината на второто полувреме Унгарија постојано беше во предност, а Бразил успеваше да намали или да израмни. Така беше с$ до 50 минута, кога следуваа шест минути со многу грешки и без ниту еден погодок, па Бразилките дојдоа до водство од 26:25. Веднаш потоа водството беше зголемено и на два гола, а на 30 секунди до крајот по нерешените 27:27, Аморим ја доведе во водство својата репрезентација и со тоа и даде шанса за победа. Последниот напад го имаше Унгарија, а на секунда пред крај Сузана Томори ја имаше решавачката улога. Одговорноста беше за неа. Успеа да најде простор крај одбраната на Бразил и "живиот ѕид" кој го направија пред голот на Масон. Топката го најде вистинското место и се најде во голот за голема радост на Унгарките бидејќи успеаја да спасат веќе загубен меч.

После ова коло на табелата во групата "А" с$ е како што се очекуваше. Романија, Норвешка и Франција имаат по четири бода, додека Ангола, Кина и Казахстан ќе се борат за последното место кое води во четвртфиналето. Во другата група само Шведска е без бодови, а дури три екипи се со три бода, што не им гарантира сигурност за продолжението.

Тежок пораз за Германија

Репрезентативките на Германија претрпеа тежок пораз на мечот против Кореја бидејќи конечните 30:20 секако се вистинска катастрофа за Бундес составот. Иако се очекуваше тежок дуел, сепак, никој не можеше да претпостави дека Кореја ќе успее да дојде до вака висок триумф.

Противникот на Македонија на Европското првенство во декември на овој меч немаше никакви шанси и потполно разочара, така што овој резултат е потполно реален за случувањата на теренот.

"Имавме многу проблеми во одбраната. Не успевавме навреме да затвориме и тоа оставаше многу простор за противничките ракометарки. Корејките знаеја како да го искористат ова, а ние во нападот одигравме далеку полошо од првиот дуел, така што на овој меч не можевме повеќе", вели Стефани Мелбек.

Аморим, најдобра на теренот

По просечниот настап на првиот меч против селекцијата на Германија, Едуарда Аморим одигра фантастичен дуел против Унгарија и доколку Бразил победеше на овој меч тогаш таа ќе беше најзаслужната. Аморим беше најефикасна со вкупно десет погодоци, а најдоброто од с$ е што имаше само еден нереализиран удар во текот на целиот меч. Секако за одбележување е и тоа што на теренот мина само 22 минути, а успеа да постигне десет гола.

ВЕСТИ ОД МАШКИОТ ТУРНИР

Исланд без Гудјон Сигурсон

Покрај Ивано Балиќ уште еден ракометар се жали на повреда после одигрувањето на првото коло. Гудјон В. Сигурсон од Исланд најверојатно ќе го пропушти следниот меч, а причината за тоа е повредата на ногата. Нема прецизна информација за колку сериозна повреда се работи, така што засега сигурно е дека ќе го нема во 2. коло против Германија.

Кнудсен "закачи" стомачен вирус

Пикерот на репрезентацијата на Данска, Михаел Кнудсен има здравствени проблеми и најверојатно ќе има смалена минутажа на дуелите од 2. и 3. коло. Информациите говорат дека тој има стомачни проблеми кои го оневозможуваат да одработи с$ според планот. Поради тоа веројатно селекторот ќе му дозволи да мирува и ќе игра само доколку за тоа има вистинска потреба.

СТАТИСТИКА

2. КОЛО

ГРУПА "А"

КАЗАХСТАН 18 (8)

ФРАНЦИЈА 21 (10)

Казахстан: Парфенова (14 одб.), Ајидерскаја 7, Иљукина 4...

Франција: Лејно (9 одб.), Лакраб 6, Бадоуин 3, Кано 3...

АНГОЛА 17 (6)

НОРВЕШКА 31 (14)

Ангола: Педро (5 одб.), Де Алмеида 5, Бенгу 3, Бернардо 3...

Норвешка: Харалдсен (12 одб.), Ригелхут 6, Ларсен 5, Лунде 4...

КИНА 20 (11)

РОМАНИЈА 34 (17)

Кина: Хуанг (4 одб.), Веи 6, Ј. Лиу 4, К. Лиу 4...

Романија: Дину (12 одб.), Амареи 9, Маер 8, Станка 6...

ГРУПА "Б"

БРАЗИЛ 28 (12)

УНГАРИЈА 28 (17)

Бразил: Масон (14 одб.), Аморим 10, Насцименто 6, Оливеира 4...

Унгарија: Палингер (13 одб.), Горбич 8, Сцаморански 6, Ковачич 6...

КОРЕЈА 30 (12)

ГЕРМАНИЈА 20 (9)

Кореја: Лее (19 одб.), Хонг 6, Хух 5, Парк 5...

Германија: Волтеринг (11 одб.), Јурак 4, Лорпер 4, Херинг 3...

ШВЕДСКА 24 (12)

РУСИЈА 28 (14)

Шведска: Грундстром (13 одб.), Фреден 6, Алм 5, Торстенсон 4...

Русија: Суслина (6 одб.), Туреј 6, Поленова 4, Шипилова 4...

РАСПОРЕД И РЕЗУЛТАТИ

ЖЕНИ

ГРУПА "А"

1. КОЛО

Франција - Ангола 32:21 (13:14)

Романија - Казахстан 31:19 (13:10)

Норвешка - Кина 30:23 (13:12)

2. КОЛО

Казахстан - Франција 18:21 (8:10)

Ангола - Норвешка 17:31 (6:14)

Кина - Романија 20:34 (11:17)

3. КОЛО (13.08.2008)

04:45 Романија - Франција

09:45 Кина - Ангола

13:00 Норвешка - Казахстан

4. КОЛО (15.08.2008)

03:00 Казахстан - Кина

09:45 Романија - Ангола

13:00 Франција - Норвешка

5. КОЛО (17.08.2008)

04:45 Ангола - Казахстан

08:00 Норвешка - Романија

09:45 Франција - Кина

ТАБЕЛА

1. Романија 2 2 0 0 65:39 4

2. Норвешка 2 2 0 0 61:40 4

3. Франција 2 2 0 0 53:39 4

4. Казахстан 2 0 0 2 37:52 0

5. Кина 2 0 0 2 43:64 0

6. Ангола 2 0 0 2 38:63 0

ГРУПА "Б"

1. КОЛО

Унгарија - Шведска 30:24 (15:14)

Русија - Кореја 29:29 (16:13)

Германија - Бразил 24:22 (11:12)

2. КОЛО

Бразил - Унгарија 28:28 (12:17)

Кореја - Германија 30:20 (12:9)

Шведска - Русија 24:28 (12:14)

3. КОЛО (13.08.2008)

03:00 Русија - Бразил

08:00 Кореја - Шведска

14:45 Германија - Унгарија

4. КОЛО (15.08.2008)

04:45 Бразил - Кореја

08:00 Германија - Шведска

14:45 Унгарија - Русија

5. КОЛО (17.08.2008)

03:00 Шведска - Бразил

13:00 Русија - Германија

14:45 Унгарија - Кореја

ТАБЕЛА

1. Кореја 2 1 1 0 59:49 3

2. Унгарија 2 1 1 0 58:52 3

3. Русија 2 1 1 0 57:53 3

4. Германија 2 1 0 1 44:52 2

5. Бразил 2 0 1 1 50:52 1

6. Шведска 2 0 0 2 48:58 0

РАСПОРЕД И РЕЗУЛТАТИ

МАЖИ

ГРУПА "А"

1. КОЛО

Хрватска - Шпанија 31:29 (16:11)

Франција - Бразил 34:26 (19:11)

Полска - Кина 33:19 (21:10)

2. КОЛО (12.08.2008)

03:00 Бразил - Хрватска

08:00 Кина - Франција

09:45 Шпанија - Полска

3. КОЛО (14.08.2008)

04:45 Полска - Бразил

09:45 Кина - Шпанија

14:45 Франција - Хрватска

4. КОЛО (16.08.2008)

03:00 Бразил - Кина

08:00 Франција - Шпанија

13:00 Хрватска - Полска

5. КОЛО (18.08.2008)

04:45 Шпанија - Бразил

09:45 Хрватска - Кина

14:45 Полска - Франција

ГРУПА "Б"

1. КОЛО

Русија - Исланд 31:33 (16:19)

Германија - Кореја 27:23 (10:13)

Данска - Египет 23:23 (11:10)

2. КОЛО (12.08.2008)

04:45 Египет - Русија

13:00 Кореја - Данска

14:45 Исланд - Германија

3. КОЛО (14.08.2008)

03:00 Германија - Египет

08:00 Кореја - Исланд

13:00 Данска - Русија

4. КОЛО (16.08.2008)

04:45 Египет - Кореја

09:45 Русија - Германија

14:45 Данска - Исланд

5. КОЛО (18.08.2008)

03:00 Исланд - Египет

08:00 Русија - Кореја

13:00 Германија - Данска

ОДБОЈКА - РЕПРЕЗЕНТАЦИЈАТА НА РУСИЈА СО ГОЛЕМИ ПРОБЛЕМИ НА ВТОРИОТ НАТПРЕВАРУВАЧКИ ДЕН ВО ПЕКИНГ

Вицешампионот декласиран од "караоките"

Актуелниот светски шампион и сребрениот тим од Атина, Русија, го доживеа вториот пораз во натпреварувањето по групи откако вчера со максимални 3:0 беше совладана од освојувачот на Светскиот гран при 2008, Бразил. "Караоките" го декласираа рускиот состав, одиграа беспрекорно и доминираа во секој елемент во полето. "Зборнајата" во текот на целиот меч се трудеше да ја пронајде својата игра и да му возврати на противникот, но темпото кое го наметнаа Бразилките беше недостижно. Руската селекција имаше скромни 14 освоени поени во првите два сета, односно 16 во последниот.

Останатите две двојки од групата "Б" завршија со максимални резултати, 3:0 за фаворитите. Србија имаше лесна задача против аутсајдерот Алжир, прикажувајќи доминантна игра на мрежата, особено со нападите на средните блокери за кои одбраната на Алжир немаше одговор. "Аѕурките" дојдоа до втората победа во мечот против Казахстан. Пичинини со 12 освоени поени ја предводеше италијанската селекција во новиот триумф со кој Италија се задржа на третото место во групата веднаш зад лидерот Бразил и Србија.

Разигрувањето во "А" групата го отворија САД и Куба, дуел во кој Кубанките неочекувано лесно стигнаа до убедлива победа од 3:0 против американската репрезентација. Куба со силен сервис ја разниша играта на противникот, што им овозможи потоа лесно да ја прочитаат тактиката на Американките и да бидат беспрекорни на мрежата.

Олимпискиот шампион Кина запиша нова два поена откако ја совлада Полска со 3:1 во сетови. Полјачките го добија првиот сет со 25:22, но во продолжението домаќинот го исфрли од игра противникот. По изедначувањето на Кина на 1:1 во сетови, Полска проба да наметне свое темпо, но брзо ја загуби иницијативата и Кинеските поведоа со 2:1. Полска имаше предност од 22:20 во завршницата на четвртиот сет и можеше да се избори за продолжение, но минималниот пад на концентрацијата беше доволен Кина да направи серија од 5:0 и со 25:22 да го добие сетот за конечна победа од 3:1.

Во последниот натпревар од 2. коло кај дамите се сретнаа Јапонија и Венецуела, меч во кој Јапонките лесно стигнаа до максимална победа од 3:0 во сетови.

Русинките имаат проблем со пристапот

Според селекторот на Русија, Џовани Капрара, причината за вториот по ред пораз на неговата екипа е раниот почеток на натпреварите, како и менталниот склоп на руските одбојкарки кои ќе мораат да го променат односот доколку сакаат да дојдат до позитивен резултат во продолжението на Олимпијадата.

"Почетокот на натпреварите е ран како за нас така и за нашите противници, но тука се судираме со различен менталитет. За руските тимови утринските мечеви се тешки бидејќи се соочуваме со заморот. Вршам голем притисок врз моите играчи за да го надминат овој проблем и да се подготват за средбите, но засега имам чувство дека се борам сам. С$ е прашање на однос", изјави по поразот од Италија, рускиот селекторот Џовани Капрара.

РЕЗУЛТАТИ - 2. КОЛО:

ГРУПА "А":

САД - Куба 0:3

(15:25, 24:26, 17:25)

Кина - Полска 3:1

(22:25, 25:15, 25:20, 25:22)

Јапонија - Венецуела 3:0

(25:12, 25:17, 25:12)

ТАБЕЛА:

1.Кина 2 2 0 6:1 4

2. Куба 2 2 0 6:1 4

3. САД 2 1 1 6:1 3

4. Јапонија 2 0 2 4:3 3

5. Полска 2 0 2 2:6 2

6. Венецуела 2 0 2 0:6 2

ГРУПА "Б":

Алжир - Србија 0:3

(14:25, 13:25, 13:25)

Казахстан - Италија 0:3

(19:25, 15:25, 21:25)

Бразил - Русија 3:0

(25:14, 25:14, 25:16)

ТАБЕЛА:

1. Бразил 2 2 0 6:0 4

2. Србија 2 2 0 6:1 4

3. Италија 2 2 0 6:1 4

4. Русија 2 0 2 1:6 2

5. Казахстан 2 0 2 1:6 2

6. Алжир 2 0 2 0:6 2

ДЕНЕСКА МАЖИТЕ ГО ИГРААТ 2. КОЛО ОД ОЛИМПИСКОТО РАЗИГРУВАЊЕ

Дуел на големите ривали

Натпреварот меѓу Србија и Бразил ќе привлече најголемо внимание во второто коло од натпреварувањето по групи во разигрувањето за олимпиското злато. Дуелот меѓу големите ривали, кои имаа можност своите сили да ги измерат повеќепати пред настапот на Олимпијадата, претставува нов предизвик и за двата тима. Бразилците ќе пробаат да ја продолжат победничката серија, по стартниот триумф над Египет, додека одбојкарите на нашиот северен сосед ќе ја бараат шансата за поправен бидејќи во 1. коло беа поразени од Русија со 3:1. Бранителот на златниот медал од Атина без притисок влегува на денешниот меч.

"Светот повеќе не н$ гледа како фаворити, што е позитивно бидејќи сме ослободени од притисокот, но од друга страна тоа им дава поголема самодоверба на нашите противници. Н$ очекува тежок дуел со Србија, која се најде во завршницата на Светската лига 2008, каде покажа одлична игра. Двата тима направија промени во играта по тоа натпреварување, ние ја подобривме одбраната, што е многу значајно во меч со селекција како Србија која има силен напад. Мора да ја играме нашата игра, да бидеме трпеливи и да ја користиме секоја грешка на противникот", изјави селекторот на Бразил, Бернардо Резенде.

Вицешампионите во Светската лига 2008 се надеваат дека по лошиот старт ќе се вратат во игра и тоа со победа над "кариоките".

Во групата "Б" покрај оваа средба денеска се среќаваат и Русија и Германија, како и Египет и Полска.

Во групата "А" освојувачот на Светската лига 2008, САД ја пречекува селекцијата на Италија, а во останатите натпревари домаќинот Кина се среќава со Венецуела, додека Бугарија ќе оди на нова победа во дуелот со Јапонија.

Мек Качин со отворено писмо за благодарност

Селекторот на американската машка репрезентација, Хју Мек Качин и неговата сопруга Елизабет испратија отворено писмо за благодарност по немилиот настан на стартот од Игрите, кога родителите на Елизабет беа избодени со нож во Кулата на тапаните во Пекинг, по што нејзиниот татко почина, додека мајка и заздравува во пекингшката болница.

"Во овие исклучително тешки моменти долга е листата на луѓе кои ни ја понудија нивната помош, убавите зборови и молитви. Ова писмо не може да донесе правда и да ја изрази љубовта и поддршката која ја почувствувавме. Голема благодарност до медицинските лица во болницата во Пекинг, кинескиот министер за внатрешни работи и градоначалникот на Олимпиското село, претседателот на САД, Буш и американскиот амбасадот во Кина, Ренд, Американската одбојкарска федерација, Олимпискиот комитет на САД, како и ИОК, организаторот Кина и на сите други струкрури кои ни прижија финансиска и морална поддршка", стои во отвореното писмо на Мек Качин.

РАСПОРЕД - 2. КОЛО:

ГРУПА "А":

06:30ч. САД - Италија

14:00ч. Венецуела - Кина

16:00ч. Јапонија - Бугарија

ТАБЕЛА:

1. Италија 1 1 0 3:1 2

2. Бугарија 1 1 0 3:1 2

3. САД 1 1 0 3:2 2

4. Венецуела 1 0 1 2:3 1

5. Кина 1 0 1 1:3 1

6. Јапонија 1 0 1 1:3 1

ГРУПА "Б":

04:00ч. Русија - Германија

06:00ч. Египет - Полска

08:30ч. Србија - Бразил

ТАБЕЛА:

1.Бразил 1 1 0 3:0 2

2.Полска 1 1 0 3:0 2

3.Русија 1 1 0 3:1 2

4.Србија 1 0 1 1:3 1

5.Германија 1 0 1 0:3 1

6.Египет 1 0 1 0:3 1

ОДБОЈКА НА ПЕСОК (Ж)

РЕЗУЛТАТИ - 2. КОЛО:

ГРУПА "А":

Тиан Џиа/Ванг (КИН) - Ван Бредам/Моха (БЕЛ) 2:1

Масеиде/Глеснес (НОР) - Кун/Швер (ШВЕ) 2:0

ГРУПА "Ц":

Ана Паула/Лариса (БРА) - Урјадова/Ширјаева (РУС) 2:1

Барнет/Кук (АВС) - Сака/Ртвело (ГРУ) 2:0

ГРУПА "Е":

Бранаг/Јангс (САД) - Пол/Рау (ГЕР) 2:0

Рибалта/ М. Креспо (КУБ) - Кадик/Морен (ХОЛ) 2:0

РАСПОРЕД (ДЕНЕСКА):

ГРУПА "Б":

03:00ч. Волш- Мај/Тренор (САД) - Грасет/Пераза (КУБ)

06:00ч. Нила/Ингрид (НОР) - Тери Саики/Кусухара (ЈАП)

ГРУПА "Д":

05:00ч. Кутроманиду/Цирциани (ГРЦ) - Аугустидес/Нел (ЈАР)

13:00ч. Ксуе/Жанг Кси (КИН) - Голер/Лудвиг (ГЕР)

ГРУПА "Ф":

08:00ч. Карантасиу/Арванити (ГРЦ) - Канделас/Гарсиа (МЕК)

14:00ч. Талита/Рената (БРА) - Швајгер/Швајгер (АВТ)

ОДБОЈКА НА ПЕСОК (М)

РЕЗУЛТАТИ - 2. КОЛО:

ГРУПА "Б":

Конде/Баракети (АРГ) - Конде/Баракети (АРГ) 2:0

Риџерс/Далхаусер (САД) - Хејер/Хеушер (ШВА) 2:0

ГРУПА "Ц":

Шахт/Слак (АВТ) - Фернандез/Мораиш (АНГ) 2:0

Рикардо/Емануел (БРА) - Геор/Гиа (ГРУ) 2:0

ГРУПА "Е":

Нумердор/Шуил (ХОЛ) - Кемпедур/Скарлунд (НОР) 2:1

Клемперер/Коренг (ГЕР) - Лацига/Шнидер (ШВЕ) 0:2

РАСПОРЕД (ДЕНЕСКА):

ГРУПА "А":

04:00ч. Кси/Ву (КИН) - Каис/Весик (ЕСТ)

17:00ч. Херера/Меса (ШПА) - Гош/Хортс (АВТ)

ГРУПА "Д":

07:00ч. Марцио Араујо/Фабио Луиз (БРА) - Допер/Гертмајер (АВТ)

15:00ч. Барсок/Колодински (РУС) - Лионе/Аморе (ИТА)

ГРУПА "Ф":

12:00ч. Берсма/Ронес (ХОЛ) - Асахи/Ширатори (ЈАП)

16:00ч. Бринк/Дикман (ГЕР) - Гиб/Росентхал (САД)

ПЛИВАЊЕ - ПО ДВА ДЕНА ФИНАЛИЊА, ДУРИ 8 СВЕТСКИ РЕКОРДИ ВО "ВОДЕНАТА КОЦКА"

Лејзак му помогна на Фелпс, Китаџима мајсторски

Бидејќи историјата за малку ќе му пропаднеше, Мајкл Фелпс мораше да навива за Џејсон Лејзак, кој успеа да го стигне Французинот Алан Бернар и на САД да им донесе светски рекорд и злато во 4х100 метри штафетата. На само 25 метри, половина од базенот, Бернар с$ уште беше во водство, но во трилер завршница САД стигна до победата, а Фелпс го освои второто од предвидените осум златни медали.

Лејзак, најстариот пливач во американскиот тим го направи едно од најголемите враќања во олимписката пливачка историја во трка која избриша два светски рекорда. Малку натпревари на Олимпијадата досега ги оправдаа очекувањата, но ова беше повеќе од посакуваното. 32-годишниот Лејзак беше вистински херој.

"Ова ми се случува цела кариера. Луѓето доаѓаат во мојата линија и ме вшмукуваат, и сега мислам дека беше мојот ден", вели ветеранот.

Американците го срушија светскиот рекорд кој го постави нивниот "Б" тим во неделните квалификации, откако имаа време од 3:08.24, речиси цели 4 секунди од 15 аса старото време од 3:12.23. Фелпс, кој ја пливаше првата замена, беше пресреќен што остана на пат да го подобри рекордот на Марк Шпиц од 7 злата на една Олимпијада.

"Неверојатно. Џејсон ја заврши трката далеку подобро од тоа што сите мислевме. Неговите последни 10-15 метри беа неверојатни", признава Фелпс.

Американците победија во брзата штафета седум Олимпијади по ред, но минатите две Олимпијади загубија од Австралијците и Јужноафриканците.

Бернар беше светскиот рекордер на 100 метри, но освен златото го загуби и тој рекорд. Австралиецот Имон Саливен го подобри индивидуалниот рекорд откако првата промена ја исплива 47.24, пред времето од 47.50 на Бернар. Ова е тежок удар за Французинот, кој најави дека "ќе ги скрши Американците".

"Искуството беше поважно од талентот", вели Фредерик Буске.

Французите беа втори со 3:08.32, Австралија бронзена со 3-09-91, а всушност првите пет беа под рекордот поставен во неделата.

И КИТАЏИМА СО РЕКОРД ДО ЗЛАТОТО

Ова беше единственото американско злато во вториот дел финалиња во Водената коцка, со што помалку го разочараа својот претседател Џорџ Буш, кој повторно беше на трибините со сопругата Лора и ќерката Барбара.

Јапонскиот актуелен шампион Косуке Китаџима ја одбрани титулата на 100 метри градно и тоа со нов светски рекорд. Китаџима исплива 58.91 секунди, подобрувајќи го претходниот рекорд на својот американски ривал Брендан Хенсен од 59.13 поставен пред две години. Среброто го освои Норвежанецот Александер Дале Оен, пред Французинот Иг Дубош, а Хенсен во својата најдобра дисциплина стигна само до 4. место.

"Навистина совршено. Се фокусирав на својата трка, и не ги гледав ривалите", вели Китаџима, кој се врати од третото место по 50 метри.

Хенсен по трката му честиташе на јапонскиот ривал.

"Тоа беше совршена трка и тој е вистински шампион. Мораш да му честиташ на некој кој во ваква тешка трка плива така", вели Хенсен.

ЕДЛИНГОН ЈА ШОКИРАШЕ ХОФ

Американката Кејти Хоф повторно беше поразена за златото откако Британката Ребека Едлингтон во последните 50 метри ја помина 19-годишната Американка, која претходно освои брозна на 400 мешано. Едлингтон победи со 4:03.22, Хоф беше сребрена со 4:03.29, а британскиот триумф го комплетираше Џоен Џексон со бронзата со 4:03.52. Актуелната шампионка, Французинката Лор Манаду беше последна осма во финалето.

"Ја видов Кејти и си помислив дека можам да ја стигнам", вели Едлингтон.

Хоф има уште три индивидуални трки во Пекинг и една штафета.

ТРИКЕТ СО ЗЛАТО, КОВЕНТРИ СО РЕКОРД

Австралијката Либи Трикет, пак, може да се пофали дека конечно е олимписка шампионка откако на 100 метри пеперутка беше блиску до светски рекорд и победи со 56.73, само 0.12 секунди зад најдоброто светско време. Среброто го освои Американката Кристин Магнусон (57.10), додека бронзата отиде кај уште една Австралијка, Џесика Шипер (57.25).

23-годишната пливачка која претходно беше позната како Либи Лентон беше светска рекордерка на 100 слободно, но не го помина полуфиналето во Атина пред 4 години.

"Пред трката бев толку нервозна што мислев дека ќе повратам. Но, кога излеговме, не мислев на ништо друго освен на златото", вели Трикет.

Кирсти Ковентри од Зимбабве не чекаше до финалето за да постави светски рекорд на 100 метри грбно, победувајќи во полуфиналето со 58.77, со што го подобри рекордот од 58.97 на Американката Натали Кохлин од минатиот месец.

РЕЗУЛТАТИ:

100 М ПЕПЕРУТКА (Ж)

1.Лизбет Трикет (Авс) 56.73

2.Кристин Магнусен (САД) 57.10

3.Џесика Шипер (Авс) 57.25

4.Јафеи Жу (Кин) 57.84

5.Ли Тао (Син) 57.99

100 М ГРАДНО (М)

1.Косуке Китаџима (Јап) СР 58.91

2.Александер Дале Оен (Нор) 59.20

3.Иг Дубош (Фра) 59.37

4.Брендан Хенсен (САД) 59.57

5.Брентон Рикард (Авс) 59.74

400 М СЛОБОДНО (Ж)

1.Ребека Едлингтон (Бри) 4:03.22

2.Кејти Хоф (САД) 4:03.29

3.Џоен Џексон (Бри) 4:03.52

4.Корали Балми (Фра) 4:03.60

5.Федерика Пелегрини (Ита) 4:04.56

4Х100 М СЛОБОДНО (М)

1.САД (Фелпс/Вебер-Гејл/Џонс/Лејзак) СР 3:08.24

2.Франција (Лево/Жило/Буске/Бернар) 3:08.32

3.Австралија (Саливен/Лотерстајн/Келас/Таргет) 3:09.91

4.Италија (Калви/Галенда/Белоти/Мањини) 3:11.48

5.Шведска (Стимне/Фроландер/Нистранд/Персон) 3:11.92

По момчето, Манаду го загуби и светскиот рекорд од Пелегрини

Италијанката Федерика Пелегрини постави нов светски рекорд во квалификациите на 200 метри слободно во понеделникот, поставувајќи се како главна фаворитка за златото. Пелегрини во својата група победи со време од 1:55.45 подобрувајќи го претходниот рекорд од 1:55.52 на Французинката Лор Манаду од март 2007. Тоа беше осми светски рекорд поставен на пливачките натпреварувања.

Манаду, актуелната светска шампионка, не се обиде да се квалификува за дисциплината на француското првенство. Иронично, Федерика Пелегрини сега излегува со италијанскиот пливач Лука Марин, со кој Манаду имаше драматично раскинување минатата година на Светското првенство.

Осум злата? Шпиц вели дека и тој го можел тоа

Американската пливачка легенда Марк Шпиц верува дека Мајкл Фелпс може да го подобри неговиот рекорд од седум злата од Минхен 1972 година, но вели дека и тој би можел да има осум доколку работите биле поинакви.

"Јас освоив седум злата. Да ја имаше и 50 метри слободно тогаш можеби ќе бев првиот до осум злата. Тој е речиси ист како мене. Светски рекордер, доминира и многу ме потсетува на мене во младоста", вели Шпиц.

Американецот уште е лут на ИОЦ, ФИНА и американската ТВ мрежа НБЦ поради тоа што не го поканиле во Пекинг.

"Не добив покана, а на Олимпијада не се оди така. Посебно поради мојот успех. Нема да седам таму и да го гледам Фелпс анонимно. Тоа е понижувачки", вели Шпиц.

Јапонските весници со специјално издание за Косуке!

Јапонските весници побрзаа да издадат специјални изданија за да го прослават златниот медал на Косуке Китаџима на 100 метри градно. Победата на Китаџима успеа да го избрише разочарувањето во Јапонија откако нивната натпреварувачка во џудо, Рјоко Тани, една од најпопуларните спортистки во земјата освои само бронза по двете злата на предходните Олимпијади. Луѓето побрзаа да ги купат специјалните изданија на весниците, Јомиури, Асахи и Спортс Нипон.

"Навистина прекрасно. Тој е човек на кој Јапонија може да биде горда", вели 53-годишниот Шуичи Фукацу.

КРЕВАЊЕ ТОВАР - ВО НОВИТЕ ФИНАЛНИ ДИСЦИПЛИНИ

Две нови злата за Кина

Финалните дисциплини во кревањето товар во третиот ден од Олимпијадата донесе одличен резултат за домашната селекција бидејќи стигнаа до две злата со кои го подобрија вкупниот биланс.

Голем успех постигна Чен Јангјинг од Кина, која дојде до нов олимписки рекорд откако успеа да крене 244 килограми. Таа е сопственик и на светскиот рекорд кој е за седум килограми подобар од олимпиското постигнување, а на овие игри само ги оправда очекувањата бидејќи имаше подобар резултат од дури 14 килограми во однос на второпласираната Шајнова од Русија.

Олимписка шампионка во категоријата до 58 килограми со ова го одбрани златото освоено пред четири години во Атина кога беше исто така убедливо најдобра. Меѓутоа, по тие игри одлучи да се повлече од активното натпреварување. Ја немаше две години пред одново да одлучи да се врати и да продолжи со успешните настапи. За колку квалитетна спортистка се работи покажуваат нејзините резултати од овие игри со кои покажа дека е далеку подобра од другите натпреварувачки во оваа категорија.

Кај мажите до златото стигна нејзиниот сонародник, Ксиангксианг Цанг, кој успеа да стигне до одличен резултат. Бронзениот од Сиднеј пред осум години сега беше далеку подобар од Колумбиецот Салазар. Крена товар поголем за дури 14 килограми од второпласираниот, а до златото стигна со 319 кренати килограми. Со тоа немаше никакви проблеми да дојде до првото место бидејќи и третопласираниот Трианто од Индонезија имаше далеку послаб резултат. Трианто натпреварите ги заврши со кренати 298 килограми, но тоа беше доволно за бронзата.

РЕЗУЛТАТИ

МАЖИ

До 62 кг

1. Ксиангксианг Цанг (Кин) 319 кг

2. Диего Салазар (Кол) 305 кг

3. Триатно (Ино) 298 кг

ЖЕНИ

До 58 кг

1. Чен Јангјинг (Кин) 244 кг (ОР)

2. Марина Шајнова (Рус) 227 кг

3. О Јонг Ае (С. Кор) 226 кг

ЏУДО - ВО БОРБА КОЈА ТРАЕШЕ САМО 23 СЕКУНДИ

Мамадли го "среди" светскиот првак

Претставникот на Азербејџан во категоријата до 73 килограми, Елнур Мамадли & го донесе првото злато на својата земја на Игрите откако во финалето го совлада Кореецот Ванг Ки Чун, кој е светски шампион.

Борбата траеше само 23 секунди. Поточно толку време му беше потребно на новиот олимписки првак да му нанесе пораз на својот противник.

Тој тргна од стартот на борбата, решен да стигне до златото. Го дочека својот противник во невнимание и набрзина дојде до позиција со која по 23 секунди го "матираше", па на судиите не им остана ништо друго освен да го прогласат Мамадли за победник во борбата и нов олимписки шампион.

Во борбите за 3. место имаше интересни дуели. Европскиот првак Дирк Ван Тихелт од Холандија загуби од Бокијев од Таџикистан, а Гуиљеро од Бразил беше подобар од Али Маломат од Иран.

Во втората финална дисциплина вчера, која беше во женска конк*ренција, златото & припадна на Италијанката Квинтавале. Европското финале & припадна на оваа џудистка која против Гравенстијн од Холандија имаше тешка борба за да дојде до златото.

Сепак, најголемата работа Квинтавале ја заврши претходно. Таа имаше борба против Ивон Бениш од Германија коај ја бранеше титулата од Атина. Меѓутоа, Италијанката успеа да направи доволно голема предност уште на стартот и до крајот без проблеми издржа за да дојде до место во финалето.

Во дуелите од репасаж за бронзата дојдоа Бразилката Квадрос и кинеската репрезентативка Јан. Квадрос успеа да стигне до победа против бронзената од пред четири години, Пекли од Австралија, додека Јан се радуваше на триумф во мечот со Барбара Харел од Франција.

РЕЗУЛТАТИ

МАЖИ

До 73 кг

1. Елнур Мамадли (Азе)

2. Ванг Ки Чун (Кор)

3. Расул Бокијев (Тјк)

3. Леандро Гуиљеро (Бра)

ЖЕНИ

До 57 кг

1. Џулија Квинтавале (Ита)

2. Дебора Гравенстијн (Хол)

3. Кејтлин Квадрос (Бра)

3. Ксу Јан (Кин)

КАЈАК НА ДИВИ ВОДИ - ПО ВЧЕРАШНИОТ НАСТАП КВАЛИФИКАЦИИ ВО К-1

Николовски остана без полуфинале

Македонија нема да има свој претставник на натпреварите во кајак на диви води во дисциплината К-1. Атанас Николовски се пласираше на 19. место од 21 натпреварувач, па остана без пласман меѓу најдобрите 15 така што остана и без место во полуфиналето.

Николовски го поправи својот пласман во втората трка. По првиот настап тој беше последен. Излезе со многу желба да се прикаже во одлично издание на тешката патека која нудеше многу замки и беше максимално брза. Во горниот дел од патеката почна одлично и не заостануваше многу зад во тој момент водечкиот Динг од Кина.

Сепак, на средина од патеката при поминувањето на 11. капија, која беше во спротивен правец од текот на водата, направи грешка. При завеслаите удри во капијата и тоа автоматски значеше дополнително време од две секунди на вкупниот резултат. Иако се обидуваше до целта да направи уште подобро време не успеваше, па во тој момент се најде на последното, 3. место. До крајот другите 18 натпреварувачи го поминаа, па првата трка од квалификациите ја заврши на последната 21. позиција.

И во втората трка Николовски стартуваше како трет. Меѓутоа, овој пат на патеката беше далеку повнимателен. Немаше грешки како во првата трка, но одеше за нијанса побавно. Овој пат ги помина сите капии без допир и немаше казнено време, а успеа да ги искористи грешките на Американецот Парсонс и Кинезот Динг, така што на крајот се најде на 19. место од вкупно 21 учесник во трката.

Доколку во првата трка успееше да заврши без казна, тогаш Николовски сигурно ќе имаше барем уште едно место подобар пласман. И доколку се случеше тоа ќе ги завршеше натпреварите во квалификациите бидејќи во полуфиналето имаше место само за најдобрите 15 кајакари кои денеска ќе се најдат во двете завршни трки по што ќе биде познат олимпискиот шампион. Како најголем фаворит и натаму остана Словенецот Петер Каузер, кој имаше најдобро време по двете квалификациски трки.

РЕЗУЛТАТИ

КВАЛИФИКАЦИИ (ПО 2 ТРКИ)

1. Петер Каузер (Сло) 2:46.49

2. Фабиен Лефевр (Фра) 2:48.06

3. Даниеле Молменти (Ита) 2:48.59

4. Александер Грим (Гер) 2:49.26

5. Дариуш Попиела (Пол) 2:51.02

6. Хелмут Облингер (Аут) 2:51.75

.....

18. Казуки Јазава (Јап) 2:59.87

19. Атанас Николовски (Мкд) 3:01.19

20. Скот Парсонс (САД) 3:40.54

21. Фуксуе Динг (Кин) 3:48.39

Несторов последен во квалификациите

Вчера Олимпијадата заврши за уште еден натпреварувач од Македонија. Сашо Несторов во стрелаштво, како што можеше да се очекува настапи само во квалификациите. Тој со 558 круга го постигна најслабиот резултат и се пласираше на последното 51. место во дисциплината 10 метри воздушна пушка. Имаше 11 круга помалку од претпоследниот натпреварувач од Никарагва, Валтер Мартинез.

Во финалето имаше место само за најдобрите осум стрелци, а зад нив Несторов имаше големо заостанување. Осмиот кој влезе во финалето имаше резултат од 697 круга во квалификациите.

Каузер прв фаворит

По комплетирањето на двете квалификациски трки најдобрите 15 денеска прво ќе имаат настап во полуфиналето, а за денеска е предвидено и финалето. Како најголем фаворит се покажа Петер Каузер од Словенија кој имаше најдобри резултати на вчерашните настапи. Тој има време од дури секунда ипол подобро од Французинот Лефевр и очекувањата се денеска да успее само да го потврди добриот настап во текот на квалификациите. Сепак, денеска е сосема нов ден и нови трки во кои ќе мора одново да се покажат сите квалитети.

ВО КВАЛИФИКАЦИИТЕ ОД Ц-1 ВО ВОДСТВО СЛОВАЧКИ РЕПРЕЗЕНТАТИВЕЦ

Мартикан со најдобар резултат

По квалификациите кои се одржаа вчера Словакот Михал Мартикан е во водство во дисциплината Ц-1 во кану на диви води. Тој беше подобар за само 35 стотинки од Германецот Јан Бенцин додека на третото место се најде Давид Флоренс од Велика Британија. Место во полуфиналето имаше за 12 натпреварувачи од вкупно 16 колку што се најдоа во вчерашните квалификации. Испаднаа претставниците на Канада, Јапонија, Хрватска и Јужна Африка.

РЕЗУЛТАТИ

1. Михал Мартикан (Свк) 2:50.15

2. Јан Бенцин (Гер) 2:50.50

3. Давид Флоренс (В. Бри) 2:51.63

4. Станислав Јецек (Чеш) 2:52.09

5. Андер Елосегуи (Шпа) 2:52.47

6. Тони Естангуе (Фра) 2:56.08

МЕЧУВАЊЕ - ИТАЛИЈАНКАТА СО ИСТОРИСКИ ТРИУМФ

Вецали со трето злато по ред во меч

Италијанката Валентина Вецали стигна до рекордна трета едноподруго титула во женското мечување-меч откако на 4 секунди пред крајот го "скрши" ремито да ја совлада Јужнокорејката Нам Хјун-Хи со 6:5. Вецали губеше со 5:4 на 41 секунда пред крајот и загуби еден предизвик со прегледување на снимката. 34-годишната Вецали сега има најмногу олимписки злата во мечување.

"Прво морам да се заблагодарам на мојот мал син Пјетро, кој ја чека својата мајка. Секогаш сум го давала срцето и душата за овој спорт", вели Вецали.

Ова е нов италијански триумф во мечувањето, откако во неделата Матео Таљариол ја освои титулата во машки меч. Во италијанскиот дуел за третото место, Маргерита Гранбаси ја совлада шампионката од 1992 година, Џована Трилини со 15:12. За Трилини ова беше петта Олимпијада.

РЕЗУЛТАТИ:

ЖЕНИ, МЕЧ

1.Валентина Вецали (Ита)

2.Нам Хјун Хи (Кор)

3.Маргерита Гранбаси (Ита)

СКОКОВИ ВО ВОДА - ВТОРО ЗЛАТО ЗА КИНА ВО СКОКОВИ ВО ВОДА

Одлична синхронизација за Лин и Хуо

Кинеските скокачи се совршено синхронизирани со олимписките очекувања во татковината. Домашната нација стигна до второто злато во втората дисциплина во еден од најпопуларните спортови во Кина, откако Лин Хуе и Хуо Лианг стигнаа до златото на 10 метри платформа-синхронизирано во понеделникот, предводени од илјадниците фанови во "Водената коцка".

Кинезите водеа од првата серија освојувајќи го златото со 468.18 поени пред германското дуо Саша Клајн и Патрик Хауздинг (450.42), додека руските ветерани Глеб Галперин и Дмитри Доброскок се задоволија со бронзата со 445.26, само 0.42 пред четвртопласираните Австралијци.

Кина има цел да ги освои сите осум злата во скоковите, нешто што ниту една нација не го направила, но засега изгледаат незапирливи. Лин и Хуо го поставија тонот во првата рунда со скок кој не ја брануваше водата добивајќи една совршена 10 и серија 9.5 оценки. Во второто коло тие ги добија сите 10-ки за синхронизација.

"Откако знаев дека постојат Олимписките игри го сакав ова злато", вели 17-годиниот Лин.

Лин и Хуо ја додадоа титулата на таа од СП во 2007.

"Малку сум низок за ова и тоа ми пречи во воздухот. Но, ако внимаваш с$ е можно", вели 18-годишниот Хуо.

Русите беа на добар пат до златото, с$ додека Доброскок во претпоследната петта рунда не направи грешка отворајќи шанса за Клајн и Хауздинг.

"Петтиот скок беше навистина одлучувачки. Се работеше за техничка грешка и изгледа проработеа нервите", вели ветеранот со "најскокачкото" презиме на светот Доброскок.

РЕЗУЛАТИ

10 М ПЛАТФОРМА СИНХРОНИЗИРАНО

1.Јуе Лин/Лианг Хуо (Кин) 468.18

2.Патрик Хауздинг/Саша Клајн (Гер) 450.42

3.Глеб Галперин/Дмитри Доброскок (Рус) 445.26

ТАБЕЛА НА МЕДАЛИ