СТАНКОВИЌ: ВО ИНТЕР ДО ПЕНЗИЈА!

Џан Пјеро Гасперини е нов тренер на Интер. Договорот меѓу Интер и Гасперини е потпишан на една година, а доколку има резултати ќе има можност за продолжување на уште една. Клубот попушти и ќе му даде шанса, а интересно е што со себе нема да може да ги доведе кондициониот тренер и тренерот на голманите, поради неговото минато во Јувентус.

Гасперини себеси честопати се нарекуваше војник на Јувентус, но никогаш не ја доби истинската шанса да работи во градот каде се роди. Како играч ги помина сите младински категории и доби неколку шанси во првиот тим, но набрзо го напушти Јувентус. Неговата генерација во првата половина на осумдесетите години го покори светот и на клубско и на репрезентативно ниво. Тренерската кариера ја започна во младинските школи на Јувентус. Како тренер на сениорска екипа започна во Кротоне со кој избори пласман во втората лига, а од 2006-та до 2010-та година седеше на клупата на Џенова, со која се врати во Серија А и изори пласман во европските купови.

Гасперини според италијанските медиуми во Интер ќе заработува 1,2 милиони по сезона.

Тој е четвртиот тренер во последните 12 месеци кој ќе седне на клупата на Интер. Пред една година ИНтер го напушти Жозе Мурињо, потоа дојде Рафа Бенитез, а тимот до крајот на сезоната го предводеше Леонардо кој сега ќе замине како спортски директор во ПСЖ.

Милански Интер би можел да остане без тренер, доколку се исполни желбата на сопственикот на Парис Сент Жермен.

Богатите шеици од Катар, сопственици на 70 отсто од парискиот клуб, сакаат Леонардо да го превземе местото технички директор на екипата, функција која ја вршеше и во Милан.

Леонардо за ПСЖ настапуваше во периодот од 1996. до 1997. година и моментално се наоѓа во Доха на преговори

Интер планира 15.000.000 евра од Пандев и Милито

Според извештајот на "Кориере дело спорт", претседателот на Интер, Масимо Морати, летово планира да заработи 15 милиони евра од продажабата на двајцата напаѓачи Горан Пандев и Диего Милито.
Италијанскиот весник тврди дека Џампаоло Пацини и Самуел Ето сигурно остануваат во тимот следната сезона, така што "нераѕурите" ќе се обидат да соберат пари за засилувања од трансферите на Македонецот и на Аргентинецот. За Милито е заинтересиран бившиот клуб Џенова, а за Пандев од поодамна се загреани Ливерпул и Баерн. Вредностите на двајцата се проценети на околу 7-8 милиони евра. Доколку се ослободи од двајцата напаѓачи, Интер ќе заштеди осум милиони евра годишно за плати, пет за Милито и три за Пандев.
За разлика од претходната сезона, кога напаѓачкиот тандем го предводеше Интер до тројната круна, сезонава, Милито и Пандев заедно постигнаа само седум гола.

Интер е подготвен да понуди 30 милиони евра за крилото на Баерна Минхен, Арјен Робен.

Ова не е прв пат Робен да се поврзува со екипите од Серија А, бидејќи Јувентус и Милан од поодамна се заинтересирани за неговите услуги.

Сега одненадеж се појави можноста Интер да го купи 27-годишниот фудбалер, а според медиумите, понудата наскоро ќе биде испратена на адреса на Баварците.

Робен можноста да го напушти Минхен ја отвори со констатацијата дека Баерн мора да игра во Лигата на Шампионите, што же биде неизвесно до последното коло во Бундес лигата.

На потег ќе биде управата на Баерн, а 30 милиони евра можеби ќе ги задоволат апетитите на Баварците, бидејќи Робен доста често имаше проблеми со повредите.

Претседателот на Интер не ја крие својата желба во својот тим следната сезона да го види играчот на Удинезе.

Масимо Морати ја изрази својата воодушевеност од игрите на Алексис Санчез оваа сезона, како и желбата ова лето да го донесе Чилеанецот во Интер.

Санчез е една од најголемите ѕвезди оваа сезона во Серие А и неговите одлични игри го однесоа Удинезе на четвртото место и борбата за пласман во Лигата на шампиони следната сезона.

“Алексис Санчез е фантастичен играч. Тоа можеше да се види уште пред некоја година. Удинезе направи многу добра работа во неговиот развој во уште подобар играч. Тоа ќе им се врати и резултатски, но и финансиски. Тој е тип на играч за кој сонувате“ - рече Морати за Corriere dello Sport.

Санчез изјави дека не размислува за трансфер во моментов, но тој сепак делува неизбежен со оглед на големиот интерес за него од страна на најголемите европски клубови.

Покрај Интер, за него заинтересирани се уште и Барселона, Челзи, Манчестер Јунајтед и Јувентус.