Познати осминафиналните двојки во фудбалската Лига на Европа

Со одигрувањето на 14-те реванш натпревари синоќа беше комплетирана првата нок-аут фаза од Лигата на Европа на УЕФА.

Без поголеми изненадувања минаа дуелите, а возбудливо и драматично беше во Лисабон каде Глазгов Ренџерс со голот во судиското надополнување успеа да изедначи против Спортинг и да избори пласман во осминафиналето.

Најубедливата победа ја постигна Динамо Киев кој со 4:0 го совлада Бешикташ. Во редовите на победничката екипа целиот натпревар го одигра македонскиот репрезентативец Горан Попов.

Преглед на резултатите од 1/16 финалето: Зенит Јанг Бојс 3:1 (1:2 прв натпревар), Баер Леверкузен Металист 2:0 (4:0), Ливерпул Спарта Прага 1:0 (0:0), ПСВ Лил 3:1 (2:2), Спартак Москва Базел 1:1 (3:2), Спортинг Глазгов Ренџерс 2:2 (1:1), Ајакс Андерлехт 2:0 (3:0), Брага Лех 2:0 (0:1), Динамо Киев Бешикташ 4:0 (4:1), Твенте Рубин 2:2 (2:0), Манчестер Сити Арис 3:0 (0:0), ПСЖ БАТЕ Борисов 0:0 (2:2), Штутгарт Бенфика 0:2 (1:2), Виљареал Наполи 2:1 (0:0).

Во вторникот играа ЦСКА Москва ПАОК 1:1 (1:0) и во средата Порто Севиља 0:1 (2:1).

Според однапред одредената ждрепка во осминафиналето двојките се: Бенфика ПСЖ, Динамо Киев Манчестер Сити, Твенте Зенит, ЦСКА Москва Порто, ПСВ Глазгов Ренџерс, Баер Леверкузен Виљареал, Ајакс Спартак Москва и Ливерпул Брага

ЛЕ 1/16 финале: Наполи-Виљареал, Севиља-Порто, Спарта Прага-Ливерпул...

Последна шанса за Јуве и Сампа

Само со триумф над полскиот Лех, избраниците на Џиџи Дел Нели, ќе останат во игра за едно од двете места кои водат во следната рунда

Денеска ќе се одиграат 12 натпревари од 5. коло во првите шест групи од најмасовното клупско натпреварување, УЕФА Евро лига. Дуелот во Познан може да се покаже како пресуден за најтрофејниот клуб на Апенините, Јувентус. Само со триумф над полскиот шампион Лех, избраниците на Џиџи Дел Нели, ќе останат во игра за едно од двете места кои водат во следната елиминациска фаза. Дополнителен проблем за "црно-белите" ќе биде ниската температура, зашто се предвидува таа да падне на -23 Целзиусови.
- Играта која ја прикажуваме во националниот шампионат ми дава за право да очекувам победа и нови бодови на нашето конто. Само една опција е во игра, а тоа е триумф. Очекувам полн стадион и голема поддршка. Мора да бидеме убоити, мора да ги искористиме сите шанси, изјави Дел Нери.

Право на кикс нема и вториот претставник на Италија, Сампдорија која му е домаќин на холандскиот гигант ПСВ.
- Мислам дека противникот ќе игра на бод. Ќе играат затворено, и ќе се обидат да не изненадат со некоја контра. Никој веќе не се замара со Касано, продолжуваме со нашиот живот и со борбата да забележиме што е можно подобар резултат, изјави тренерот на Сампдорија, Доменико Ди Карло.

ГРУПА А: Лех - Јувентус, Манчестер С. - Салцбург. Табела: Лех 7, Манчестер С. 7, Јувентус 4, Салцбург 2 бода.
група б: атлетико (м) - арис, розенборг - баер (л). табела: баер (л) 8, атлетико м. 7, арис 4, розенборг 3 бода.
група ц: спортинг - лил, гент - левски. табела: спортинг 9, лил 5, левски 4, гент 4 бода.
ГРУПА Г: Зенит - Андерлехт, Хајдук - АЕК. Табела: Зенит 12, Андерлехт 4, АЕК 4, Хајдук 3 бода.
ГРУПА Х: Јанг Бојс - Штутгарт, ОБ - Гетафе. Табела: Штутгарт 12, Јанг Бојс 6, Гетафе 3, Об 3 бода.
ГРУПА И: Металист - Дебрецен, Сампдорија - ПСВ. Табела: ПСВ 10, Металист 7, Сампдорија 5, Дебрецин 0 бодови.

Лига Европа: Манчестер Сити и Јувентус ги поделија бодовите

Стартуваше Лигата на Европа

Лигата на Европа стартуваше денеска со мечевите од првото коло кое донесе и неколку изненадувања. "Се лизнаа" Виљареал, кој во Загреб загуби со 2:0 и Атлетико од Мадрид, кој  на гостувањето во Грција е поразен со 1:0.

Јувентус ја продолжи серијата неубедливи игри бидејќи дома одигра само нерешено против Лех, додека Манчестер Сити беше сигурен на гостувањето во Австрија. Спортинг забележа сигурна победа против Лил, исто како и Левски против Гент. ПАОК може да биде задоволен со бодот од бриж, како и БАТЕ кој ремизираше со киевски Динамо. АЗ освои бодови против Шериф, исто како и Спарта против Палермо.

Ливерпул немаше многу проблеми со Стеауа, слично како и Порто со Рапид, додека Сампдорија против ПСВ и Наполи против Утрехт не можеа да се изборат за повеќе од реми. Бешикташ дури во последните моменти успеа да го скрши отпорот на ЦСКА:

Група А:
Салцбург - Манчестер Сити 0:2 (0:1)
Јувентус - Лех 3:3 (1:2)

Група Б:
Арис - Атлетико Мадрид 1:0 (0:0)
Баер Леверкузен - Розенборг 4:0 (2:0)

Група Ц:
Лил - Спортинг Лисабон 1:2 (0:2)
Левски - Гент 3:2 (1:1)

Група Д:
Динамо Загреб - Виљареал 2:0 (1:0)
Бриж - ПАОК 1:1 (0:0)

Група Е:
АЗ - Шериф 2:1 (1:0)
Динамо Киев - БАТЕ Борисов 2:2 (2:1)

Група Ф:
Спарта Прага - Палермо 3:2 (1:1)
Лозана - ЦСКА Москва 0:3 (0:1)

Група Г:
Андерлехт - Зенит 1:3 (0:3)
АЕК - Хајдук Сплит 3:1 (1:1)

Група Х:
Штутгарт - Јанг Бојс 3:0 (1:0)
Хетафе - Одензе 2:1 (0:1)

Група И:
Дебрецен - Металист 0:5 (0:2)
ПСВ - Сампдорија 1:1 (0:1)

Група Ј:
Карпати - Борусија Дортмунд 3:4 (1:2)
Севиља - Парис Сент Жермен 0:1 (0:0)

Група К:
Наполи - Утрехт 0:0
Ливерпул - Стеауа 4:1 (1:1)

Група Л:
Бешикташ - ЦСКА Софија 1:0 (0:0)
Порто - Рапид Виена 3:0 (1:0).

Форлан му го донесе трофејот на Атлетико

Шпанскиот Атлетико успеа да стигне до првиот трофеј во Лигата на Европа во историјата откако во финалниот меч на Нордбанк Арената во Хамбург го совлада Фулам. Шпанскиот тим со многу мака дури во продолженијата постигна победнички гол и го однесе драгоцениот пехар. Инаку мечот започна со доминација на Атлетико кој првпат се закани во 10 минута. Фудбалерот на Фулам Дени Марфи погреши кога му ја додаде топката на Агуеро, овој ја проследни до Форлан кој ја погоди стативата од голот на Шварцер. Во 32. минута резултатот беше отворен кога Форлан од сомнителна ситуација постигна гол. Агуеро се обиде да шутира од полу-волеј меѓутоа тоа го стори лошо, но за среќа топката стигна до Форлан од прва ја спроведе во голот. Снимката покажа дека Уругваецот се наоѓал во мал офсајд, меѓутоа судијата го призна голот. Во првата посериозна можност Фулам дојде до израмнување. Замора ја поведе акцијата и додаде до Гера кој, пак, нафрли, топката ја прелета одбраната на Атлетико, а Дејвис со волеј удар откосо го матира Де Геа.

Во второто полувреме Фулам одигра далеку поквалитетно го имаше поседот на топката и упати неколку шута преку Дејвис, Гера и Марфи меѓутоа мрежата на Де Геа не беше затресена.

Натпреварот замина во продолженија, а во него Форлан ја искористи невнимателноста на одбраната на Фулам и го одлучи победникот.

34 гола на 8 меча во реваншот од осминафиналето на Лига Европа. Валенсија се пласираше против Вердер во меч со 8 гола, а Јувентус срамно ја заврши евро одисејата против Фулам.

Изненадувањето на вечерта го приреди Фулам кој му даде завршен удар на грогираниот италијански великан во неславната сезона. Нешто е труло во италијанскиот фудбал, би рекле вистинските вљубеници во најпопуларниот спорт на светот, ако се земе предвид фактот дека најтрофејниот клуб на Апенините е исфрлен од Лигата на Европа од просечен англиски тим.

Јувентус имаше 3:1 од првиот меч, а реваншот го почна прекрасно со гол на Трезеге по само 2 минути игра. Но, потоа се тргна во непосакуван правец. Замора во 9 минута израмни на 1:1, па Канаваро во 27 минута доби црвен картон, кој според многумина беше неправеден, за во 40 минута Гера да го најави големото изненадување.


Во вториот дел Унгарецот го постигна својот втор гол од пенал, а Демпси во 82 минута стрелаше за 4:1 и голема радост на Англичаните. (видеo)

Прекрасен натпревар беше одигран и на Весерстадион каде Вердер и Валенсија одиграа 4:4, а со оглед на првиот меч кој заврши 1:1, Шпанците се пласираа меѓу осумте најдобри.

Валенсија со отворена игра го диктираше мечот, а Вердер возвраќаше со противнапади. Виља во 3 минута го отвори резултатот, а во 15 минута Мата зголеми на 0:2. Тогаш Томас Шаф веднаш го внесе Хуго Алмеида кој во 26 минута го намали резултатот по асистенцијата на Пизаро. Сепак, Лилјаците на одмор заминаа со предност од два гола со погодокот на Виља во 45 минута.

Во вториот дел Вердер притисна и во 57 минута Фрингс намали од пенал, а во 62 минута веќе беше 3:3, со голот на Марин. Голеадата ја продолжи Виља со хет-трик во 66 минута, додека конечните 4:4 што не беа доволни за Германците беа дело на Пизаро во 84 минута. (видеo)

Стандард по победата во Атина од 3:1, во Лиеж рутински го совлада Панатинаикос со 1:0. (видеo)

Бенфика на гости го совлада Марсеј и по лисабонските 1:1 оди понатаму. Победничкиот гол во судиското продолжение го постигна Алан Кардец. (видеo)


Во средбите од 21 часот, Ливерпул не дозволи изненадување против Лил и со головите на Џерард и Торес славеше на домашен терен со 3:0 (видеo), а Хамбургер во ’луд’ натпревар изгуби во Брисел од Андерлехт со 3:4, меѓутоа поради победата на домашен терен од 3:1, се пласираше во четвртфиналето. (видеo)

Спортинг и Атлетико Мадрид одиграа 2:2 (видеo), па Шпанците поради повеќе голови во гости се пласираа понатаму, а Волфсбург дури на продолженија славеше против Рубин Казан со 2:1. Во првиот меч, како и до 90 минута од вториот беше 1.1. (видеo)