Рецепти за солени јадења

Потребно:

2 кг праз
брашно
3 јајца
лебни трошки
путер
масло
магдонос
сол
бибер

Приготвување: исчистениот праз сварете го во солена вода. Исцедете го и лесно притиснете го за да излезе вишокот течност. Распоредете го врз хартиени салфети за да се исуши. Потоа, парчињата праз прплекајте ги во брашното, па во изматените јајца и на крај во лебните трошки. Празот пржете го во добро загреаните путер и масло. Похуваниот праз понудете го со тартар сос.

Виршли со сланина

Потребно:

* 6 виршли
* 3 парчиња кашкавал
* 6 тенки парчиња сланина
* 2 лажички сенф

Приготвување: виршлите засечете ги по должина (околу 1 сма во длабочина). Кашкавалот исечете го на долгнавести стапчиња. Стапчињата ставете ги во засечените делови од виршлите. Секоја виршла завиткајте ја во сланината и краевите зацврстете ги со чепкалки. Така подготвените виршли ставете ги во тавче и печете ги 10-ина минути во рерна загреана на 180 степени, т.е. додека кашкавалот не почен да се топи. Печените виршли сервирајте ги со сенф

Свински гулаш

Потребно:

* 500 г свинско месо од бут
* 3 главици кромид
* масло
* 200 мл супа од коцка
* сол
* бибер
* зачинал
* мелен црвен пипер
* 1 китка магдонос

Приготвување: кромидот ситно исечкајте го, малку посолете го и пржете го во загреано масло. Кромидот динстајте го на тивок оган додека не зарумени. Потоа додадете го месото исечено на коцки и динстајте го 15 минути, односно додека не почне да пушта сок. Сето тоа прелијте го со супата од коцка и зачинете го со сол, бибер, зачинал и мелен црвен пипер. Гулашот варете го додека смесата не се згусне. Пред сервирање посипете го со ситно сечканиот магдонос.

Земичка со зеленчук

Потребно:

* 1 земичка
* 2 лажици крем-сирење со зачински билки
* 1 пиперка
* 1/2 корен од целер
* лист зелена салата

Приготвување: земичката пресечете ја хоризонтално, па долната половина премачкајте ја со крем-сирењето. Пиперката и коренот од целер измијте ги и исчистете ги. Пиперката исечете ја на стапчиња, а коренот од целер на тенки тркалца. Врз крем-сирењето распоредете ги пиперката и коренот од целер, а одозгора ставете лист од измиената и исчистена зелена салата. Сендвичот поклопете го со горната половина од земичката.

Стапчиња со мајчина душица

Стапчињата со мајчина душица ја поттикнуваат работата на желудникот, но и варењето на мрсните јадења. Може да се земаат со јадење наместо леб.
За да ги подготвите овие стапчиња потребно ви е: 500 г брашно, 40 г свеж квасец, 200 мл топла вода, 1 лажичка сол, 1 лажичка шеќер, 2 лажички сува (или ако е свежа, ситно сечкана) мајчина душица, 6 лажици маслиново масло, 100 мл млеко за премачкување.
Приготвување: во брашното издробете го квасецот, па додадете ги топлата вода, маслиновото масло, солта и шеќерот и од сето тоа замесете мазно тесто. Откако ќе отстои 60 минути на ладно место, тестото тенко расучете го во кора и исечете го на парчиња големи 15 х 6 см. Секое парче тесто премачкајте го со млеко, посипете го со мајчината душица и свиткајте го. Стапчињата ставете ги во тавче покриено со хартија за печење, повторно премачкајте ги со млеко и печете ги 10-12 минути во рерна загреана на 180 степени.