Шпагети со песто-сос

Потребно:

400 г шпагети
сол
бибер
2 китки босилек
100 г пармезан
2 чешниња лук
50 г мелени бадеми
125 мл маслиново масло

Приготвување: сварете ги шпагетите во солена вода, т.е. според упатството на пакувањето. Босилекот измијте го, исушете го и ситно исечкајте го. Исто така, и лукот ситно исечкајте го. За песто-сосот измешајте ги босилекот, лукот, ренданиот пармезан, мелените бадеми и маслиновото масло (или, без претходно сечкање, сите состојки ставете ги во миксер и добро сомелете ги). Сосот зачинете го со сол и бибер. Шпагетите исцедете ги, но зачувајте малку вода во која се вареа, па измешајте ги со сосот. Шпагетите поклопете ги и оставете ги да отстојат 10-тина минути за да го впијат вишокот вода, па сервирајте ги топли.

Ќофте (Паша)

1 кгр. мелено месо
150 гр. маст
200 Гр. Ориз
2 јајца
малку црн пипер
3 јајца
сол
Направете смеса од горенаведените состојки oдносно oд месoтo, маста, оризот, двете јајца, сoлта и црниот пипер. Добро се измешајте и правете ќофтина во големина на јајце. Ставете во тенџере 1-1/2 литар вода и ставете го на оган да проврие, ставете 1 зрнo лимонтус вo гoлемина на зрно од пченка, па едно по едно ќoфте спуштајте ги во водата и варете ги 1/2 час. Пред вадење на ќофтињата од оган во посебен сад разматете 3 јајца и сипајте преку ќофтињата, но да не ги мешате. При сипање во чинија додајте од горе лажица кисело млеко.

Печен лосос

Потребно:

* 1.500 г лосос
* 1 китка магдонос
* 300 мл вода
* 150 мл маслиново масло
* 250 мл бело вино
* 1 лажица зачинал
* бибер
* 1 дафинов лист
* босилек

Приготвување: парчињата од лососот се редат во тавче. Магдоносот се зоврива во вода и со смесата се полева рибата. Потоа се нанесуваат маслиновото масло, виното и зачините. Така подготвена рибата се пече во рерна загреана на 160 степени 40 минути.

Проја

Потребно:

* 500 г пченкарно брашно
* 1 лажица маст
* 1 јајце
* малку сол
* ладна вода

Приготвување: замесете ги брашното, јајцето, маста и солта со ладна вода, така што тестото ќе биде ретко, а не густо. Земете тавче, доволно големо, така што кога тестото ќе се разлее, ќе биде со дебелина од еден прст. Ставете го тестото во добро намастено тавче и печете го во рерна. Откако пројата ќе биде готова, тенка и со кора, премачкајте ја одозгора со малку маст.

Италијански грисини

Потребно:

* 1 пакетче свеж квасец
* 500 г брашно
* 40 г путер
* 1 лажичка сол

Приготвување: издробете го квасецет во 250 милилитри млака вода. Во длабок сад измешајте ги брашното, путерот, солта и стасаниот квасец. Замесете тесто и оставете го на топло место да стаса. Потоа, расучете го тестото во кора дебела половина сантиметар и исечете го на тенки ленти. Лентите валкајте ги на работната маса додека не станат цилиндрични како грисини, а потоа наредете ги во тавче обложено со масна хартија за печење. Загрејте ја рерната на 200 степени и оставете ги грисините во близина на рерната да отстојат 10-ина минути за да надојдат уште малку пред печењето. Грисините печете ги 10-ина минути.

Елбасан (јагнешка) тава

(За четворица)

Јагнешки бут
4 јајца
1 овчо кисело млеко
сол
Подготовка:
Прво посолете го месото. Во тавата во која ќе се пече јадењето загрејте малку масло и потпржете го месото од двете страни. Потоа во тавчето ставете малку вода, покријте го со фолија или со капак, и ставете го да се пече, прво на појако, а кога ќе се загрее рерната намалете ја температурата на 180 степени. Одвреме-навреме додавајте вода и превртувајте го месото. Во зависност од големината на парчето месо, тоа може да трае 1 - 2 часа. Кога месото ќе омекне, оставете го без капак да се зарумени и да испари водата. Изматете ги јајцата со виљушка и додадете им го киселото млеко и малку сол. Превртете го месото, истурете ја смесата околу него, па вратете го тавчето во рерна уште 15-ина минути додека јајцата не се потстврднат и не се заруменат на површината. Елбасан тавата одлично оди со печени компири и со зелена салата со краставица, млад кромид и 'рдокви, а, секако, и со младо лукче и со свежа лута пиперка.

Рибарски сендвич

Потребно:

* 500 г сардини
* 5 филети солени рипчиња
* 3 лажици брашно
* 400 г леб
* листови од зелена салата
* 1 главица кромид
* 1 домат
* магдонос
* масло

Приготвување: во секоја од исчистените сардини, во утробата ставете по половина парче од солените рипчиња, притиснете ги со прсти, испрпелкајте ги во брашно, па пржете ги во загреано масло 5-10 минути. Лебот исечете го на парчиња, отстранете ја корката, па пропржете го во загреано масло од едната страна. На пржената страна од лебот ставете лист од зелената салата, неколку пржени риби, домат и кромид исечени на тркалца, па преклопете го со друго парче леб.