ЗОШТО СМЕ СЛАБИ ?

Причини за слабоста на муслиманите и нивните искушениа

Да се даде реална оценка која ќе ги опфаќа сите нејзини сфери на нашата денешна состојба е мошне тешко поради фактот што живееме во турбулентно време, време на глобализација, експлоатација, метеријализам и сл. Всушност, тоа така и изгледа на прв поглед посебно гледано од аспект на еднострани видувања: социолошки, економски, идеолошки, филозофски итн. Сепак за нашата денешна жалосна состојба најдобар приказ и сестрана оценка а истовремено и најава дал последниот пејгамбер Мухаммед а.с. со зборовите: 'Наскоро ќе навалат над вас другите народи како што навалуваат јадачите на садот со храна. Некој рече: Дали ние тогаш ќе бидеме малку О, Аллахов Пратенику? Пејгамберот а.с. рече: 'Не" Напротив вие тогаш ќе бидете многу како надојдена бура во долина. Аллах ќе го оттргне стравот кон вас од градите на вашите непријатели, а во вашите срце ќе влее 'вехн"! Некој праша: што е вехн О, Аллахов Пратенику? Тој одговори: 'Љубов кон овој свет и негодување (презир) на смртта (пожртвуваност)." (Ебу Давуд, Дарекутни)
На овој начин нé известува нашиот водач Мухаммед а.с. уште пред 14 века за ова што денес ни се случува. Најавува дека непријателите на исламот ќе навалат врз нас и ќе се обидат да не понижат и расцепат. Сето ова се остварило кога муслиманите и свртија плеќи на својата вера која со векови била носител на исламската слава и незаменлива оаза за одмор и среќа на искрените души. Кога муслиманите одбија да постапуваат по к*ранските императиви и побараа слава надвор од нивниот ислам , кога муслиманите скршнаа од трасираниот пат и светол патоказ на нивниот пејгамбер Мухаммед а.с., кога муслиманите одбија да жртвуваат дел од своите имоти на Аллаховиот пат, кога муслиманите формално се декларираа како муслимани а нивните дела беа дела на нелуѓе.. Тогаш Аллах џ.ш. се откажа од нив и ги крена своите раце откако тоа претходно го направија оние кои се откажаа од неговиот к*р'ан и Суннет на Неговиот Пејгамбер а.с.. Тогаш Севишниот Аллах џ.ш. им дозволи на неверниците да надвладаат над муслиманите, да ги понижуваат, расцепуваат, да немаат милост кон старите ниту жалост кон малите. Најглавни фактори за слабоста и срамот на муслиманите е нивната неизмерна одаденост кон овој свет и мразење на смртта односно одбивање и несакање на пожртвуваност на Аллаховиот пат. За разлика од поранешните муслимани кои повеќе ја сакале смртта отколку животот. Ова го рекол муслиманскиот командант Халид б. Велид кога и се обратил на византиската војска со зборовите: 'Ви дојдов со војска која ја сака смртта (пожртвуваноста) повеќе од вас што го сакате животот. И да сте качени на небо, со помош на Аллах џ.ш. ќе ве дофатам и уништам."
Муслиманите се многубројни, нив ги има денес над 1. милјарда и триста милиони, но тие се како што рекол Мухаммед а.с. (Како надојдена бура во долина) која одненадеш ќе дојде и ќе ја снема, така и муслиманите се расцепани без власт и авторитет, го заборавија Аллаха и Аллах нив ги заборави. И покрај сето ова што им се случува на муслиманите тие продолжуваат да пловат во темнина, игноранција, стагнација; одадени на рамнодушност и шејтански уживања, ниту се враќаат кај Аллах ниту земат поука од она што им се случува. Семоќниот Аллах џ.ш. вели: 'Зарем тие не гледаат дека секоја година еднаш или два пати паѓаат во искушение, и пак ниту се каат ниту опаметуваат." (Ет-Тевбе,126)
Возвишениот Аллах ги помогнал искрените верници во многу битки и покрај нивниот мал и незначителен број. Така било на битката на Бедр, Хендек, при освојување на Мека и многу други места каде Аллах џ.ш. го исполнил своето ветување:
وَكَانَ حَقّاً عَلَيْنَا نَصْرُ ٱلْمُؤْمِنينَ
'А Наша должност била да им помогнеме на верниците." (Ер-Рум, 47) Обрнете внимание на последниот збор 'да им помогнеме на верниците" а знаете ли кој е верник? Вистински верници се оние кои веруваат во Аллах и Неговиот Пејгамбер и потоа не се сомневаат и војуваат на Аллаховиот пат со нивните имоти и животи.  
Знајте -браќа муслимани- дека исламскиот уммет навистина е во незавидна и болна состојба, ставен е на голем испит и препловен во големи искушенија кои го разбрануваат како морски бранови. Исламскиот уммет западнал во она од што предупредил Мухаммед а.с. кога најавил уште одамна кога рекол: 'Кога мојот уммет ќе ги направи овие петнаесет особини(дела), ќе западне во несреќа (искушение). Рекоа: Кои се тие Аллахов Пратенику? Рече:
-    Кога пленот ќе биде присвојуван насилно,
-    Еманетите прилика(можност) за збогатување,
-    Зекатот(милостина-обврска имоќниот муслиман да даде дел од својот имот на сиромашните) товар и мака за извршување,
-    Кога човекот ќе ја слуша својата жена а ќе биде непослушен кон својата мајка,
-    Кога човекот ќе биде благ со својот другар а груб кон својот татко,
-    Кога ќе се креваат гласови во џамија,
-    Кога водач на луѓето ќе биде најрасипаниот,
-    Кога ќе се почитува човек поради страв од неговото зло,
-    Кога ќе се пие алкохол,
-    Кога ќе се облекува свила,
-    Кога ќе се земаат пејачки и музички инструменти,
-    Кога последните на овој уммет ќе ги проколнуваат првите,  
-    Потоа нека очекуваат црвен ветер или
-    Земјотреси и
-    Промена на форма и измена (болести)." (Тирмизи)
Да бидеме уверени дека горенаведените навестувања ќе се остварат, а некои веќе се остваруваат а пак други допрва ќе се остварат. Пејгамберот а.с. не зборува по својот хир (сопствена волја) туку тој зборува по инспирација и објава на Аллах џ.ш. кому вистината му едно од неговите деведесет и девет убави имиња (Ел-Хакк). Зарем сите овие искушенија, болести, безредија, пониженија.. нема да не опаметат, нема да не расвестат, нема да ни го променат темпото и начинот на нашиот живот.
Верата е вистинско верување, искрено обожавање, праведно и морално однесување и убав карактер. Дали ние имаме во себе вистинско верување, искрено обожавање, праведно однесување и убав карактер? Кога Пејгамберот а.с. најавил дека ќе има искушенија и несреќи во овој уммет. Х. Алија запрашал: "Мелмахреџ?" (Кој е излезот од нив?) Прашање кое и ние треба да го поставиме на себе си! Како да излеземе од оваа мрачна состојба? Кое е најповолното решение? Пејгамберот а.с. гордо и смело одговорил: 'Китабуллах" - Аллаховата книга! Во неа има вест за она што било пред вас, најава за она што ќе дојде после вас, пресуда меѓу вас, тој е разборит говор во кого нема шега. Кој ќе го напушти од надуеност, Аллах ќе го понижи; кој ќе бара упатство надвор од него, Аллах ќе го залута; Тој е цврста Аллахова вера…" (Тирмизи, Дареми)
Ако ја спознаваме дијагнозата на болеста, а истовремено ја утврдивме и терапијата  - да почнеме со нејзина примена за што поскоро излекување пред да стане болеста кобна и со пошироки размери. Аллах да ни помогне! Амин!